ព័ត៌មានជាតិ
គ្រូជំនាញបោសសំអាតគ្រាប់មីនរបស់កម្ពុជា ក្រុមទី ១ អាចចេញដំណើរទៅអ៊ុយក្រែន នៅដើមខែធ្នូ ខាងមុខនេះ
គ្រូជំនាញបច្ចេកទេសបោសសំអាតគ្រាប់មីនរបស់កម្ពុជា ក្រុមទី ១ អាចចេញដំណើរទៅប្រទេសអ៊ុយក្រែន នៅដើមខែធ្នូ ឆ្នាំ ២០២២ខាងមុខនេះ ដើម្បីជួយផ្តល់ការហ្វឹកហ្វឺនជូនអ្នកដោះមីនអ៊ុយក្រែន។ នេះបើតាមការឲ្យដឹងពីមន្ត្រីជាន់ខ្ពស់មជ្ឈមណ្ឌលសកម្មភាពកំចាត់មីនកម្ពុជា។
លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) បានសរសេរនៅលើទំព័រហ្វេសប៊ុករបស់លោក នារសៀលថ្ងៃទី ២ ខែវិច្ឆិកានេះថា ក្រោយពីបានទទួលគោលការណ៍ដ៏ខ្ពង់ខ្ពស់បំផុតពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជារួចមក អង្គភាពស៊ីម៉ាក់ បានសហការយ៉ាងជិតសិ្នទ្ធជាមួយមិត្តជប៉ុន ក្នុងការបញ្ជូនក្រុមគ្រូជំនាញបច្ចេកទេសបោសសំអាតគ្រាប់មីន ដើម្បីជួយផ្តល់ការហ្វឹកហ្វឺនជូនអ្នកដោះមីនអ៊ុយក្រែន។
លោកបញ្ជាក់ថា «ក្រោយមានគោលការណ៍នេះ អង្គភាពស៊ីម៉ាក់ និងភាគីជប៉ុនបានដំណើរការពិភាក្សាគ្នាយ៉ាងមមារញឹកបំផុត។ ជាផែនការ ក្រុមដំបូងអាចចេញដំណើរនៅដើមខែធ្នូ ឆ្នាំ ២០២២នេះ និងក្រុមទី ២ អាចបំពេញបេសកកម្មនេះ នៅក្នុងត្រីមាសទី ១ ឆ្នាំ ២០២៣»។
អគ្គនាយកមជ្ឈមណ្ឌលសកម្មភាពកំចាត់មីនកម្ពុជា លោក ហេង រតនា បានលើកឡើងថា អង្គភាពស៊ីម៉ាក មានមោទនភាពចំពោះបេសកកម្មនេះ ដែលមិនត្រឹមតែបានចូលរួមចំណែក ជួយប្រជាជនអ៊ុយក្រែនរំដោះខ្លួនពីការស្លាប់ រងរបួស ដោយសារគ្រាប់មីន និងសំណល់យុទ្ធភ័ណ្ឌសង្គ្រាមប៉ុណ្ណោះទេ។
បន្ថែមពីលនេះ បេសសកម្មនេះ ក៏ជាការចូលរួមលើកកម្ពស់មោទនភាពជាតិ ក្រោមការដឹកនាំដ៏ប៉ិនប្រសព្វ និងគតិបណ្ឌិតរបស់សម្តេចតេជោនាយករដ្ឋមន្ត្រី ដែលបានប្រែក្លាយប្រទេសជាតិ និងប្រជាជនឲ្យរួចផុតពីភ្លក់សង្គ្រាមជាច្រើនទស្សវត្សរ៍ ហើយស្គាល់នូវសន្តិភាពដ៏ពេញលេញពិតប្រាកដមួយ សម្រាប់កម្ពុជា និងបានលើកកិតិ្តយសជាតិឲ្យស្មើមុខស្មើមាត់លើឆាកអន្តរជាតិ ផងដែរ។
សូមជម្រាបថា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី ១ ខែវិច្ឆិកា ឆ្នាំ ២០២២ បានជួបសន្ទនាតាមប្រព័ន្ធទូរស័ព្ទជាមួយលោក វ៉ូឡូឌីមៀ ហ៊្សែលឡិនស្គី (Volodymyr Zelensky) ប្រធានាធិបតីប្រទេសអ៊ុយក្រែន។
សេចក្ដីប្រកាសព័ត៌មានរបស់ក្រសួងការបរទេសកម្ពុជា បានឲ្យដឹងថា នៅក្នុងជំនួបនោះ សម្ដេចតេជោ ហ៊ុន សែន បានលើកឡើងថា ដោយសហការជាមួយប្រទេសជប៉ុន កម្ពុជាត្រៀមខ្លួនជាស្រេចក្នុងការបញ្ជូនអ្នកដោះមីនរបស់កម្ពុជា ទៅ ជួយបណ្ដុះបណ្ដាលដល់អ្នកដោះមីនរបស់អ៊ុយក្រែន តាមពេលវេលាសមស្រប។ ជាការឆ្លើយតប លោកប្រធានាធិបតី ហ៊្សែលឡិនស្គី បានថ្លែងអំណរគុណ និងស្វាគមន៍ចំពោះកម្ពុជា ដែលមានបំណងផ្ដល់ជំនួយខាងដោះមីន ខាងលើនេះ៕
អត្ថបទ៖ ឃួន សុភ័ក្រ
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ