ព័ត៌មានជាតិ
មន្រ្តីច្រកទ្វារព្រំដែនចាំយាមសហការជាមួយភាគីថៃ ជួសជុលផ្លូវតំបន់សសម្រួលការចរាចរណ៍ឆ្លងដែន
ក្រុមមន្រ្តីទីស្នាក់ការត្រួតពិនិត្យ ច្រកទ្វារព្រំដែនអន្តរជាតិចាំយាម ខេត្តកោះកុង សហការជាមួយមន្រ្តីនគរបាលអន្តោប្រវេសន៍ និងភាគីថៃ ចាក់ថ្មជួសជុលកែលម្អផ្លូវតំបន់ស ក្បែរច្រកទ្វារហាតលិច ប្រទេសថៃ។
ផ្លូវមានជង្ហុកតូចធំៗជាច្រើនកន្លែង ត្រង់ចំណុចតំបន់សូន្យ នៃតំបន់ព្រំដែនខេត្តកោះកុង និងខេត្តត្រាត បានរងការខូច ខាតអំឡុងពេលរដូវវស្សា នាំឲ្យមានការលំបាកធ្វើដំណើរ និងដឹកជញ្ចូនទំនិញឆ្លងកាត់ប្រចាំថ្ងៃ។ ប៉ុន្តែឥឡូវនេះ ត្រូវបានជួសជុលឲ្យមានភាពល្អប្រសើរវិញហើយ។
លោក សុវណ្ណ ប៊ុនធឿន ប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិចាំយាម បានឲ្យដឹងនៅថ្ងៃទី ៧ ខែវិច្ឆិកានេះថា ប្រតិបត្តិការលើកកម្ពស់បរិស្ថានសោភណ្ឌភាព និងការចរាចរណ៍ធ្វើដំណើរតាមផ្លូវគោក ធ្វើឡើងក្រោមកិច្ចសហការ ជាមួយកម្លាំងនគរបាលអន្តោប្រវេសន៍ ដែលប្រចាំការនៅតំបន់ព្រំដែនចាំយាម និងភាគីថៃ ខណៈមានកំណើនអ្នកទេសចរ និងរថយន្តដឹកជញ្ជូនឆ្លងកាត់ច្រើន រយៈពេល ២ទៅ ៣ថ្ងៃនេះ។
លោក សុវណ្ណ ប៊ុនធឿន បានបន្ថែមថា កាលពីម្សិលមិញ និងថ្ងៃទី ៧ វិច្ឆិកានេះ អត្រាអ្នកទេសចរជាតិ និងអន្តរជាតិ មានវត្តមានច្រើនគួរឲ្យសម្គាល់ ដោយពួកគេសម្រុកបំពេញបែបបទឆ្លងដែន ទៅកម្សាន្តនៅប្រទេសថៃ និងខ្លះទៀតទៅរកសេវាព្យាបាលជំងឺផ្សេងៗ។
ទោះបីជារាជរដ្ឋាភិបាលកម្ពុជា បានបើកប្រទេសរយៈពេល ១ឆ្នាំទៅហើយក្ដី និងចាក់វ៉ាក់សាំងជាច្រើនដូសដល់ប្រជាពលរដ្ឋកម្ពុជាក៏ដោយ ក៏មន្រ្តីជំនាញពាក់ព័ន្ធនៅតែទាមទារឲ្យប្រជាពលរដ្ឋ និងអ្នកទេសចរខ្មែរ ដែលធ្វើដំណើរទៅកម្សាន្ត ឬទៅរកសេវាសុខភាព ចាំបាច់បន្តចូលរួមអនុវត្តសុខាភិបាលឲ្យខ្ជាប់ខ្ជួន ជាពិសេសបំពេញឯកសារបែបបទនីតិវិធីឲ្យបានត្រឹមត្រូវ ជៀសវាងលួចលាក់ឆ្លងដោយខុសច្បាប់។
លោក ង៉ុយ ជៀង នាយប៉ុស្តិ៍នគរបាលអន្តោប្រវេសន៍ ប្រចាំច្រកទ្វារព្រំដែនចាំយាម បង្ហាញថា គិតចាប់ពីថ្ងៃទី ៤ដល់រសៀលថ្ងៃទី ៧ ខែវិច្ឆិកានេះ មានអ្នកទេសចរជាតិ និងអន្តរជាតិជាង ១,០០០នាក់បាននាំគ្នាចេញចូលឆ្លងដែន ទៅលេងកម្សាន្តនៅប្រទេសថ្ងៃ តាមរយៈច្រកទ្វារព្រំដែនអន្តរជាតិចាំយាម ស្រុកមណ្ឌលសីមា ខេត្តកោះកុង គ្រាថ្ងៃឈប់សម្រាក នៃព្រះរាជពិធីបុណ្យអុំទូក៕
អត្តបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ