ព័ត៌មានជាតិ
ក្រុមមេធាវីរាជរដ្ឋាភិបាល ថ្កោលទោសគណបក្សភ្លើងទៀន និងគាំទ្រចំណាត់ការរបស់តុលាការ និងអាជ្ញាធរមានសមត្ថកិច្ច
ក្រុមមេធាវីរាជរដ្ឋាភិបាល បានចេញសេចក្ដីថ្លែងការណ៍មួយ ដោយបានថ្កោលទោស នូវសេចក្តីថ្លែងការណ៍របស់គណ បក្សភ្លើងទៀន ដែលមានចរិកបំផ្លើសផ្ទុយពីការពិត និងមានចេតនាទុច្ចរិតទម្លាក់កំហុស ចំពោះរាជរដ្ឋាភិបាលកម្ពុជា និងចំពោះគណបក្សប្រជាជនកម្ពុជា។
សេចក្ដីថ្លែងការណ៍របស់ក្រុមមេធាវីរាជរដ្ឋាភិបាល នៅព្រឹកថ្ងៃទី ២០ ខែមករា ឆ្នាំ ២០២៣ បានសរសេរថា នៅថ្ងៃទី ១៦ ខែមករា ឆ្នាំ ២០២៣ និងនៅថ្ងៃទី ១៨ ខែមករា ឆ្នាំ ២០២៣ គណបក្សភ្លើងទៀន បានចេញនូវសេចក្តីថ្លែងការណ៍ពីរផ្សេងគ្នា។ ពាក់ព័ន្ធនឹងសេចក្ដីថ្លែងការណ៍របស់គណបក្សភ្លើងទៀនេះ ក្រុមមេធាវីរាជរដ្ឋាភិបាល បានបញ្ជាក់ និងថ្កោលទោស ដូចខាងក្រោម៖
១- សេចក្តីថ្លែងការណ៍របស់គណបក្សភ្លើងទៀន មានចរិកបំផ្លើសផ្ទុយពីការពិត មានចេតនាទុច្ចរិតទម្លាក់កំហុសដោយ អសុទ្ធចិត្ត មួលបង្កាច់ផ្ទុយពីសច្ចៈភាព ចំពោះរាជរដ្ឋាភិបាលកម្ពុជា និងចំពោះគណបក្សប្រជាជនកម្ពុជា ដែលជាគណ បក្សកំពុងកាន់អំណាច និងដឹកនាំរាជរដ្ឋាភិបាលកម្ពុជា។
២- សូមបញ្ជាក់ជូនសាធារណៈជនជ្រាបថា ការប្រតិបត្តិតាមច្បាប់ និងនីតិវិធីជាធរមាន និងការអនុវត្តវិធានការផ្លូវច្បាប់ ចំពោះបទល្មើសព្រហ្មទណ្ឌ គឺជាសមត្ថកិច្ចផ្ដាច់មុខរបស់តុលាការ និងអាជ្ញាធរមានសមត្ថកិច្ច ពោលគឺពុំមានពាក់ព័ន្ធអ្វីឡើយ ជាមួយរាជរដ្ឋាភិបាលកម្ពុជា និងគណបក្សប្រជាជនកម្ពុជា។ បុគ្គលណាក៏ដោយ ឬក្រុមណាមួយក៏ដោយ បើបានប្រព្រឹត្តបទល្មើស ត្រូវតែទទួលរងនូវទណ្ឌកម្មផ្លូវច្បាប់។
៣- ក្រុមមេធាវីរាជរដ្ឋាភិបាល សូមគាំទ្រពេញទំហឹងចំពោះរាល់ចំណាត់ការរបស់តុលាការ និងអាជ្ញាធរមានសមត្ថកិច្ច ដែលបានពុះពារអនុវត្តច្បាប់ទៅលើថ្នាក់ដឹកនាំគណបក្សភ្លើងទៀន ជា “អ្នកនយោបាយ ប្រព្រឹត្តបទល្មើសព្រហ្មទណ្ឌ – និងបុគ្គលល្មើសដ៏ទៃទៀត ដើម្បីរក្សាការពារបានយុត្តិធម៌សង្គម លើកកម្ពស់នីតិរដ្ឋ និងដើម្បីរក្សាការពារ សុខសន្តិភាព ស្ថិរភាពសង្គម និងភាពសុខដុមរមនា ជូនប្រជាពលរដ្ឋកម្ពុជា។
៤- ក្រុមមេធាវីរាជរដ្ឋាភិបាល ប្រកាសពេញទំហឹង ថ្កោលទោសគណបក្សភ្លើងទៀន ដែលបានថ្លែងចោទប្រកាន់ទាំងបំពាន ចំពោះរាជរដ្ឋាភិបាលកម្ពុជា និងគណបក្សប្រជាជនកម្ពុជា បង្កប់ដោយអំពើទុច្ចរិត ចេតនាញុះញង់ឲ្យមានការបែកបាក់ សាមគ្គីភាពជាតិ បង្កភាពវឹកវរដល់សន្តិសុខនៃរដ្ឋ និងបំផ្លាញនូវសេចក្តីសុខសាន្ត និងវឌ្ឍនភាពនៅក្នុងសង្គមកម្ពុជា នាពេលបច្ចុប្បន្ន។
៥- ក្រុមមេធាវីរាជរដ្ឋាភិបាល បានអំពាវនាវដល់អាជ្ញាធរមានសមត្ថកិច្ចពាក់ព័ន្ធ តុលាការគ្រប់ជាន់ថ្នាក់ បន្តចាត់វិធានការច្បាប់ ដោយគ្មានការយោគយល់លើបុគ្គលល្មើស ដើម្បីរួមចំណែកលើកកម្ពស់វិស័យយុត្តិធម៌ តាមការចង់បានរបស់ថ្នាក់ដឹកនាំជាតិ និងប្រជាជនកម្ពុជា៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង