ព័ត៌មានជាតិ
មន្ត្រីជាន់ខ្ពស់ ប ស ស ជំរុញឱ្យកម្មករទៅធ្វើសំបុត្រអាពាហ៍ពិពាហ៍ ដើម្បីទទួលបានរបបប្រាក់សោធន
មន្ត្រីជាន់ខ្ពស់បេឡាជាតិសន្តិសុខសង្គម (ប ស ស) បានជំរុញឱ្យកម្មករនិយោជិតក្នុងវិស័យកាត់ដេរវាយនភណ្ឌស្បែកជើង កាបូប និងផលិតផលធ្វើដំណើរទៅធ្វើសំបុត្រអាពាហ៍ពិពាហ៍ដើម្បីទទួលបានរបបសន្តិសុខសង្គមផ្នែកប្រាក់សោធន ខណៈបច្ចុប្បន្នមានកម្មករភាគច្រើននៅមិនទាន់មានសំបុត្រអាពាហ៍ពិពាហ៍នៅឡើយទេ។
ថ្លែងក្រោយពិធីបិទយុទ្ធនាការផ្សព្វផ្សាយការដាក់ឱ្យអនុវត្តរបបសន្តិសុខសង្គមផ្នែកប្រាក់សោធនសម្រាប់បុគ្គលទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារជូនដល់ក្រសួង ស្ថាប័ន អង្គការដៃគូអភិវឌ្ឍន៍ សមាគមនិយោជកសហជីព និងតំណាងកម្មករនិយោជិតនៅព្រឹកថ្ងៃទី២៩កញ្ញា នៅសណ្ឋាគារភ្នំពេញលោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម (ប.ស.ស.)បានមានប្រសាសន៍ថា «ការអនុវត្តរបបសន្តិសុខសង្គមផ្នែកប្រាក់សោធននេះសំបុត្រអាពាហ៍ពិពាហ៍ គឺជារឿងសំខាន់ដោយសារជាការគាំពាររយៈពេលវែងរហូតដល់គាត់មានអាយុ៦០ឆ្នាំទើបគាត់ទទួលបានអត្ថប្រយោជន៍ប្រាក់សោធន។ ប៉ុន្តែនៅពេលគាត់ទទួលមរណភាពក្រុមគ្រួសារត្រូវភ្ជាប់មកជាមួយនូវសំបុត្រអាពាហ៍ពិពាហ៍នេះទើបអាចទទួលបានប្រាក់អត្ថប្រយោជន៍សោធនអន្តរជីវី បើអត់មានសំបុត្រនេះមិនអាចបើកប្រាក់នេះបានទេ»។
លោកបានបន្តថា កម្មករនិយោជិតចាំបាច់ពេលរៀបអាពាហ៍ពិពាហ៍ត្រូវធ្វើសំបុត្រអាពាហ៍ពិពាហ៍នៅមូលដ្ឋានដើម្បីបញ្ជាក់ពីភាពស្របច្បាប់ព្រមទាំងសំបុត្រកំណើត និងសំបុត្រមរណៈផងដែរ ព្រោះឯកសារទាំងនេះសុទ្ធតែជារឿងសំខាន់ដែលយើងត្រូវមាន និងពាក់ព័ន្ធនឹងអត្ថប្រយោជន៍របស់យើង។
លោកបានបន្ថែមថា «ពេលដែលយើងមានសំបុត្រអាពាហ៍ពិពាហ៍បង្ហាញពីចំណងសហព័ន្ធដែលមានប្រពន្ធប្តីនិងកូន។ ពេលដែលប្រពន្ធឬប្តីជាសមាជិក ប ស ស មានបញ្ហាបាត់បង់សមត្ថភាពការងារដោយសារជំងឺធម្មតាយើងអាចទទួលបានប្រាក់សោធនឬមរណភាពអ្នកក្នុងបន្ទុកអាចទទួលបានអត្ថប្រយោជន៍ទាំងប្រពន្ធ និងកូន បើប្រពន្ធអត់មានសំបុត្រអាពាហ៍ពិពាហ៍មិនអាចទទួលប្រាក់នេះបានទេ។ ដូចនេះបងប្អូនត្រូវតែធ្វើសំបុត្រអាពាហ៍ពិពាហ៍នេះ»។
លោក អ៊ុក សមវិទ្យា បានអំពាវនាវដល់បងន្អូនកម្មករនិយោជិតដែលនៅមិនទាន់មានសំបុត្រអាពាហ៍ពិពាហ៍ ត្រូវទៅធ្វើនៅតាមមូលដ្ឋានរៀងៗខ្លួនទោះបីជាបងប្អូនរៀបការយូរឆ្នាំក៏អាចធ្វើបានដែរ អាជ្ញាធរតាមមូលដ្ឋានបានយល់ដឹងពីបញ្ហានេះ ហើយពួកគាត់នឹងជួយសម្រួលលើកការងារនេះ ខណៈបច្ចុប្បន្ននេះភាគច្រើនកម្មករនិយោជិតមានតែសំបុត្របញ្ជាក់អាពាហ៍ពិពាហ៍ធម្មតាប៉ុណ្ណោះ។
លោកបានបញ្ជាក់ថា ការអនុវត្តរបបសន្តិសុខសង្គមផ្នែកប្រាក់សោធននេះ នឹងដំណើរជាផ្លូវការនៅថ្ងៃទី០១ ខែតុលា ឆ្នាំ២០២២ បន្ទាប់ពីបានពន្យាពេល៣ខែសម្រាប់ផ្សព្វផ្សាយដល់កម្មករនិយោជិតហើយចាប់ពីថ្ងៃទី០១ ខែវិច្ឆិកា នឹងត្រូវបង់វិភាគទាន៤ភាគរយ ក្នុងនោះកម្មករបង់២ភាគរយ និងនិយោជកបង់២ភាគរយ។
លោកបានបញ្ជាក់បន្ថែមថា បង់៤ភាគរយនេះសម្រាប់រយៈពេល៥ឆ្នាំទេ បន្ទាប់មកឡើង៨ភាគរយដែលកម្មករបង់៤ភាគរយ និងនិយោជកបង់៤ភាគរយ ហើយក្រោយមកទៀត១០ឆ្នាំតម្លើងម្តង។ លោកបានឱ្យដឹងទៀតថា «សូមបង ប្អូនកម្មករនិយោជិតកុំមានការព្រួយបារម្ភចំពោះអត្ថប្រយោជន៍ប្រាក់សោធននេះ ប្រាក់ដែលបងប្អូនបានបង់នឹងមិនបាត់បង់ទៅណាទេ បងប្អូននឹងទទួលបានមកវិញពេលចូលនិវត្តន៍អាយុ៦០ឆ្នាំ។ ព្រោះតាមគោលការណ៍បងប្អូនបង់លើស១ឆ្នាំមានសិទ្ធទទួលបានប្រាក់សោធនអាស្រ័យទៅលើបង់តិចឬច្រើន»។
លោកបានបន្តថា បច្ចប្បុន្ននេះបេឡាជាតិសន្តិសុខសង្គមមានសមាជិកប្រមាណជាង១លាន៤សែននាក់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ