ព័ត៌មានជាតិ

អាហារូបករណ៍ ៥០ កន្លែង សិក្សានៅវិទ្យាស្ថានសន្តប៉ូល

បានផុស

៤ years មុន

នៅ

ថ្ងៃសុក្រ ១៨ វិច្ឆិកា ២០២២

ដោយ

លោក ថោង ខុន រដ្ឋមន្ត្រីក្រសួងទេសចរណ៍បានផ្ដល់អាហារូបករណ៍ ១០០% ចំនួន ៥០ កន្លែង សម្រាប់ការសិក្សាថ្នាក់បរិញ្ញាបត្រនិងថ្នាក់បរិញ្ញាបត្ររងនៅវិទ្យាស្ថានសន្តប៉ូល ដែលនឹងផុតកំណត់ការទទួលពាក្យចុះឈ្មោះចូលរៀននៅថ្ងៃទី១៣ ខែមករា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លក្ខខណ្ឌមួយចំនួនត្រូវបានអនុវត្តដូចខាងក្រោម៖

ក. អាហារូបករណ៍ផ្ដល់ជូន

ថ្នាក់បរិញ្ញាបត្រ ជំនាញគ្រប់គ្រងទេសចរណ៍ ចំនួន ២៥កន្លែង សិក្សារយៈពេល ០៤ឆ្នាំ
ថ្នាក់បរិញ្ញាបត្ររង ជំនាញសណ្ឋាគារ និងបដិសណ្ឋារកិច្ច ចំនួន ២៥កន្លែង សិក្សារយៈពេល ០២ឆ្នាំ
ផ្ដល់កន្លែងស្នាក់នៅសមរម្យ ថ្លៃអាហារ សម្រាប់សិស្ស-និស្សិតមកពីបណ្ដាខេត្តឆ្ងាយៗ

ខ. លក្ខខណ្ឌនៃការជ្រើសរើស

មានសញ្ញាប័ត្រមធ្យមសិក្សាទុតិយភូមិ ឬសញ្ញាប័ត្រដែលមានតម្លៃស្មើ មានកម្រិតនិទ្ទេសទាប E លើមុខវិជ្ជាប្រវត្តិវិទ្យា ភូមិវិទ្យា ដែលបានបញ្ជាក់ពីក្រសួង អប់រំ យុវជន និងកីឡា សម្រាប់ការចូលរៀនថ្នាក់បរិញ្ញាបត្រគ្រប់គ្រងទេសចរណ៍។
មានសញ្ញាប័ត្រទុតិយភូមិជាប់ ឬធ្លាប់បាក់ឌុក សម្រាប់ការចូលរៀនថ្នាក់បរិញ្ញាបត្ររងសណ្ឋាគារ និងបដិសណ្ឋារកិច្ច។
ត្រូវបំពេញពាក្យចុះឈ្មោះចូលរៀនរបស់វិទ្យាស្ថាន
ត្រូវបង់សេវារដ្ឋបាល ១ ឆ្នាំ ១០០ ដុល្លារ
ត្រូវមានឆន្ទៈមោះមុត និងការប្ដេជ្ញាចិត្តខ្ពស់ក្នុងការសិក្សារហូតដល់បញ្ចប់ការសិក្សា

ដោយ៖ ថារី