ព័ត៌មានជាតិ

ក្រសួងឲ្យប្រើប្រាស់សេវាសាធារណៈពាក់ព័ន្ធវិស័យការងារនិងបណ្ដុះបណ្ដាលជីវៈតាមប្រព័ន្ធស្វ័យប្រវត្តិកម្ម

បានផុស

៥ years មុន

នៅ

ថ្ងៃអង្គារ ៥ មករា ២០២១

ដោយ

ក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសដាក់ឲ្យប្រើប្រាស់សេវាសាធារណៈ ពាក់ព័ន្ធវិស័យការងារនិងបណ្ដុះបណ្ដាលវិជ្ជាជីវៈ តាមប្រព័ន្ធស្វ័យប្រវត្តិកម្ម ដើម្បីលើកកម្ពស់គុណភាព ប្រសិទ្ធភាព តម្លាភាព និងគណនេយ្យភាព។

យោងតាមប្រកាស ស្ដីពីការដាក់ឲ្យប្រើប្រាស់សេវាសាធារណៈ ពាក់ព័ន្ធវិស័យការងារ និងបណ្ដុះបណ្ដាលវិជ្ជាជីវៈតាមប្រព័ន្ធស្វ័យប្រវត្តិកម្មរបស់ក្រសួងការងារ បានឲ្យដឹងថា ប្រកាសនេះ មានគោលបំណងដាក់ឱ្យដំណើរការផ្ដល់សេវាសាធារណៈពាក់ព័ន្ធវិស័យការងារនិងបណ្ដុះបណ្ដាលវិជ្ជាជីវៈតាមប្រព័ន្ធស្វ័យប្រវត្តិកម្ម ដើម្បីលើកកម្ពស់គុណភាពប្រសិទ្ធភាពតម្លាភាព និងគណនេយ្យភាពព្រមទាំងស្របតាមសំណើរបស់វិស័យឯកជននៅក្នុងក្រុមការងារផ្នែកទំនាក់ទំនងជីវៈនៃវេទិការាជរដ្ឋាភិបាលផ្នែកឯកជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបានបន្តថា ប្រកាសនេះត្រូវបានដាក់ឲ្យប្រាក់ដំណើរការសេវាសាធារណៈពាក់ព័ន្ធនឹងវិស័យការងារនិងបណ្ដុះបណ្ដាលវិជ្ជាជីវៈតាមប្រព័ន្ធស្វ័យប្រវត្តិកម្ម ចាប់ពីថ្ងៃទី១១ ខែមករា ឆ្នាំ២០២១ ចំពោះសេវាសាធារណៈដែលស្ថិតនៅក្រោមដែនសមត្ថកិច្ចរបស់ថ្នាក់កណ្ដាល ក្រសួងការងារនិងបណ្ដុះបណ្ដាលវិជ្ជាជីវៈ នូវសេវាសាធារណៈ សម្រាប់សេវាសាធារណៈពាក់ព័ន្ធវិស័យការងារ ពាក់ព័ន្ធវិស័យអប់រំបណ្ដុះបណ្ដាលបច្ចេកទេសនិងវិជ្ជាជីវៈ និងសម្រាប់សេវាសាធារណៈពាក់ព័ន្ធជនបរទេស។

ក្រសួងបានបន្ថែមទៀតថា ដោយឡែកចំពោះសេវាសាធារណៈដែលស្ថិតក្រោមដែនសមត្ថកិច្ចរបស់មន្ទីរការងារនិងបណ្ដុះបណ្ដាលវិជ្ជាជីវៈ និងអង្គភាពច្រកចេញចូលតែមួយរាជធានី ខេត្ត នឹងត្រូវដាក់ឲ្យដំណើរការចាប់ពីថ្ងៃទី០១ ខែមីនាឆ្នាំ២០២១តទៅ៕

អត្ថបទ ៖ សំអឿន

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា