ព័ត៌មានជាតិ
បេក្ខជនបាក់ឌុបនៅខេត្តកំពង់ធំត្រៀមខ្លួនរួចជាស្រេចក្នុងការប្រឡងនៅថ្ងៃទី ៥-៦ ខែធ្នូនេះ
នៅសល់ត្រឹមតែរយៈ ៥ ថ្ងៃទៀតប៉ុណ្ណោះ សិស្សានុសិស្សបញ្ចប់ការសិក្សាថ្នាក់ទី ១២ នឹងត្រូវប្រឡងយកសញ្ញាបត្រមធ្យមសិក្សាទុតិយភូមិ។
ទន្ទឹមជាមួយគ្នានេះ សិស្សានុសិស្ស នៃវិទ្យាល័យបល្ល័ង្ក ស្ថិតក្នុងក្រុងស្ទឹងសែន ខេត្តកំពង់ធំលើកឡើងថា ពួកគេបានត្រៀមខ្លួនរួចជាស្រេចដើម្បីប្រឡងយកសញ្ញាបត្រមធ្យមសិក្សាទុតិភូមិ។
ក្រុមសិស្សានុសិស្សលើកឡើងទៀតថា ថ្ងៃទី៥ និងទី៦ ខែធ្នូ ខាងមុខនេះ គឺថ្ងៃពិសេសរបស់ពួកគេ ដែលបានខិតខំប្រឹងប្រែងរៀនសូត្រអស់រយៈពេលជាច្រើនឆ្នាំកន្លងមកនេះ។ ការចំណាយពេលវេលាក្នុងការបំពេញតួនាទីជាកូនល្អ មិត្តល្អ និងជាសិស្សល្អ គោរពតាមការណែនាំរបស់លោកគ្រូអ្នកគ្រូ ឪពុកម្តាយ គឺធ្វើឲ្យគួកគាត់បានឈានមកដល់ថ្ងៃនេះ។
ក្រុមសិស្សានុសិស្ស សម្តែងនូវសេចក្តីដឹងគុណ ថ្លែងអំណរគុណលោកគ្រូ អ្នកគ្រូ ដែលបានខិតខំបង្ហាត់ បង្រៀន និងផ្តល់ដំបូន្មានល្អសម្រាប់ពួកគេ ជាពិសេសសម្តែងនូវការដឹងគុណចំពោះអ្នកមានគុណ ដែលបានចំណាយទាំងពេលវេលា ទាំងកម្លាំងកាយ កម្លាំងចិត្ត ក្នុងការចិញ្ចឹមបីបាច់ថែរក្សា និងផ្តល់ឱកាសដល់ពួកគេបានសិក្សាពេញលេញរហូតមានឱកាសបានប្រឡងបញ្ចប់ថ្នាក់មធ្យមសិក្សាទុតុយភូមិ។
យោងតាមការបញ្ជាក់របស់លោក តាន់ ប៊ុនហុង ប្រធានមន្ទីរអប់រំយុវជន និងកីឡាខេត្តកំពង់ធំ បញ្ជាក់ថា មន្ទីរអប់រំយុវជន និងខេត្តកំពង់ធំបានរៀបចំមណ្ឌលប្រឡងមធ្យមសិក្សាទុតិយភូមិ ១២ មណ្ឌល សម្រាប់ប្រឡងនៅថ្ងៃទី៥-៦ ខែធ្នូ ឆ្នាំ២០២២ ខាងមុខនេះរួចរាល់ហើយ។
លោកបន្តថា ការប្រឡងមធ្យមសិក្សាទុតិយ ភូមិនេះ នឹងធ្វើឡើងតាមកាលកំណត់របស់ក្រសួងអប់រំយុវជន និងកីឡា ដោយមិនប្រែប្រួលទូទាំងប្រទេស។ ក្នុងបរិបទនេះផងដែរ សិស្សានុសិស្សទាំងអស់ដែលចូលរួមប្រឡងត្រូវរក្សានូវអនាម័យ រក្សាគម្លាត។ ហើយក្នុងករណីដែលសិស្សមានអាការៈក្តៅខ្លួន ឬមានលក្ខណៈសង្ស័យនៃភាពវិជ្ជមានជំងឺកូវីដ១៩ ត្រូវធ្វើតេស្តបន្ទាន់ និងត្រៀមបន្ទប់បន្ថែម ដើម្បីឲ្យសិស្សដែលមានវិជ្ជមានជំងឺកូវីដ១៩ ប្រឡងដោយឡែក ផងដែរ។
ចំពោះមណ្ឌលប្រឡងនៅក្នុងខេត្តកំពង់ធំមាន ១២មណ្ឌលប្រឡងស្មើនឹង ២២៤បន្ទប់ក្នុងនោះមាន៖ ផ្នែកវិទ្យាសាស្ត្រ៖ មាន២មណ្ឌល ៥៣បន្ទប់ មានបេក្ខជនសរុប ១.៣០៦នាក់ ស្រី ៧៨០ នាក់។ ផ្នែកវិទ្យាសាស្ត្រសង្គម៖ មាន ១០ មណ្ឌល មាន១៧១បន្ទប់ បេក្ខជនសរុប ៤.២៦០នាក់ ស្រី ២.២៩៥ នាក់៕
អត្ថបទ៖ ឈាង មករា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?