ព័ត៌មានជាតិ
អាស៊ាន ៖ ស្ថានការណ៍នៅមីយ៉ាន់ម៉ា មិនមែនកង្វះការប្តេជ្ញាចិត្តរបស់អាស៊ានទេ តែជាភាពស្មុគស្មាញនៃជម្លោះអូសបន្លាយយូរ
អាស៊ាន បានអះអាងថា ស្ថានការណ៍នៅមីយ៉ាន់ម៉ា នៅតែបន្តភាពតានតឹង គឺមិនមែនដោយសារកង្វះការប្តេជ្ញាចិត្ត និងការខិតខំប្រឹងប្រែងរបស់អាស៊ាន និងប្រេសិតពិសេសរបស់ប្រធានអាស៊ាននោះទ។ ប៉ុន្តែដោយសារតែភាពស្មុគស្មាញ នៃជម្លោះអូសបន្លាយរាប់ទសវត្ស៍របស់មីយ៉ាន់ម៉ា ដែលធ្វើឲ្យកាន់តែធ្ងន់ធ្ងរដល់បច្ចុប្បន្ន។ អាស៊ាន អះអាងបែបនេះ តាមរយៈសេចក្ដីថ្លែងការណ៍កិច្ចប្រជុំពិសេសរដ្ឋមន្ត្រីការបរទេសអាស៊ាន នៅថ្ងៃទី ២៧ តុលានេះ នាទីក្រុងហ្សាកាតា។
សេចក្ដីថ្លែងការណ៍ដដែល បានបញ្ជាក់ថា បើទោះបីជាមានបញ្ហាប្រឈមចម្បងទាំងនេះយ៉ាងណាក្តី ក៏អង្គប្រជុំពិសេសនេះ បានឯកភាពថា អាស៊ានមិនគួរបាក់ទឹកចិត្ត ហើយងាកមកបង្កើនការប្ដេជ្ញាចិត្តបន្ថែមទៀត ដើម្បីជួយមីយ៉ាន់ម៉ាក្នុងការស្វែងរកដំណោះស្រាយ ប្រកបដោយសន្តិវិធីឲ្យបានឆាប់ជាទីបំផុត។
កិច្ចប្រជុំពិសេសនេះ ក៏បានឯកភាពជាឯកច្ឆន្ទថា ការសម្រេចចិត្តរបស់អាស៊ាន ត្រូវផ្អែកលើការពិគ្រោះយោបល់ និងគោលការណ៍កុងសង់ស៊ីស ហើយគោលការណ៍ជាមូលដ្ឋាននានា ដែលមានចែងក្នុងធម្មនុញ្ញអាស៊ាន។ នៅក្នុងកិច្ចប្រជុំនេះ ដ្ឋមន្ត្រីការបរទេសអាស៊ាន ចាត់ទុកថា ការសម្រេចចិត្តបែបនេះ ត្រូវតែជាវិធីសាស្ត្រនាំផ្លូវ ដល់កិច្ចខិតខំប្រឹងប្រែងរួមរបស់អាស៊ាន ក្នុងការដោះស្រាយស្ថានការណ៍នៅមីយ៉ាន់ម៉ា។
រដ្ឋមន្ត្រីការបរទេស និងអ្នកតំណាង ដែលមានវត្តមាននៅក្នុងកិច្ចប្រជុំនេះ ក៏បានអះអាងសាជាថ្មីអំពីសារៈសំខាន់ និងភាពចាំបាច់នៃកិច្ចព្រមព្រៀងឯកច្ឆន្ទ ៥ចំណុចរបស់អាស៊ាន ហើយបានគូសបញ្ជាក់ពីតម្រូវការ ក្នុងការពង្រឹងការអនុវត្តកិច្ចព្រមព្រៀងនេះ បន្ថែមទៀត។
បន្ថែមពីនេះ រដ្ឋមន្ត្រីការបរទេសកម្ពុជា លោក ប្រាក់ សុខុន និងជាប្រធាននៃកិច្ចប្រជុំ បានសង្កត់ធ្ងន់ថា នៅពេលនេះ អាស៊ានត្រូវធ្វើសកម្មភាពជាក់ស្តែង ហើយអាស៊ានត្រូវចាប់ផ្ដើមសកម្មភាពរួមគ្នា ដោយគោរពអធិបតេយ្យ បូរណភាពទឹកដី និងផលប្រយោជន៍របស់ប្រជាជនមីយ៉ាន់ម៉ា ជាស្នូល។ លោករដ្ឋមន្ត្រី បន្តថា ភាគីពាក់ព័ន្ធទាំងអស់នៅមីយ៉ាន់ម៉ា ក៏សុទ្ធតែមានចំណែកក្នុងការបញ្ចប់ជម្លោះ និងធ្វើឲ្យវិបត្តិនយោបាយបច្ចុប្បន្ននេះ បានធូរស្រាល ហើយជាភាពចាំបាច់សម្រាប់ដំណើរការ នៃការសន្ទនាត្រូវតែចាប់ផ្ដើមឲ្យបានឆាប់បំផុត តាមដែលអាចធ្វើទៅបាន៕
អត្ថបទ៖ ធឿន វ៉ាន់សុង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង