Connect with us

ព័ត៌មានជាតិ

សហគមន៍កសិកម្មចំនួន១០នៅខេត្តព្រះវិហារទទួល​ការបញ្ជាទិញស្រូវសរីរាង្គ២៥០០តោនសម្រាប់​នាំចេញទៅទីផ្សារអន្ដរជាតិ

បានផុស

នៅ

សហគមន៍កសិកម្មចំនួន១០នៅខេត្តព្រះវិហារ ទទួលបានការបញ្ជាទិញស្រូវសរីរាង្គ២៥០០តោនពីក្រុមហ៊ុននាំចេញអងករធំៗចំនួន២សម្រាប់នាំចេញទៅទីផ្សារអន្ដរជាតិ។ ក្រុមហ៊ុនធំៗ២ចុះកិច្ចសន្យាបញ្ជាទិញស្រូវសរីរាង្គ​ពីសហគមន៍កសិកម្មចំនួន១០នៅខេត្តព្រះវិហាររួមមាន ក្រុមហ៊ុនស៊ីកនេតឈ័រ អហ្វអេស៊ា និងក្រុមហ៊ុនហ្គោលដិនរ៉ាយស៍ ដែលជាក្រុមហ៊ុន​កែច្នៃ​នាំចេញអង្ករទៅទីផ្សារអន្ដរជាតិ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះកិច្ចសន្យាទិញ-លក់ស្រូវសរីរាង្គ រវាងក្រុមហ៊ុនបញ្ជាទិញ ​និងសហគមន៍កសិករក្នុង​ខេត្តព្រះវិហារនេះ ​ត្រូវបានធ្វើឡើង កាលពីថ្ងៃទី១០ ខែតុលា ឆ្នាំ២០២២ នៅមន្ទីរកសិកម្ម រុក្ខាប្រមាញ់ និងនេសាទខេត្ត ក្រោមអធិបតីភាពលោក
គីម រិទ្ធី អភិបាលនៃគណៈអភិបាល ខេត្តព្រះវិហារ។

បើតាមលោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបានឱ្យដឹងថា ក្រុមហ៊ុនចំនួន២នេះបានសន្យាបញ្ជាទិញស្រូវសរីរាង្គពីសហគមន៍កសិកម្ម១០ផ្ទាល់ ដែលមានអ្នកផលិត ១,៥១៤គ្រួសារ លើកសិផលសរីរាង្គសរុប២,៥០០តោន។

លោកបានបន្តថា ការអនុវត្តន៍​ផលិតកម្មកសិកម្មតាមកិច្ចសន្យា​លើកសិផលសរីរាង្គក្នុងឆ្នាំ២០២២នេះ ​សរុបជិត៨ម៉ឺន​តោនក្នុងនោះមានស្រូវសរីរាង្គ១៥,៣៥០តោន, ដំឡូងមីសរីរាង្គ ៥៥,០០០តោន ស្វាយចន្ទីសរីរាង្គ ៥០០តោន និងសណ្ដែកដីសរីរាង្គ ៣០តោនដែលធ្វើឡើងរវាងសហគមន៍កសិកម្ម ចំនួន ៣២ក្នុងខេត្តព្រះវិហារ និងក្រុមហ៊ុនដៃគូរសហការទាំងអស់។

លោកស្រី សៅ សុនិតា អគ្គនាយករង ក្រុមហ៊ុនហ្គោលដិនរ៉ាយស៍ ដែលជា​ក្រុមហ៊ុននាំចេញអង្ករសរីរាង្គទៅទីផ្សារអន្ដរជាតិ បានមានប្រសាសន៍ថា នេះជាឆ្នាំទី៤ហើយដែលក្រុម​ហ៊ុនបានចាប់ដៃគូរសហការជាមួយកសិករខេត្តព្រះវិហារ
ក្នុងការបញ្ជាទិញស្រូវសរីរាង្គ​សម្រាប់​កែច្នៃនាំ ចេញទៅទីផ្សារអន្ដរជាតិ ​ដែលក្នុងនោះមានទាំងទីផ្សារក្នុងប្រទេសអាស៊ី ​ទីផ្សារអឺរ៉ុប និងអាមេរិកជាដើម។

លោកស្រីបានបន្តថា នៅឆ្នាំទី១ ក្រុមហ៊ុនបានចុះកិច្ចសន្យាទិញក្នុងបរិមាណ៤,០០០តោន, ឆ្នាំទី២ ចំនួន ៣៥០០តោន ឆ្នាំទី៣ ១៥០០តោន និងឆ្នាំទី៤នេះ ក្រុមហ៊ុន​នៅតែបន្ដបញ្ជាទិញក្នុង​បរិមាណមិនប្រប្រួល ក្នុង១៥០០តោនដដែល​
ហើយសម្រាប់ឆ្នាំ២០២៣ខាងមុខ ក្រុមហ៊ុនមានផែនការថានឹងពង្រីកបរិមាណឱ្យបានកាន់តែខ្ពស់ជាងនេះបន្ថែមទៀត។

លោក គីម រិទ្ធី អភិបាលនៃគណៈអភិបាលខេត្តព្រះវិហារបានមានប្រសាសន៍ថា ​កិច្ចសន្យារវាងក្រុមហ៊ុននិងសហគមនេះទុកថា​ជាខ្សែបន្ទាត់ ឬជានិតិវិធីសម្រាប់ឲ្យភាគីអ្នកផលិត ​និងអ្នកបញ្ជាទិញដើរព្រមគ្នាឆ្ពោះ​ទៅទិសដៅមួយយ៉ាងជាក់លាក់ ពិតប្រាកដ​ តម្លាភាព សច្ចភាព និងជំនឿទុកចិត្តគ្នាដោយឈរ​លើ​គោលការណ៍​ធានាបាននូវបរិមាណផ្គត់ផ្គង់ប្រកបដោយនិរន្តរភាពគុណភាព​ផលិត​ផល ធានាបាននូវតម្លៃ ​សាមគ្គីភាព កិច្ចសហការ ​ជំនឿទុកចិត្ត​ និងផ្ដល់ផលប្រយោជន៍​ឱ្យគ្នាទៅវិញ​ទៅមកជាមួយនឹងក្តីរំពឹងថាសម្រាប់ពេលអនាគតវិស័យកសិកម្ម នៅ ក្នុង​ខេត្ត​ព្រះវិហារ នឹងក្លាយ​ជាកសិកម្មបែបសរីរាង្គចាប់ពីមូលដ្ឋាន​ រហូតដល់ទីផ្សារចរាចរផលិតផល៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១ ម៉ោង មុន

មិនទាន់តែងតាំងជាទូតសុឆន្ទៈ តែ J-Hope ត្រូវគេប្រសិទ្ធនាមជាស្ដេចម៉ូដរបស់យីហោ LV

ព័ត៌មានជាតិ១ ម៉ោង មុន

កងពលតូច​ថ្មើរជើង​លេខ ៤២ យោធភូមិភាគ​៤ ត្រូវ​បន្ត​យកចិត្តទុកដាក់ លើ​ការងារ​បង្កបង្កើនផល និង​ចិញ្ចឹមសត្វ

ព័ត៌មានជាតិ១ ម៉ោង មុន

តំបន់​ប្រតិបត្តិការ​សឹក​រង​ឧ​ត្ត​រ​មានជ័យ បន្ត​យកចិត្តទុកដាក់​លើ​ការងារ​កសាង​អង្គភាព តាម​ផែនការ​របស់​ថ្នាក់លើ

កីឡា២ ម៉ោង មុន

នគរបាលជាតិ ផ្លាស់ប្ដូរ​សមាសភាព​ដឹកនាំ​ក្លិប​បាល់ទាត់ ត្រៀម​រដូវ​កាល​ថ្មី

ជីវិតកម្សាន្ដ២ ម៉ោង មុន

បែកគ្នាជាង ២០ថ្ងៃ Aum ទើបទម្លាយការពិតពីក្រោយរឿងដាច់ចំណងស្នេហ៍ជាមួយសង្សារហាយសូរ

Sokha Hotels

ព័ត៌មានពេញនិយម