ព័ត៌មានជាតិ
មនី្ទរពេទ្យកាល់ម៉ែត បើកវគ្គបណ្តុះបណ្តាលគ្រូបង្គោលស្តីពីជំនាញវះកាត់ ចោះ ដើម្បីកាត់បន្ថយការឈឺចាប់
ជាកិច្ចខិតខំប្រឹងប្រែងរបស់ក្រុមវេជ្ជបណ្ឌិតឯកទេស គិលានុបដ្ឋាក និងបុគ្គលិកទាំងអស់ក្នុងការលើកស្ទួយ អភិវឌ្ឍន៍ និងបណ្តុះបណ្តាលធនធានមនុស្ស ជាពិសេសបណ្តុះបណ្តាលធនធានមនុស្សលើជំនាញវះកាត់ចោះ ទទួលបានលទ្ធផលដ៏ល្អត្រចះត្រចង់ក្លាយជាមន្ទីរពេទ្យឈានមុខក្នុងប្រទេសនោះ មន្ទីរពេទ្យកាល់ម៉ែតនៅព្រឹកថ្ងៃទី០១ ខែធ្នូ ឆ្នាំ២០២២នេះបានបើកវគ្គបណ្តុះបណ្តាលស្តីពីជំនាញវះកាត់ ចោះ ដើម្បីកាត់បន្ថយការឈឺចាប់ ធ្វើឱ្យអ្នកជំងឺឆាប់ជាសះស្បើយ និងការចំណាយកាន់តែសមស្របថែមទៀត។
ក្នុងពិធីនោះដែរមានការចូលរួមជាអធិបតីភាពលោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត រួមទាំងមានការចូលរួមពីសំណាក់សាស្ត្រាចារ្យ សាផុន វឌ្ឍនៈ សាកលវិទ្យាធិការ នៃសាកលវិទ្យាល័យវិទ្យាសាស្ត្រសុខាភិបាល, លោក ស៊ា សំណាង ប្រធានសមាគមនិកាយ សាសនាចក្រ នៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, Dr. Raymond Priceស្ថាបនិកនិង ជានាយក នៃមជ្ឈមណ្ឌលវះកាត់សកល។
លោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែត បានកោតសរសើរ និងអរគុណដ៏ជ្រាលជ្រៅបំផុតចំពោះសមាគមនិកាយសាសនាចក្រ នៃព្រះយេស៊ូវ គ្រីស្ទនៃពួកបរិសុទ្ធថ្ងៃចុងក្រោយដែលបានខិតខំប្រឹងប្រែង ក្នុងការឧបត្ថម្ភគាំទ្របេសកកម្មបង្កើតសកម្មភាពសហប្រតិបត្តិការក្នុងវិស័យអប់រំបណ្តុះបណ្តាលជំនាញវិជ្ជាជីវៈ និងផ្លាស់ប្តូរបទពិសោធន៍ដល់គ្រូពេទ្យតាមរយៈការបញ្ជូនក្រុមសាស្ត្រាចារ្យ និងវេជ្ជបណ្ឌិតឯកទេស នៃសាកលវិទ្យាល័យ យូតាស(Utah) សហរដ្ឋអាមេរិក មកធ្វើការបណ្តុះបណ្តាលដល់គ្រូបង្គោល និងរៀបចំបង្កើតជាមជ្ឈមណ្ឌលឧត្តមភាព សម្រាប់ការបណ្តុះបណ្តាល Laparoscopy នៅមន្ទីរពេទ្យកាល់ម៉ែត។ដើម្បីផ្តោតសំខាន់លើការវះកាត់ផ្នែកពោះនៃសរីរាង្គមនុស្ស រួមមានផ្នែកវះកាត់ទូទៅ ផ្នែកវះកាត់ប្រព័ន្ធម៉ូត្រសាស្ត្រ និងផ្នែកវះកាត់រោគស្ត្រី ដែលបច្ចេកទេសនេះនឹងផ្តល់អត្ថប្រយោជន៍ច្រើនយ៉ាង ជាពិសេសកាត់បន្ថយរយៈពេលនៃការសម្រាកពេទ្យរបស់អ្នកជំងឺ កាត់បន្ថយការឈឺចាប់ ធ្វើឱ្យអ្នកជំងឺឆាប់ជាសះស្បើយ ។
លោកសាស្រ្តាចារ្យ ឈាង រ៉ា បានបញ្ជាក់ទៀតថា មន្ទីរពេទ្យកាល់ម៉ែត បានប្រើប្រាស់ ជំនាញវះកាត់ចោះនេះ ក្នុងបច្ចេកទេសវះកាត់ជូនអ្នកជំងឺ ចាប់តាំងពីឆ្នាំ១៩៩៩ មករហូតដល់បច្ចុប្បន្ន ហើយសង្ឃឹមថា តាមរយៈ ការជួយ ពង្រឹង លើជំនាញនិងការផ្លាស់ប្តូរបទពិសោធន៍ជាមួយវេជ្ជបណ្ឌិតឯកទេស នៃសាកលវិទ្យាល័យយូតាស(Utah) នឹង បង្កើន សមត្ថភាពបន្ថែមកាន់តែល្អប្រសើរដល់វេជ្ជបណ្ឌិតឯកទេសមន្ទីរពេទ្យកាល់ម៉ែត និស្សិតDES មកពី សាកល វិទ្យា ល័យវិទ្យាសាស្ត្រសុខាភិបាល សំដៅពង្រីកវិសាលភាពបច្ចេកទេសវះកាត់ចោះ នៅតាមមន្ទីរពេទ្យទូទាំងប្រទេសកម្ពុជា ដែលពិតជាមានសារៈសំខាន់យ៉ាងធំធេងក្នុងការរួមចំណែកអភិវឌ្ឍន៍វិស័យសុខាភិបាល ស្របតាមគោល នយោបាយ របស់រាជរដ្ឋាភិបាលកម្ពុជាក្រោមការដឹកនាំដ៏ឈ្លាសវៃប្រកបដោយគតិបណ្ឌិតរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលជានិច្ចកាលសម្តេច តែងតែយកចិត្ដទុកដាក់គិតគូរ ជួយឧបត្ថម្ភគាំទ្រ និងផ្ដល់អាទិភាពដល់វិស័យសុខាភិបាល៕
អត្ថបទ៖ រស្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ