Connect with us

ព័ត៌មានជាតិ

​បណ្ឌិត ហ៊ុន ម៉ាណែត ៖ សមាសភាពថ្មី របស់គណបក្ស​ប្រជាជន​ គឺដំណើរការនៃការកែទម្រង់និងការកែលម្អនូវប្រសិទ្ធភាពការងារជាប់ជាប្រចាំ​

បានផុស

នៅ

ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍ នៃគណៈកម្មាធិការកណ្ដាល គណបក្សបជាជនកម្ពុជា និងជាអនុប្រធាន គណៈចលនាមហាជន ថ្លែងក្នុងពិធីពិសារអាហារសាមគ្គីជាមួយថា្នក់ដឹកនាំសហជីព (រាជធានីភ្នំពេញ, ថ្ងៃទី​១៥ ខែមករា ឆ្នាំ២០២៣) ​នេះ​​​ថា ​ដំណើរជីវិតរបស់គណបក្សប្រជាជនកម្ពុជា មានទាំងសមាសធាតុចាស់ និង  សមាសធាតុថ្មី ដែលកំពុងនៅលាយឡំជាមួយគ្នា។​  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម​​បន្ថែម​​ថា អ្វីដែលជាសមាសធាតុចាស់ គឺបុព្វហេតុដើម្បីជាតិ និងប្រជាជន ដែលគណបក្សប្រកាន់យកតាំងពីការបង្កើតគណបក្សដំបូងនៅក្នុងឆ្នាំ១៩៥១ ហើយក៏នឹងបន្តជានិច្ចនិរន្តន៍ទៅមុខទៀត។ ដោយឡែក អ្វីដែលសមាសធាតុថ្មី គឺដំណើរការនៃការកែទម្រង់ និង ការកែលម្អនូវប្រសិទ្ធភាពការងារជាប់ជាប្រចាំ សំដៅធ្វើយ៉ាងណាធានាឱ្យបាននូវវឌ្ឍនភាពសង្គម, ការរីកចម្រើនលូតលាស់ផ្នែកសេដ្ឋកិច្ច និង ជីវភាពកាន់តែប្រសើរឡើងរបស់ប្រជាជន ក៏ដូចជាការផ្តល់សិទ្ធិសេរីភាពគ្រប់បែបយ៉ាងជូនប្រជាជន ក្រោមបរិយាកាសនៃសុខសន្តិភាព ស្ថិរភាព និង ក្នុងក្របខណ្ឌនៃសង្គមប្រជាធិបតេយ្យ ផ្អែកលើគោលការណ៍នីតិរដ្ឋ  ក្នុងន័យនេះ, គណបក្សប្រជាជនកម្ពុជា បានផ្សារសាច់ផ្សារឈាមជាមួយកម្មករនិយោជិត ជាប់ជាប្រចាំតាំងពីដើមរៀងមក តាមយន្តការភ្លៀងរលឹម ដោយយកចិត្តទុកដាក់ដោះស្រាយការលំបាកគ្រប់បែបយ៉ាង ដើម្បីផ្តល់នូវកិច្ចគាំពារ ការពារសិទ្ធិ និងអត្ថប្រយោជន៍ ឱ្យកាន់តែច្រើន និងប្រសើរ ជូនដល់កម្មករ-និយោជិតរបស់យើង បង្កើតនូវសុខដុមនីយកម្មទំនាក់ទំនងវិជ្ជាជីវៈ បង្កឱ្យមានភាពស្រុះស្រួលគ្នា និងភាពអាចទទួលយកបាន ពីគ្រប់ភាគីពាក់ព័ន្ធទាំងអស់។​

ឯកឧត្តម​បាន​អរគុណចំពោះបងប្អូនជាប្រធានសហភាពសហជីព សហព័ន្ធសហជីព និងសមាគម ដែលធ្វើការងារពាក់ព័ន្ធជាមួយសេដ្ឋកិច្ចទាំងក្នុង និង ក្រៅប្រព័ន្ធទាំងអស់ ដែលបានខិតខំបំពេញការងារយ៉ាងល្អក្នុងការផ្តល់ការគាំពារ ដើម្បីការពារសិទ្ធិ និង អត្ថប្រយោជន៍ជូនដល់ កម្មករនិយោជិត ព្រមទាំងចូលរួមយ៉ាងសកម្មក្នុងការងារគណបក្ស និង ការងារសង្គម ជាពិសេសក្នុងអំឡុងពេលនៃការឆ្លងរីករាលដាលនៃជំងឺកូវីដ១៩។ ទន្ទឹមនឹងនេះ សូមកោតសរសើរចំពោះគណៈចលនាសហជីព និងស្ថាប័នអង្គភាពចំណុះ រួមទាំងក្រុមការងារគ្រប់យន្តការ ក៏ដូចជាសកម្មជនគណបក្សទាំងអស់ ដែលបានខិតខំយកអស់កម្លាំងកាយចិត្ត ប្រកបដោយសុឆន្ទៈ ភាពស្មោះត្រង់ និងស្មារតីទទួលខុសត្រូវខ្ពស់ ក្នុងការបំពេញភារកិច្ចយ៉ាងសកម្ម ស្របតាមទិសដៅការងារ និងតួនាទី ដែលគណបក្សថ្នាក់លើបានប្រគល់ជូននាពេលកន្លងមក  សកម្មភាពនិង កាយវិការដ៏ប្រពៃនេះ គឺជាការចូលរួមចំណែកយ៉ាងសំខាន់ជាមួយរាជរដ្ឋាភិបាលដែលដឹកនាំដោយគណបក្សប្រជាជនកម្ពុជា ដែលតែងតែបានខិតខំ និង បន្តយកចិត្តទុកដាក់ធានាបាននូវបរិយាកាសការងារ និង មុខរបរ ឱ្យកាន់តែមានភាពអំណោយផល និង ភាពទូលំទូលាយទាំងបរិមាណ និង គុណភាព ព្រមទាំងធានាធ្វើយ៉ាងណាឱ្យប្រជាជនមានភាពរីកចម្រើនទាំងលើលំនឹងការងារ ប្រាក់បៀវត្សរ៍ ការការពារសិទ្ធិសេរីភាព និងកិច្ចគាំពារសុខុមាលភាពនានា។ 

ឯកឧត្តម​បណ្ឌិត​បាន​បន្ថែម​​ថា សម្តេចតេជោ តែងតែគិតគូរគ្រប់ជ្រុងជ្រោយ និងល្អិតល្អន់ សំដៅធ្វើយ៉ាងណារៀបចំការផ្តល់អត្ថប្រយោជន៍ ឱ្យបានច្រើន និង ជាអតិបរមា ជូនដល់បងប្អូនកម្មករ-និយោជិត ទាំងសេដ្ឋកិច្ចក្នុងប្រព័ន្ធ និង ក្រៅប្រព័ន្ធ ។ ការគិតគូរមិនឈប់ឈរបែបនេះ ប្រៀបបានទៅនឹងឪពុកបង្កើត ដែលតែងតែប្រាថ្នាចង់បាននូវភាពរីកចម្រើនពេញលេញ សម្រាប់កូនក្មួយរបស់លោក ដែលជាកម្មករ-និយោជិតទាំងអស់ ព្រោះក្នុងរយៈជាង ៤០ឆ្នាំ កន្លងមកនេះ សម្តេចតេជោ បានដឹកនាំតាំងតែពីកាលប្រជាជន មានកម្រិតជីវភាពទាប រហូតមានការរីកចម្រើន និងបន្តរុងរឿងសម្បូរហូរហៀរ តទៅទៀត។ ដូច្នេះសូមបន្តមានមោទនភាពចំពោះ សម្តេចតេជោ ប្រមុខដឹកនាំគណបក្សរបស់យើង ដែលតែងមានសច្ចធម៌ ក្នុងការដឹកនាំ គាំទ្រ និងលើកកម្ពស់សិទ្ធិសេរីភាព និងភាពរុងរឿងរបស់ប្រជាជន និង ប្រទេសជាតិ។ ទន្ទឹមនឹងនេះ បន្តជួយការពារសមិទ្ធផលរបស់គណបក្ស ក៏ដូចជាការពារនូវគោលនយោបាយដ៏ត្រឹមត្រូវរបស់គណបក្ស តាមរយៈការចូលរួមទប់ស្កាត់នូវរាល់ការប្រតិដ្ឋព័ត៌មានក្លែងក្លាយ, មួលបង្កាច់, ញុះញុង, ពីសំណាក់ជនអគតិមួយចំនួន ដែលតែងតែចង់ឱ្យប្រទេសជាតិជួបភាពចលាចល ដើម្បីបម្រើនយោបាយចំណេញរបស់ពួកគេ។

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ២ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៣ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៣ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម