ព័ត៌មានជាតិ

ផែរណបតាមដងទន្លេពីរកន្លែងលេចរូបរាង ជំរុញដឹកជញ្ជូនតាមផ្លូវទឹកនៅកម្ពុជា

បានផុស

១ year មុន

នៅ

ថ្ងៃអង្គារ ១ វិច្ឆិកា ២០២២

ដោយ

Dy Bunnara

ផែរណបតាមដងទន្លេចំនួនពីរ កំពុងលេចរូបរាងដែលនឹងចូលរួមជំរុញសកម្មភាពដឹកជញ្ជូនតាមផ្លូវទឹកក្នុងប្រទេសកម្ពុជា។

លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានថ្លែងថា ការអភិវឌ្ឍផែរណបតាមដងទន្លេ នឹងជំរុញកំណើនសេដ្ឋកិច្ច ចូលរួមកាត់បន្ថយការខូចខាតដល់ផ្លូវថ្នល់។

«ការដឹកទំនិញតាមផ្លូវទឹកមានតម្លៃថោកជាង ហើយមិនបង្កឲ្យខូចខាតដល់ផ្លូវថ្នល់ទេ។ ខ្ញុំធានា ១០០ ភាគរយ ដឹកជញ្ជូនតាមផ្លូវទឹកមិនមានសំបុកមាន់ទេ»។ នេះបើតាមលោក ស៊ុន ចាន់ថុល។

លោករដ្ឋមន្រ្តីបានបញ្ជាក់ថា ក្នុងផែនការអភិវឌ្ឍចំណតផែរណបតាមដងទន្លេចំនួន ៧ កន្លែង ផែរណបនៅទន្លេបិទសាងសង់សម្រេចបានជាង ៨៦ ភាគរយ និងផែរណបនៅគីឡូលេខ ៦ បានបញ្ចប់កំពុងដាក់ដំណើរការរួចហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាកំពុងជំរុញឱ្យមានការដឹកជញ្ជូនតាមផ្លូវទឹកកាន់តែច្រើនតាមដែលអាចធ្វើបាន ខណៈបណ្តាប្រទេសជិតខាងកម្ពុជា ក៏បានប្រើប្រាស់ការដឹកជញ្ជូនទំនិញតាមផ្លូវទឹកក្នុងការជំរុញការអភិវឌ្ឍសេដ្ឋកិច្ច។

រដ្ឋាភិបាលកម្ពុជាបានលើកឡើងពីផែនការស្ដារផ្លូវទឹកនៅតាមទន្លេបាសាក់ទៅសមុទ្រខេត្តកែបដែលមានចម្ងាយ ១៦៨ គីឡូម៉ែត្រ។ តាមការសិក្សាជំហានដំបូង ក្នុងប្រវែង ១៦៨ គីឡូម៉ែត្រនេះ មានប្រហែល ១១៥ គីឡូម៉ែត្រ ជាផ្លូវទឹកដែលអាចធ្វើដំណើរបានទាំងខែប្រាំង និងវស្សា ហើយត្រូវជីកបន្ថែម ៥ ទៅ ៧ គីឡូម៉ែត្រទៀតដើម្បីធ្លាយភ្ជាប់ទៅសមុទ្រខេត្តកែបតែម្តង៕