ព័ត៌មានជាតិ
គ្រោះថ្នាក់ចរាចរណ៍បន្តិចបន្តួចសោះ ដកកាំភ្លើង និងស្រែកគំរាមជនរងគ្រោះ
បុរសម្នាក់អះអាងថា ខ្លួនមានមុខងារជាមន្ត្រីកងរាជអាវុធហត្ថ និងមានតួនាទីនាយករងមជ្ឈមណ្ឌលហ្វឹកហ្វឺនភ្នំជំរាយ បានដកកាំភ្លើង និងស្រែកគំរាមជនរងគ្រោះពេលគ្រោះថ្នាក់ចរាចរណ៍បន្តិចបន្តួចនៅម្ដុំផ្សារធំថ្មី។
ហេតុការណ៍នេះ បានកើតឡើងនៅវេលាម៉ោង០៤:៣០នាទីទាបភ្លឺ ថ្ងៃទី១០ ខែមករា ឆ្នាំ២០២១ នៅម្ដុំផ្សារធំថ្មី ក្នុងសង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ ។
តាមការបញ្ជាក់ពីបុរសម្នាក់សុំមិនបញ្ចេញឈ្មោះដែលបានឃើញហេតុការណ៍បានប្រាប់ថា មុនដំបូងគាត់ឃើញរថយន្តព្រូសបើកបរដោយបុរសម្នាក់ បើករថយន្ដស្របគ្នាជាមួយជនរងគ្រោះ តាមបណ្តោយផ្លូវលេខ៧៣គៀនផ្សារធំថ្មី ហើយឃើញរថយន្តបានបើកគៀរម៉ូតូបណ្តាលឲ្យដួល រួចបានដកកាំភ្លើងពីចង្កេះនឹងស្រែកថា «ហែងចង់យ៉ាងម៉េច» ភ្លាមៗនោះជនរងគ្រោះបានលើកដៃសុំកុំបាញ់គាត់អី។
ប្រភពដដែលបានថា ពេលបានឃើញដូចនេះ គាត់ក៏រត់មកជួយជនរងគ្រោះដែលដួលម៉ូតូបានដោយជនរងគ្រោះ បានបាក់ដងកាំបិត និងត្រូវត្រង់ប្រអប់ជើង រួចបញ្ជូនទៅកាន់មន្ទីរពេទ្យភ្លាមៗផងដែរ។
ពេលសមត្ថកិច្ចទៅដល់កន្លែងកើតហេតុ អ្នកបង្កនៅតែបន្តសំញែងកាំភ្លើងនៅមុខសមត្ថកិច្ច ទោះបីសមត្ថកិច្ចសុំដកកាំភ្លើងទុក ក៏បុរសរូបនោះមិនព្រមប្រគល់ឲ្យសមត្ថកិច្ចដែរ តែបន្ទាប់មកក៏យល់ព្រមប្រគល់សំបកកាំភ្លើង។
ដោយមិនចង់មានរឿងវែងឆ្ងាយ ជនរងគ្រោះក៏មិនបានដាក់ពាក្យបណ្តឹងនៅប៉ុស្តិ៍ទេ ដោយសុំត្រឹមតែអ្នកបង្កសងថ្លៃព្យាបាលនៅមន្ទីរពេទ្យតែប៉ុណ្ណោះ ដើម្បីបញ្ចប់រឿង៕
អត្ថបទ ៖ សុខុម
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ