ឃាត់រថយន្ដដឹកសាច់មាន់ខូចគុណភាព១គ្រឿង​​ ចេញ​ពី​ប្រទេស​ថៃ តាម​ច្រក​របៀង – Kampuchea Thmey Daily
Connect with us

ព័ត៌មានជាតិ

ឃាត់រថយន្ដដឹកសាច់មាន់ខូចគុណភាព១គ្រឿង​​ ចេញ​ពី​ប្រទេស​ថៃ តាម​ច្រក​របៀង

Published

on

ក្រុម​ជំនាញ​បសុពេទ្យ​ខេត្ត​បន្ទាយមានជ័យ ​សហការ​ជា​មួយ​កម្លាំង​នគរបាល​ប៉ុស្តិ៍ បាន​ចុះ​បង្ក្រាប រថ​យន្ត​ដឹក​សាច់​មាន់​ ខូចគុណភាព ១គ្រឿង ចេញ​ពី​ប្រទេស​ថៃ តាមច្រករបៀង១គ្រឿង នៅម៉ោង១២.៣៥នាទី រំលង​អាធ្រាត្រ ថ្ងៃទី២៧ ខែតុលា ឆ្នាំ ២០២០ នៅ​ចំណុច​ស្ពាន​លេខ ៣ ភូមិ​ជោគជ័យ ឃុំ អូរបីជាន់ ស្រុក​អូរជ្រៅ ។

រថយន្ត​ដែល​សមត្ថកិច្ច​ឃាត់ ម៉ាក ហ៊ី​យ៉ាន់​ដាយ ពណ៌ ស ពាក់​ស្លាក​លេខ​ 2C.7818 ដឹកសាច់មាន់​ ​​តាម​ច្រករបៀង​ជោគជ័យ ឈម​ជា​មួយ ច្រកណងចាន់។

មន្ត្រី​នគរបាល​ប៉ុស្តិ៍ បាន​ប្រាប់​អ្នក​យក​ព័ត៌មាន​ឲ្យ​ដឹង​ថា ការ​ឃាត់​រថយន្ត​ដឹក​សាច់​មាន់​ ខូច​គុណភាព​នេះ​ដើម្បី​ទប់ស្កាត់​នូវ​រាល់​ទំនិញ​ខូចគុណភាព ​ទប់ស្កាត់​ជំងឺ​ឆ្លង និង​វិធានការ របស់​អគ្គនាយកដ្ឋាន សុខភាព​សត្វ និង​ផលិតកម្ម​សត្វ នៃ​ក្រសួងកសិកម្ម រុក្ខា​ប្រមាញ់ និង​នេសាទ ​​ដែល​ជា​ហេតុ​បង្ក​ផល​ប៉ះពាល់​ដល់​បរិមាណ គុណភាព សុវត្ថិភាព​ដល់​អ្នក​ទទួលទាន​ផង​ដែរ។

សមត្ថកិច្ច បាន​បញ្ជាក់​ឲ្យ​ដឹង​ទៀត​ថា រថយន្ត​ដឹក​សាច់​មាន់​ដែល​បាន​ឃាត់​ គឺ​ខុស​លក្ខណៈ​បច្ចេក​ទេស ដែល​នាំ​ឲ្យ​ខូច​គុណភាព សាច់​មាន់​ទាំងអស់ ត្រូវ​កម្ទេច​ចោល ​ចំណែក​រថយន្ត ត្រូវបាន​រៀប​ចំ​សំណុំរឿង​ចាត់ការ​តាម​នីតិវិធី​ច្បាប់៕

អត្ថបទ ៖ វ៉ាន់ ណាង

ចុច Like Facebook កម្ពុជាថ្មី

ព័ត៌មានពេញនិយម