នាវាពិឃាតជើងទឹកជប៉ុនមួយគ្រឿងចូលចតនៅកំពង់ផែព្រះសីហនុ

នៅវេលាម៉ោង ៨៖ ៥០ នាទី ថ្ងៃទី ១៨ ខែវិច្ឆិកានេះនាវាស្វ័យការពារជើងទឹកជប៉ុន ១គ្រឿង បានចូលចតនៅកំពង់ផែស្វយ័តក្រុងព្រះសីហនុ ​ដើម្បីចូលជួបសម្ដែងការគួរសមក្នុងដំណើរទស្សនកិច្ចនៅព្រះរាជាណាចក្រកម្ពុជា និងធ្វើលំហាត់រួមគ្នា​ជាមួយនាវាកងទ័ពជើងទឹកខេមរភូមិន្ទលាគ្នាពេលធ្វើដំណើរត្រឡប់ទៅវិញ។ ការចូលចតរបស់នាវាជប៉ុនមួយគ្រឿងនេះ មានរយៈពេល៣ថ្ងៃ (១៨-២០)។

ក្នុងឱកាសចូលចតរបស់នាវាពិឃាត កងស្វ័យការពារជើងទឹកជប៉ុននៅកំពង់ផែស្វយ័តក្រុងព្រះសីហនុ មានការទទួលស្វាគមន៍ពីនាយនាយរងកងទ័ពជើងទឹកមូលដ្ឋានសមុទ្រដឹកនាំដោយលោកឧត្តមនាវីត្រី អ៊ិន សុខេមរ៉ា នាយសេនាធិការ រងមូលដ្ឋានសមុទ្រ។

ក្នុងដំណើរទស្សនកិច្ចនៅព្រះរាជាណាចក្រកម្ពុជា ដើម្បីពង្រឹងចំណងសាមគ្គីភាព មិត្តភាព និងកិច្ចសហប្រតិបត្តិការល្អរវាងកងទ័ពជើងទឹកទាំងពីរកម្ពុជា-ជប៉ុន។

សូមជំរាបថា នាវា ឈ្មោះ JS HARUSAME ជាប្រភេទនាវាពិឃាត ដែលមានបណ្ដោយ ១៥១ ម៉ែត្រ និងទទឹង ១៧.៤ ម៉ែត្រ ដែលបើកក្នុងជម្រៅទឹក ៥.២ ម៉ែត្រ និងអាចផ្ទុកទំងន់ ៤.៥៥ តោន និងដាក់មនុស្សបាន ២០៥ នាក់៕