ព័ត៌មានជាតិ
កម្មករសំណង់ម្នាក់ នៅស្រុកស្វាយអន្ទរ ខេត្តព្រៃវែង មានសំណាងបានឈ្នះរង្វាន់ធំ ១០០ លានរៀល ពីភេសជ្ជៈប៉ូវកម្លាំងខារ៉ាបាវ
ព្រៃវែង ៖ បន្ទាប់ពីប្រគល់រង្វាន់ធំដល់អ្នកឈ្នះរង្វាន់ធំ ១០០ លានរៀល ដែលជាបុគ្គលិកបម្រើការងារនៅកាស៊ីណូក្រុងប៉ោយប៉ែត ខេត្តបន្ទាយមានជ័យ កាលពីពេលកន្លងទៅនោះ នៅក្នុងសប្ដាហ៍នេះ ក្រុមហ៊ុនភេសជ្ជៈប៉ូវកម្លាំងខារ៉ាបាវ បានបន្តរកឃើញអ្នកដែលមានសំណាងបានក្លាយជាសេដ្ឋីថ្មីមួយរូបទៀត ដែលជាកម្មករធ្វើសំណង់ រស់នៅខេត្តព្រៃវែង។
សម្រាប់អតិថិជនដែលមានសំណាងបានឈ្នះរង្វាន់ធំនូវទឹកប្រាក់សុទ្ធចំនួន ១០០ លានរៀល ពីភេសជ្ជៈប៉ូវកម្លាំង ខារ៉ាបាវ រូបនេះ មានឈ្មោះ ទុំ សង្ហា ភេទប្រុស អាយុ ២៨ ឆ្នាំ មុខរបរជាកម្មករសំណង់ និងធ្វើស្រែ រស់នៅភូមិព្រៃតាម៉ុក ឃុំជ្រៃ ស្រុកស្វាយអន្ទរ ខេត្តព្រៃវែង។
លោក ទុំ សង្ហា បានប្រាប់ឲ្យដឹងថា ដោយសារតែកម្រិតជីវភាពគ្រួសារមានភាពខ្សត់ខ្សោយ ជារៀងរាល់ថ្ងៃក្រៅពីធ្វើស្រែ លោកតែងស្វែងរកការងារធ្វើជាកម្មករសំណង់ ដោយមួយថ្ងៃអាចទទួលបានកម្រៃ ៤ ម៉ឺនរៀល សម្រាប់ដោះស្រាយជីវភាព ហើយនៅពេលត្រឡប់ពីធ្វើការត្រូវបន្តទៅរកត្រី បាញ់កង្កែប ឬរើសខ្យង ក្តាម សម្រាប់ធ្វើជាម្ហូបប្រចាំថ្ងៃ។
ដោយឡែកសម្រាប់ការត្រូវរង្វាន់នេះ គឺជារឿងដែលមិននឹកស្មានដល់នោះឡើយ ដោយកាលពីថ្ងៃចុងសប្ដាហ៍កន្លងទៅនេះ នៅពេលត្រឡប់ពីធ្វើសំណង់ ហើយរៀបចំចេញទៅរកត្រីដូចសព្វដង លោកបានទិញភេសជ្ជៈប៉ូវកម្លាំង ១ កំប៉ុង ទុកទទួលទាន។ លុះពេលទៅដល់កន្លែងរកត្រី ហើយអស់កម្លាំង លោកបានយកមកគាស់ទទួលទាន ស្រាប់តែឃើញមានរង្វាន់ធំ ១០០ លានរៀលតែម្ដង។ បន្ទាប់ពីបានឃើញភ្លាម លោកបានប្រាប់អ្នកដែលទៅរកត្រីជាមួយឲ្យបានដឹង ហើយត្រឡប់មកផ្ទះវិញ និងទូរស័ព្ទប្រាប់ដំណឹងដល់ក្រុមហ៊ុនតែម្ដង។
លោកបានបញ្ជាក់ឲ្យដឹងថា តាំងពីដើមមក នៅពេលដែលឃើញគេឡើងទទួលរង្វាន់ធំ និងផ្សព្វផ្សាយនៅតាមស្ថានីយទូរទស្សន៍ លោកតែងនឹកស្រមៃថា ថ្ងៃណាមួយលោកនឹងមានវាសនាត្រូវរង្វាន់ដូចគេដែរ ហើយពេលនេះ ក្ដីស្រមៃរបស់លោកបានក្លាយជាការពិតហើយ។
លោក ទុំ សង្ហា បានបញ្ជាក់ប្រាប់ថា ទឹកប្រាក់ ១០០ លានរៀលនេះ ពិតជាមានសារសំខាន់ខ្លាំងណាស់សម្រាប់ជីវិត និងក្រុមគ្រួសាររបស់លោក ហើយក្រោយពេលទទួលបាន លោកនឹងយកមួយចំនួនទៅសងបំណុលធនាគារឯកជន និងយកមួយចំនួនសម្រាប់សាងសង់ផ្ទះឲ្យបានសមរម្យ ហើយទុកមួយចំនួនសម្រាប់ទៅរៀនវិជ្ជាជីវៈ សម្រាប់បង្កើតអាជីពទៅថ្ងៃអនាគត ដើម្បីអាចរកបានចំណូលផ្គត់ផ្គង់ជីវភាពគ្រួសារ។
ជាចុងក្រោយ លោក ទុំ សង្ហា បានថ្លែងអំណរគុណចំពោះក្រុមហ៊ុនភេសជ្ជៈប៉ូវកម្លាំង ខារ៉ាបាវ ដែលបានបង្កើតកម្មវិធីផ្តល់រង្វាន់នូវទឹកប្រាក់យ៉ាងច្រើនសន្ធឹកសន្ធាប់ និងបានជួយកែប្រែនូវជីវភាពគ្រួសារប្រជាពលរដ្ឋដែលធ្លាប់តែក្រលំបាកឲ្យមានជីវភាពធូរធារ មានលុយគ្រប់គ្រាន់៕
កម្មករ-និយោជិត សរសើរថា ពេលមកបើកលុយ ក្រសួងការងារ បានយកចិត្តទុកដាក់លើសពីការរំពឹងទុក
សម្តេចធិបតី និងលោកជំទាវបណ្ឌិត ចាត់ឱ្យគ្រូពេទ្យព្យាបាលពូម្នាក់ដែលមានជំងឺបេះដូងរីក
សិក្ខាកាមយោធាកម្ពុជា៣រូប នឹងចេញទៅបន្តការសិក្សានៅបណ្ឌិតសភាការពារជាតិជប៉ុន
ឯកឧត្ដម ហ៊ុន ម៉ានី ៖ ការអនុញ្ញាតឲ្យរាយការណ៍ជាប្រចាំឆ្លុះបញ្ចាំងពីការយកចិត្តទុកដាក់ខ្ពស់របស់ សម្ដេចធិបតី លើការងារកំណែទម្រង់រដ្ឋបាលសាធារណៈ
កម្ពុជា មានអ្នកស្រឡាញ់ភេទដូចគ្នា ប្រមាណ ១០ ម៉ឺននាក់ នៅទូទាំងប្រទេស
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)