ព័ត៌មានជាតិ
កម្មវិធីប៊ីបបានពង្រីកវិសាលភាពដល់១៤រាជធានីខេត្តដើម្បីជួយបង្រៀនជំនាញដល់យុវជនក្រៅសាលា និងងាយរងគ្រោះនៅកម្ពុជា
កម្មវិធីសមមូលកម្រិតមូលដ្ឋានតាមអ៊ីនធឺណិតដែលហៅកាត់ថា (ប៊ីប-BEEP)ដែលបង្កើតឡើងដោយក្រសួងការងារ និងបណ្តុះបណ្តាលវិជ្ជាជីវៈ ក្រសួងអប់រំ យុវជន និងកីឡា និងអង្គការយូណេស្កូបានពង្រីកវិសាលភាពរបស់ខ្លួនដល់១៤ខេត្ត
រាជធានីដើម្បីជួយបណ្ដុះបណ្ដាលជំនាញបន្ថែមទៀតដល់យុវជននៅក្រៅសាលានិងយុវជនដែលងាយរងគ្រោះនៅកម្ពុជាឱ្យទទួលបានការងារសមរម្យនិងប្រកបដោយផលិតភាពខ្ពស់។
ប្រទេសកម្ពុជាបានអភិវឌ្ឍន៍សេដ្ឋកិច្ចយ៉ាងឆាប់រហ័សក្នុងទសវត្សកន្លងមកនេះ។ តែទោះជាយ៉ាងណា យុវជននៅមានភាពខ្លះខាតជំនាញ និងសមត្ថភាពដើម្បីបំពេញតម្រូវការទីផ្សារការងារនាពេលបច្ចុប្បន្ន និងពេលអនាគត។ ការបោះបង់ការសិក្សានៅ តែជាការប្រឈមដ៏សំខាន់មួយនាពេលបច្ចុប្បន្នជាពិសេសនៅកម្រិតមធ្យមសិក្សាបឋមភូមិ ដោយកត្តាសេដ្ឋកិច្ចជាមូលហេតុ ចម្បង។
ដោយសារភាពក្រីក្រ វិសមភាពយេនឌ័រ ពិការភាព និងទីតាំងភូមិសាស្ត្រក្រុមយុវជនងាយរងគ្រោះច្រើនតែប្រឈមនឹងហានិភ័យបោះបង់ការសិក្សា។ ជាមួយគ្នានេះដែរ ដោយសារកង្វះគុណវុឌ្ឍិ និងជំនាញដែលចាំបាច់ យុវជនជា
ច្រើនមិនអាចទទួលបានឱកាសការងារសមរម្យ។ ដោយមើលឃើញបញ្ហានេះទើបកម្មវិធីសមមូលអប់រំកម្រិតមូលដ្ឋានតាមអ៊ីនធឺណិតបានចាប់ផ្តើមអនុវត្តដើម្បីដើម្បីផ្តល់ជូនជនក្រៅសាលានូវ ការអប់រំជាមូលដ្ឋាន និងឱកាសអភិវឌ្ឍជំនាញ។
![](https://www.kampucheathmey.com/wp-content/uploads/2022/10/photo_2022-10-17_15-41-33-1024x594.jpg)
យោងតាមសេចក្តីប្រកាសព័ត៌មាន ក្រសួងការងារ និងបណ្តុះបណ្តាល វិជ្ជាជីវៈ ក្រសួងអប់រំ យុវជន និងកីឡា និងអង្គការយូណេស្កូចេញផ្សាយកាលពីថ្ងៃទី១៦តុលាថាក្រសួងកងារ និងបណ្ដុះបណ្ដាលវិជ្ជាជីវៈ ក្រសួងអប់រំ យុវជន និងកីឡា និងអង្គការយូណេស្កូ នឹងរៀបចំព្រឹត្តិការណ៍ផ្លូវការមួយដើម្បីបើកដាក់ឱ្យប្រើប្រាស់ជាផ្លូវការបញ្ចូលមណ្ឌលសិក្សាប៊ីបថ្មីចំនួន៤ទីតាំងនៅខេត្តកណ្តាល ខេត្តកំពង់ស្ពឺ និងខេត្តស្វាយរៀង។
ការបើកមណ្ឌលសិក្សាថ្មីបានបង្កើនចំនួនមណ្ឌលសិក្សា ប៊ីប ចំនួន២៦ទីតាំងក្នុង១៩ ខេត្តក្រុង ដើម្បីបានធានាថា យុវជននៅក្រៅសាលា និងយុវជនដែលងាយរងគ្រោះកាន់តែច្រើនក្នុងប្រទេសកម្ពុជាទទួលបានឱកាសជាមូលដ្ឋានដើម្បីបន្តការបណ្ដុះបណ្ដាលជំនាញបន្ថែមទៀត និងដើម្បីគាំទ្រពួកគេឱ្យទទួលបានការងារប្រកបដោយ ផលិតភាពខ្ពស់។
សេចក្តីប្រកាសព័ត៍មានដដែលបានបន្តថាដោយសារភាពក្រីក្រជាកត្តាចម្បងដែលជំរុញឱ្យមានការបោះបង់ការសិក្សានៅក្នុងប្រទេសកម្ពុជា យុវជនដែលនៅក្រៅសាលាភាគច្រើនបម្រើការងារពេញម៉ោងដើម្បីផ្គត់ផ្គង់ជីវភាពគ្រួសារបស់ពួកគេ។
ទម្រង់នៃការសិក្សាតាមទូរសព្ទដែលមានភាពបត់ បែនបានតាមរយៈកម្មវិធីប៊ីបផ្តល់ឱកាសឱ្យសិស្សបញ្ចប់ការសិក្សាកម្រិតមធ្យមសិក្សាបឋមភូមិរបស់ពួកគេតាមរយៈវគ្គសិក្សា តាមអ៊ិនធឺណិតដោយឥតគិតថ្លៃ និងមិនរំខានដល់ការងារពេញម៉ោងរបស់ពួកគេ។ អ្នកសិក្សាដែលបានបញ្ចប់កម្មវិធីនេះ នឹងទទួលបានវិញ្ញាបនបត្រសមមូលថ្នាក់ទី៩ដែលទទួលស្គាល់ដោយក្រសួងអប់រំ យុវជន និងកីឡា និងក្រសួងការងារនិងបណ្តុះបណ្តាលវិជ្ជាជីវៈដែលអាចឱ្យពួកគេចុះឈ្មោះចូលរៀនវគ្គបណ្តុះបណ្តាលជំនាញបច្ចេកទេសនៅគ្រឹះស្ថានអប់រំ បណ្ដុះបណ្ដា វិជ្ជាជីវៈ ក្រសួងការងារ និងបណ្ដុះបណ្ដាលវិជ្ជាជីវៈឬនៅវិទ្យាល័យចំណេះទូទៅ និងបច្ចេកទេសនៃក្រសួងអប់រំ យុជននិងកីឡា។ មណ្ឌលសិក្សាប៊ីប បានបំពាក់សេវាអ៊ិនធឺណិតនៅលើបន្ទះកុំព្យូទ័រ និងកុំព្យូទ័រដើម្បីគាំទ្របន្ថែមដល់អ្នកសិក្សា ដែលមិនមានលទ្ធភាពប្រើប្រាស់ទូរសព្ទ័វ័យឆ្លាតឬកុំព្យូទ័រផ្ទាល់ខ្លួន ។
ជាមួយគ្នានេះដើម្បីបង្កការងាយស្រួលដល់អ្នកសិក្សា អ្នកសម្រ សម្រួលសរុបចំនួន៥០ នាក់ ដែលមានពីរនាក់សម្រាប់មជ្ឈមណ្ឌលសិក្សានីមមួយៗ ត្រូវបានជ្រើសរើស និងទទួលបានការ បណ្តុះបណ្តាលដើម្បីណែនាំ និងជួយគាំទ្រដល់អ្នកសិក្សា។ ចាប់តាំងពីបើកមណ្ឌលសិក្សាដំបូងក្នុងឆ្នាំ ២០១៩អ្នកសិក្សាជាង ១៥០០ នាក់បានទទួលអត្ថប្រយោជន៍ពីកម្មវិធីប៊ីបនេះ។ ជាមួយគ្នានេះដែរកម្មវិធីប៊ីបបានទទួលជោគជ័យក្នុងការបង្កើតភាពជាដៃគូសាធារណៈ និងឯកជន
ក្នុងការគាំទ្រការអនុវត្ត និងពង្រីកវិសាលភាព,ដើម្បីជំរុញអាទិភាពវិស័យអប់រំជាងរបស់កម្ពុជា។
ដោយមានការគាំទ្រពីក្រុមហ៊ុនទូរគមនាគមន៍ ក្នុងការផ្តល់ឧបករណ៍សិក្សានិងសេវាអ៊ិនធឺណិតយុវជនដែលនៅក្រៅសាលាកាន់តែច្រើនបានសិក្សាតាមកម្មវិធីធីបគ្រប់ពេលវេលាគ្រប់ទីកន្លែង។ ការគាំទ្រពីដៃគូវិស័យឯកជនពិតជាមានសរៈសំខាន់ណាស់ក្នុងការជំរុញការអប់រំឌីជីថលនៅកម្ពុជាដើម្បីគាំទ្រយុវជនកម្ពុជាមានជំនាញឌីជីថលដែលជាជំនាញដ៏សំខាន់មួយសម្រាប់សវត្សរ៍ទី ២១។
បច្ចុប្បន្ននេះកម្មរវិធីប៊ីប ស្ថិតក្នុងដំណាក់កាលពង្រីកវិសាលភាពដើម្បីបង្កើនបញ្ចប់ការអប់រំជាមូលដ្ឋាន និងអភិវឌ្ឍធនធាន មនុស្សក្នុងការគាំទ្រដល់គោលដៅរបស់កម្ពុជាដើម្បីក្លាយជាប្រទេសដែលមានចំណូលធ្យមកម្រិតខ្ពស់នៅឆ្នាំ ២០៣០។ ការពង្រីកនេះរួមមានការដាក់ឱ្យដំណើរការកម្មវិធីប៊ីបទូទាំងប្រទេសពង្រឹងសមត្ថភាពអ្នកសម្របសម្រួលក្នុងការផ្តល់ការប្រឹក្សាអំពីអាជីវកម្មនានាដល់អ្នកសិក្សា និងការកែលម្អលទ្ធភាពទទួលបានការសិក្សាសម្រាប់យុវជនដែលមានពិការភាព៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ១ សប្តាហ៍ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
សន្តិសុខសង្គម៦ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា១ សប្តាហ៍ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
ព័ត៌មានជាតិ៥ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានជាតិ៧ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
សន្តិសុខសង្គម៧ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៥ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង