ព័ត៌មានជាតិ
ជំនន់ទឹកភ្លៀង មិនប៉ះពាល់ដល់ដំណើរការរៀបចំប្រឡងឌីប្លូមទេ
ជំនន់ទឹកភ្លៀង មិនបណ្ដាលឲ្យប៉ះពាល់ដល់ដំណើរការរៀបចំប្រឡងសញ្ញាបត្រមធ្យមសិក្សាបឋមភូមិ ឬឌីប្លូម ដែលនឹងប្រព្រឹត្តិទៅនៅថ្ងៃទី ២៤ ខែតុលា ឆ្នាំ ២០២២ ខាងមុខនេះទេ។
បើតាមគណៈកម្មាធិការជាតិគ្រប់គ្រងគ្រោះមហន្តរាយ បានឲ្យដឹងថា គិតមកដល់ថ្ងៃទី ១២ តុលានេះ ជំនន់ទឹកភ្លៀង បង្កផលប៉ះពាល់ដល់ខេត្តចំនួន ២៣ លើកលែងរាជធានីភ្នំពេញ និងខេត្តស្វាយរៀង ស្មើនឹង ១០៥ ក្រុង ស្រុក ខណ្ឌ និង ៤៣៨ ឃុំ-សង្កាត់។ ក្នុងនោះមានខេត្តចំនួន ៤ រងគ្រោះធ្ងន់ធ្ងរជាងគេ រួមមាន ខេត្តកំពង់ធំ សៀមរាប បន្ទាយមានជ័យ និងខេត្តបាត់ដំបង ដោយបណ្ដាលឲ្យប៉ះពាល់ដំណាំកសិកម្មជាង ២០ ម៉ឺនហិកតា ប្រជាជនជាង ១១ ម៉ឺនគ្រួសារ និងផ្ទះសម្បែងជាង ៥ ម៉ឺនខ្នង ក្នុងនោះលិចសាលារៀន ៣៣២ សាលា ព្រមទាំងហេដ្ឋារចនាសម្ព័ន្ធជាច្រើនទៀតផងដែរ។
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅថ្ងៃទី ១៣ តុលានេះថា «ដូចឆ្នាំកន្លងមកដែរ មណ្ឌលប្រឡងដែលទទួលផលប៉ះពាល់ដោយសារទឹកជំនន់ អាចស្នើសុំគោលការណ៍ប្ដូរមណ្ឌលប្រឡងទៅទីតាំងសមស្រប ពីសំណាក់មន្ទីរអប់រំ យុវជន និងកីឡាដោយសហការជាមួយរដ្ឋបាលខេត្ត ដើម្បីស្នើសុំការឯកភាពពីក្រសួងអប់រំ យុវជន និងកីឡា»។
លោកបានបន្តថា ប្រឡងឌីប្លូមឆ្នាំនេះមានបេក្ខជនចូលរួមប្រឡងឌីប្លូមសរុបចំនួន ១៧៤ ៧២៦ នាក់ ស្រី ៩៥ ១២៧ នាក់ ក្នុងនោះសិស្សចំណេះទូទៅ ១៧៣ ៤៦៦ នាក់ ស្រី ៩៤ ៨៧៦ នាក់ បេក្ខជនស្វៃរិន ១៣៦ នាក់ ស្រី ៤៥ នាក់ បេក្ខជនបំពេញវិជ្ជា ១ ០៧៦ នាក់ ស្រី ១៩២ នាក់ បេក្ខជនគថ្លង់ ២៩ នាក់ ស្រី ០៩ នាក់ បេក្ខជនពិការភ្នែក ១៩ នាក់ ស្រី ០៥ នាក់ ដោយមានមណ្ឌលប្រឡងសរុប ១ ៧២៣ ស្មើនឹង ៧ ៨១៦ បន្ទប់។
លោក រស់ សុវាចា បន្តទៀតថា ចំនួនបេក្ខជនឆ្នាំនេះបើធៀបទៅនឹងឆ្នាំមុនឃើញថា មានការកើនឡើងជាង ១០០ នាក់ ខណៈឆ្នាំមុនមានបេក្ខជន ១៦២ ៥៨៩ នាក់ នារី ៨៧ ៨៧១ នាក់ ចែកជា១៧២២ មណ្ឌល និង ៧៣២៧ បន្ទប់។
លោកបានបន្ថែមទៀតថា សម្រាប់ការប្រឡងឌីប្លូមឆ្នាំនេះ ក្រសួងអប់រំ នៅតែបន្តប្រគល់សិទ្ធិអំណាច និងការទទួលខុសត្រូវទាំងស្រុងជូនគ្រឹះស្ថានមធ្យមសិក្សាសាធារណៈ និងឯកជននីមួយៗដែលមានអនុវិទ្យាល័យ និងវិទ្យាល័យ ក្នុងការរៀបចំដំណើរការប្រឡងដោយខ្លួនឯង ពោលគឺចាប់តាំងពីការរៀបចំប្រធានវិញ្ញាសា ដំណើរការសំណេរ កំណែ ស្រង់បូកពិន្ទុ និងការប្រកាសលទ្ធផលប្រឡងជាដើម។
គួរបញ្ជាក់ថា ការប្រឡងសញ្ញាបត្រមធ្យមសិក្សាបឋមភូមិឆ្នាំនេះ នឹងប្រព្រឹត្តិទៅនៅថ្ងៃទី ២៤ ខែតុលា និងប្រកាសលទ្ធផលប្រឡងថ្ងៃទី ០១ ខែវិច្ឆិកា ឆ្នាំ ២០២២៕
អត្ថបទ ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង