ព័ត៌មានជាតិ
លោក ឱម យ៉ិនទៀង៖ ការរៀបចំការប្រឡងទុតិយភូមិនៅខេត្តកំពត មានលក្ខណៈល្អប្រសើរ
លោកកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្ត្រី និងជាប្រធានអង្គភាពប្រឆាំង អំពើពុករលួយ ទទួលបន្ទុកបេសកម្មពិសេស នៅព្រឹកថ្ងៃទី៥ ខែធ្នូ ឆ្នាំ២០២២នេះ រួមដំណើរដោយ លោក ម៉ៅ ធនិន អភិបាលខេត្តកំពត បានចុះពីនិត្យដំណើរការប្រឡងសញ្ញាបត្រមធ្យមសិក្សាទុតិយភូមិ និងបើកវិញ្ញាសា នៅសាលា មិត្តភាព កម្ពុជា-ជប៉ុន កំពតក្រុង។
ក្រោយពីបានពិនិត្យ និងបើកវិញ្ញាសារួច ទេសរដ្ឋមន្ត្រី និងអភិបាលខេត្តកំពត បានវាយតម្លៃថា ការរៀបចំការប្រឡងនៅខេត្តកំពតមានលក្ខណៈល្អប្រសើរ ត្រឹមត្រូវ សុក្រឹត យុត្តិធម៌ និងបានលើកទឹកចិត្តដល់សិស្សានុសិស្ស ត្រូវប្រមូលអារម្មណ៍ កុំភ័យ ហើយត្រូវខិតខំបញ្ចេញសមត្ថភាពឱ្យពេញទំហឹង ដើម្បីយកនិទ្ទេសល្អឱ្យបានកាន់តែច្រើន
មន្ត្រីជំនាញបានបញ្ជាក់ថា ដំណើរការប្រឡង់ព្រឹកនេះ ប្រព្រឹត្តទៅដោយរលូន សិស្សមកប្រឡងគ្មានការលួចលាក់សំណៅឯកសារ ឬឧបករណ៍ហាមឃាត់នោះទេ។
ប្រធានមន្ទីរអប់រំ យុវជន និងកីឡាខេត្តកំពត លោក តាក់ ហាប់ បានប្រាប់ឱ្យដឹងថា ដំណើរការប្រឡងនៅព្រឹកនេះ ប្រព្រឹត្តទៅបានល្អ ដោយការយកចិត្តទុកដាក់បង្ហាត់បង្ហាញ ប្រាប់គន្លឹះ ពីថ្នាក់ដឹកនាំជួយជ្រោមជ្រែងលើកទឹកចិត្តសិស្សផងនោះ លោកសង្ឃឹមថា ឆ្នាំនេះ នឹងទទួលបានលទ្ធផលល្អជាងឆ្នាំមុខដែលមានសិស្សនិទ្ទេស A ចំនួន ៧៥នាក់។
លោកបានបញ្ជាក់ថា មុនពេល និងពេលប្រឡង មានការចូលរួមរៀបចំដោយយកចិត្តទុកដាក់ពី គណៈកម្មការជាច្រើន ដូចជាគណៈកម្មការមេប្រយោគទូទាំងប្រទេស គណៈកម្មការអប្បមាទ និងគណៈកម្មការអនុរក្ស ប្រធាន អនុប្រធានមណ្ឌល រហូតដល់អនុរក្ស ហើយក្នុងនោះអ្នកដែលចូលរួមសហការពី អង្គភាពប្រឆាំងអំពើពុករលួច ផងដែរ។
គួរបញ្ជាក់ថា ខេត្តកំពតបានរៀបចំការប្រឡងសញ្ញាបត្រទុតិយភូមិ ចំនួន ១០មណ្ឌល មានផ្នែក វិទ្យាសាស្ត្រ ៣ មណ្ឌល និងវិទ្យាសាស្ត្រសង្គម ៧ មណ្ឌល ស្មើ ២១៥បន្ទប់ និងមានបេក្ខជនប្រឡងជាង ៥ពាន់នាក់៕
អត្ថបទ៖ សឹង រ៉ាត់
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ