ព័ត៌មានជាតិ
អាជ្ញាធរខេត្តកំពង់ធំ នឹងរៀបចំកម្មវិធីអុំទូក នារសៀលនេះ
អាជ្ញាធរខេត្តកំពង់ធំ ចុះសួរសុខទុក្ខក្រុមកីឡាករ និងផ្ដល់គ្រឿងឧបភោគបរិភោគបន្ថែម ជូនដល់ ក្រុមកីឡាករដែលនឹងចូលរួមកម្មវិធីប្រណាំងទូកថ្នាក់ខេត្ត នៅរសៀលនេះ។
កាលពីព្រឹកថ្ងៃទី ៤ ខែវិច្ឆិកា ឆ្នាំ ២០២២ លោក ងួន រតនៈ អភិបាលខេត្តកំពង់ធំ ដឹកនាំសហការីចុះសួរសុខទុក្ខកីឡាករអុំទូក។ ក្នុងឱកាសនោះដែរ លោកលើកឡើងថា កម្មវិធីអុំទូកថ្នាក់ខេត្ត នៅក្នុងខេត្តកំពង់ធំ នឹងប្រារព្ធកម្មវិធីចំនួនពីរថ្ងៃ គឺថ្ងៃទី ៤ និងថ្ងៃទី ៥ ខែវិច្ឆិកា ឆ្នាំ ២០២២។ កម្មវិធីអុំទូកនេះ ដើម្បីបង្កភាពសប្បាយរីករាយជូនប្រជាពលរដ្ឋនៅក្នុងខេត្តកំពង់ធំ ក្រោយពីទឹកជំនន់ត្រូវបានបញ្ចប់ និងដើម្បីថែរក្សាទំនៀមទម្លាប់ប្រពៃណីរបស់ដូនតាខ្មែរដែលបានបន្សល់ទុកតាំងពីបុរាណមក។
កម្មវិធីនេះ ទូកចូលរួមប្រកួតសរុបចំនួន ៤២ ទូក មានចំណុះសរុប ១,២៣១ នាក់ មកពីប្រាំបួន ក្រុង ស្រុក ទូទាំងខេត្តកំពង់ធំ។ ក្នុងនោះទូកវែង “ទូក ង” ចំនួន ៥ (ទូកមួង ១), ទូកខ្នាតអន្តរជាតិ ១៦ ទូក, ទូកផ្កាចារ្យមាន ២១ ទូក។ ជាមួយនោះ ក៏មានបាញ់កាំជ្រួច និងបណ្ដែតប្រទីប នៅយប់ថ្ងៃទី ៥ ខែវិច្ឆិកា ផងដែរ។
ក្រុមកីឡាករទូកលើកឡើងផងដែរថា ពួកគាត់ពេញចិត្តក្នុងការចូលប្រណាំង ដើម្បីបង្ហាញពីវប្បធម៌ និងទំនៀមទម្លាប់។ ជាពិសេស ពួកគាត់ ចូលរួមប្រកួតដោយក្តីរីករាយ និងមានទំនួលខុសត្រូវ។
ទន្ទឹមជាមួយកម្មវិធីប្រណាំងទូកនេះដែរ លោកអភិបាលខេត្តកំពង់ធំ បន្ថែមថា ដើម្បីចូលរួមការពារ និងបង្កើនភាពស៊ាំ នៃជំងឺកូវីដ-១៩ ក្នុងសង្គម រដ្ឋបាលខេត្ត ក៏បានរៀបចំឲ្យមានក្រុមគ្រូពេទ្យចាំចាក់វ៉ាក់សាំងជូនប្រជាពលរដ្ឋផងដែរ។ ការចាក់ជូននេះ នឹងធ្វើឡើងគ្រប់ដូសទាំងអស់ ទៅតាមដំណាក់កាល នៃថ្ងៃដែលប្រជាពលរដ្ឋគ្រប់រួប ដល់កាលកំណត់ចាក់ដូសបន្ត៕
អត្ថបទ ៖ ឈាង មករា
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore