ព័ត៌មានជាតិ
សម្ដេចតេជោ ហ៊ុន សែន នឹងជួបសំណេះសំណាល និងផ្ដល់រង្វាន់ iPad ដល់សិស្សប្រឡងជាប់និទ្ទេស A នៅថ្ងៃទី ២ កុម្ភៈ
ដើម្បីជាការលើកទឹកចិត្តដល់សិស្សានុ-សិស្ស ប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបជាប់និទ្ទេស A ក្នុងឆ្នាំសិក្សា ២០២១-២០២២នោះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញជួបសំណេះសំណាល និងផ្ដល់រង្វាន់ជា iPad ដល់ពួកគេ នាដើមខែកុម្ភៈ ឆ្នាំ ២០២៣ខាងមុខ។
នៅក្នុងពិធីប្រគល់សញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) ជិត ៧ពាន់នាក់ នាព្រឹកថ្ងៃទី ២៣ ខែមករានេះ សម្ដេចតេជោ ហ៊ុន សែន បានថ្លែងឲ្យដឹងថា សម្ដេច នឹងជួបសំណេះសំណាលជាមួយសិស្សានុ-សិស្ស ប្រឡងបាក់ឌុបជាប់និទ្ទេស A នៅថ្ងៃទី ២ ខែកុម្ភៈ ឆ្នាំ ២០២៣ខាងមុខ។ មូលហេតុដែល សម្ដេច ពន្យាពេលរហូតដល់ដើមខែកុម្ភៈនោះ ក៏ព្រោះតែរង់ចាំក្រុមហ៊ុន ជីប ម៉ុង បញ្ជាទិញ iPad រួចរាល់សិន។
សម្ដេចតេជោ ហ៊ុន សែន បានថ្លែងបែបនេះថា «ខ្ញុំនៅជំពាក់ជួបសិស្សនិទ្ទេស A ដែលត្រូវពន្យាទៅដល់ថ្ងៃទី ២ ខែក្រោយ ដោយសារតែយើងត្រូវរង់ចាំក្រុមហ៊ុន ជីប ម៉ុង គាត់កម្ម៉ង់ iPad ៗ ព្រោះទាល់តែយើងដឹងចំនួនសិស្សជាប់ហើយ ទើបយើងស្នើទៅក្រុមហ៊ុន ជីប ម៉ុង»។
បើតាមសម្ដេចតេជោ ហ៊ុន សែន ជារៀងរាល់ឆ្នាំ ក្រុមហ៊ុន ជីប ម៉ុង តែងតែផ្ដល់ iPad ដើម្បីឲ្យសម្ដេចផ្ដល់ជារង្វាន់លើកទឹកចិត្តដល់សិស្សានុ-សិស្ស ប្រឡងបាក់ឌុបជាប់និទ្ទេស A។
សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិ ឬប្រឡងបាក់ឌុប សម័យប្រឡង ៥ ធ្នូ ២០២២ មានបេក្ខ ជនប្រឡងជាប់ចំនួន ៩០ ៩៥០នាក់ ត្រូវជា ៧២,៣៣% នៃបេក្ខជនចូលរួមប្រឡងសរុប ១២៥ ៧៣៥ នាក់។ ចំនួននេះ មានកើនឡើងជាងឆ្នាំមុន ដែលមានត្រឹមជាង ៦៥%ប៉ុណ្ណោះ។
បេក្ខជនប្រឡងជាប់និទ្ទេស A មានចំនួន ១ ០៤៩នាក់, និទ្ទេស B មានចំនួន ៧ ២៣២នាក់, និទ្ទេស C មានចំនួន ១៩ ០៥៣នាក់, និទ្ទេស D មានចំនួន ៣១ ១៦៦នាក់ និងនិទ្ទេស E មានចំនួន ៣២ ៤៥០នាក់៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ