បេក្ខជនចំនួន ១៧នាក់ ប្រឡងជាប់និទ្ទេស A នៅខេត្តស្វាយរៀង

(ស្វាយរៀង): លទ្ធផលប្រឡងសញ្ញាបត្រមធ្យមសិក្សាទុតិយភូមិ នៅខេត្តស្វាយរៀង ឆ្នាំ២០២២នេះ បង្ហាញថា មានសិស្សប្រឡងជាប់និទ្ទេស A ចំនួន ១៧នាក់ ស្រី៦នាក់ សិស្សនិទ្ទេសB ចំនួន២០៦នាក់ ស្រី១៣៣នាក់ សិស្សនិទ្ទេសC ចំនួន៦២៧នាក់ ស្រី៣៧៩នាក់ សិស្សនិទ្ទេសD ចំនួន១០២៤នាក់ ស្រី៥៩៥នាក់ សិស្សនិទ្ទេសE ចំនួន១០០៦នាក់ ស្រី៥២១នាក់ និងសិស្សនិទ្ទេសF (ធ្លាក់) ចំនួន៩៥៥នាក់ ស្រី៣៩៣នាក់។

ភាពជោគជ័យលើវិស័យអប់រំរបស់សិស្សានុសិស្សនៅពេលនេះ ត្រូវបានលោកអភិបាលខេត្ត មានសង្ឃឹមថា ខេត្តស្វាយរៀង នឹងទទួលបានការអភិវឌ្ឍន៍រីកចម្រើន ចំពោះគុណភាពអប់រំសិក្សាថ្នាក់កម្រិតមធ្យមសិក្សា រីឯសង្គមជាតិកាន់តែមានធនធានមនុស្សខ្លាំងពូកែបម្រើប្រទេសជាតិ។

សូមរំលឹកថា ប្រឡងបាក់ឌុប ឆ្នាំ២០២២ បានប្រព្រឹត្តទៅរយៈពេល ២ថ្ងៃ ចាប់ពីថ្ងៃទី៥-៦ ខែធ្នូ ឆ្នាំ២០២២ មានបេក្ខជនចុះឈ្មោះប្រឡង ចំនួន ១២៨ ១៣៥នាក់ ស្រី៦៨ ៧៧១នាក់, មណ្ឌលប្រឡង ២២១ និងត្រូវជា ៥១៧៤បន្ទប់៕ ដោយ:ភក្ដី