Connect with us

ព័ត៌មានជាតិ

ក្រសួងអប់រំនឹងបិទបញ្ជីឈ្មោះបេក្ខជនប្រឡងបាក់ឌុបនៅតាមរាជធានីខេត្តនៅថ្ងៃស្អែកនេះ

បានផុស

នៅ

ក្រសួងអប់រំ យុវជន និងកីឡា នឹងបិទបញ្ជីឈ្មោះបេក្ខជនប្រឡងបាក់ឌុបនៅតាមរាជធានីខេត្តចំនួន២លើកគឺលើកទីមួយនៅថ្ងៃទី២៨ខែ វិច្ឆិកាឆ្នាំ២០២២ ដើម្បីឱ្យបេក្ខជនបានពិនិត្យ និងរកមើលមណ្ឌលប្រឡងត្រូវនឹងអក្ខរក្រមនៃឈ្មោះរបស់ខ្លួននិងលើកទី២នៅថ្ងៃទី០៤ ខែធ្នូឆ្នាំ២០២២ដើម្បីពិនិត្យមើលនិងបញ្ជាក់ម្ដងទៀតពីមណ្ឌលប្រឡងលេខបន្ទប់និងលេខតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រសួងអប់រំសម្រាប់សម័យប្រឡងមធ្យមសិក្សាទុតិយភូមិ ៥ ធ្នូ ២០២២ខាងមុខនេះមានបេក្ខជនចុះឈ្មោះប្រឡងទូទាំងប្រទេសសរុប ១២៨.១៣៤នាក់ ស្រី ៦៩.៧៧១នាក់ មានមណ្ឌលសំណេរ សរុប២២១ បន្ទប់ប្រឡងសរុប ៥១៧៤ ក្នុងនោះមានថ្នាក់វិទ្យាសាស្ត្រ ៧៦មណ្ឌល ត្រូវជា១៧៤៣បន្ទប់ ថ្នាក់វិទ្យាសាស្ត្រសង្គម ១៥៤មណ្ឌល ត្រូវជា៣៤៣១បន្ទប់។

ជាមួយគ្នានេះដែរ ក្រសួងនឹងប្រកាសលទ្ធផលប្រឡងនៅថ្ងៃទី២៧ធ្នូសម្រាប់នៅមណ្ឌលប្រឡងរាជធានីភ្នំពេញនិងខេត្តកណ្តាលថ្ងៃទិ២៨ធ្នូសម្រាប់មណ្ឌលប្រឡងផ្សេងៗទៀតនៅទូទាំងប្រទេស។

ដើម្បីឱ្យដំណើរការប្រឡងឱ្យមានតម្លាភាពយុត្តិធម៌ និងអាចទទួលយកបានទាំងអស់គ្នាក្រសួងមានគណៈមេប្រយោគនិងគណៈកម្មការផ្សេងៗចំនួន២៧៧៥៣នាក់ក្នុងនោះមានគណៈកម្មការមេប្រយោគជាង១ម៉ឺននាក់ គណៈកម្មការកំណែជិត១ម៉ឺននាក់ ជំនួយការអប្បមាទសម្រាប់ត្រួតពិនិត្យមើលនៅតាមបន្ទប់ប្រឡងចំនួន២៧០០នាក់និងមន្ត្រីមកពីអង្គភាពប្រឆាំងអំពើពុករលួយប្រមាណជាង២ពាន់នាក់ផងដែរ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម