ព័ត៌មានជាតិ
ក្រសួងអប់រំចាប់ផ្តើមបើកដំណើរការប្រឡងសញ្ញាបត្របាក់ឌុបនៅព្រឹកនេះ
ក្រសួងអប់រំយុវជននិងកីឡា បានចាប់ផ្តើមបើកដំណើរការប្រឡងសញ្ញាបត្រមធ្យមសិក្សាទុតិយភូមិឬបាក់ឌុបនៅព្រឹកថ្ងៃទី០៥ ខែធ្នូ ឆ្នាំ២០២២នេះ ជាមួយវិធានការការពារការឆ្លងរាលដាលជំងឺកូវីដ១៩។
លោក រស់ សុវាចា អ្នកនាំពាក្យក្រសួងអប់រំយុវជននិងកីឡាបានមានប្រសាសន៍ថា សម្រាប់ការប្រឡងសញ្ញាបត្រមធ្យមសិក្សាទុតិយភូមិ ៥ ខែធ្នូ ឆ្នាំ២០២២នេះ មានបេក្ខជនចុះឈ្មោះប្រឡងទូទាំងប្រទេសសរុប ១២៨.១៣៤នាក់ ស្រី៦៩.៧៧១នាក់ មានមណ្ឌលសំណេរ សរុប២២១ បន្ទប់ប្រឡងសរុប ៥១៧៤ក្នុងនោះមានថ្នាក់វិទ្យាសាស្ត្រ ៧៦មណ្ឌល ត្រូវជា១៧៤៣បន្ទប់ថ្នាក់វិទ្យាសាស្ត្រសង្គម ១៥៤មណ្ឌល ត្រូវជា៣៤៣១បន្ទប់។ ចំនួនបេក្ខជនចុះឈ្មោះប្រឡងនៅឆ្នាំនេះបើធៀបទៅនឹងការប្រឡងឆ្នាំ២០២១កន្លងទៅឃើញថា មានការកើនឡើង ខណៈឆ្នាំមុនមានបេក្ខជនចូលរួមប្រឡងចំនួន១១៤១៨៧ នាក់ស្រី៥៧១២៣នាក់ចែកជា ២០៤មណ្ឌលត្រូវជា ៤៦១៥ បន្ទប់ ។
លោកបានបន្តថា សម្រាប់ការប្រឡងឆ្នាំនេះក្រសួងគ្រោងនឹងចំណាយថវិកាប្រមាណ៥លានដុល្លារអាមេរិកសម្រាប់រៀបចំដំណើរការប្រឡងក្នុងនោះចំណាយទៅលើការឧបត្ថម្ភគណៈកម្មការនានា ដែលមាន៤ដំណាក់កាលគឺការតាក់តែងប្រធានវិញ្ញាសាពេលសំណេរ ពេលកំណែនិងបូកស្រង់ដោយកុំព្យូទ័រ។
ដើម្បីឱ្យដំណើរការប្រឡងឱ្យមានតម្លាភាពយុត្តិធម៌និងអាចទទួលយកបានទាំងអស់គ្នាក្រសួងមានគណៈមេប្រយោគនិងគណៈកម្មការផ្សេងៗចំនួន២៧៧៥៣នាក់ក្នុងនោះមានគណៈកម្មការមេប្រយោគជាង១ម៉ឺននាក់ គណៈកម្មការកំណែជិត១ម៉ឺននាក់ជំនួយការអប្បមាទសម្រាប់ត្រួតពិនិត្យមើលនៅតាមបន្ទប់ប្រឡងចំនួន២៧០០នាក់និងមន្ត្រីសង្កេតការណ៍ស្ម័គ្រចិត្តនិងមន្ត្រីមកពីអង្គភាពប្រឆាំងអំពើពុករលួយប្រមាណជាង៣ពាន់នាក់ផងដែរ។
ដោយឡែកនៅមណ្ឌលប្រឡងរាជធានីភ្នំពេញដែលមាន៣០មណ្ឌលក្រសួងមានដាក់ពង្រាយកងកម្លាំងសមត្ថកិច្ចប្រមាណជាង៧០០នាក់ដើម្បីការពារសន្តិសុខសណ្តាប់ធ្នាប់និងជួយសម្រួលក្នុងដំណើរការប្រឡង និងដាក់ពង្រាយក្រុមគ្រូពេទ្យចំនួន៦០នាក់និងរថយន្តសង្គ្រោះចំនួន១៤គ្រឿងប្រចាំការនៅតាមមណ្ឌលប្រឡងធំៗដើម្បីត្រៀមជួយសង្គ្រោះដល់បេក្ខជនពេលមានបញ្ហាសុខភាពស្រាលៗនៅក្នុងកំឡុងពេលប្រឡងដោយក្នុង១មណ្ឌលដាក់គ្រូពេទ្យចំនួន២នាក់។
គួរបញ្ជាក់ថាការប្រឡងសញ្ញាបត្រមធ្យមសិក្សាទុតិយភូមិឬបាក់ឌុបថ្ងៃទី០៥និងទី០៦ ធ្នូនេះក្រសួងនឹងប្រកាសលទ្ធផលប្រឡងនៅថ្ងៃទី២៧ធ្នូសម្រាប់នៅមណ្ឌលនៅរាជធានីភ្នំពេញនិងខេត្តកណ្តាលនិងថ្ងៃទី២៨ធ្នូប្រកាសនៅមណ្ឌលប្រឡងផ្សេងៗទៀតនៅទូទាំងប្រទេស៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ