សម្ដេចតេជោ ហ៊ុន សែន ប្រកាសរៀបចំព្រឹត្តិការណ៍អង្គរសង្រ្កាន្ដឡើងវិញ នៅក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសថា នឹងរៀបចំព្រឹត្តិការណ៍អង្គរសង្រ្កាន្ដ នៅខេត្តសៀមរាបឡើងវិញ នៅក្នុងពិធីបុណ្យចូលឆ្នាំថ្មី ប្រពៃណីជាតិខ្មែរនាពេលខាងមុខនេះ បន្ទាប់ពីខកខានប៉ុន្មានឆ្នាំចុងក្រោយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន បានថ្លែងក្នុងពិធីបិទ​ការប្រកួតកីឡាជាតិលើកទី ៣ និងកីឡាជនពិការជាតិ​លើកទី ១ នៅយប់ថ្ងៃទី ៣០ ខែវិច្ឆិកានេះថា នៅក្នុងពិធីបុណ្យចូលឆ្នាំថ្មី ប្រពៃណីជាតិខ្មែរនាពេលខាងមុខនេះ នឹងត្រូវរៀបចំព្រឹត្តិការណ៍អង្គរសង្រ្កាន្ដឡើងវិញ បន្ទាប់ពីខកខានរយៈពេល ២ឆ្នាំ ដោយសារការរាតត្បាតជំងឺកូវីដ-១៩។

សម្ដេចតេជោ ហ៊ុន សែន បានថ្លែងយ៉ាងដូច្នេះថា «ខ្ញុំក៏សូមបញ្ជាក់ជូនចំពោះបងប្អូនជនរួមជាតិ នៅទូទាំងប្រទេសឲ្យបានជ្រាបថា នៅចូលឆ្នាំខ្មែរខែមេសា ឆ្នាំ ២០២៣ខាងមុខនេះ យើងនឹងធ្វើអង្គរសង្រ្កាន្កសាជាថ្មីម្ដងទៀត»។

សម្ដេចតេជោ ហ៊ុន សែន បានបន្ថែមថា នៅក្នុងព្រឹត្តិការណ៍អង្គរសង្រ្កាន្កនាពេលខាងមុខនេះ សង្ឃឹមថា ក្បាច់គុនល្បុក្កតោ នឹងក្លាយជានិមិត្តរូបដ៏សំខាន់ នៃការជួបជុំនាពេលនោះផងដែរ៕