ព័ត៌មានជាតិ
សិស្សនិទ្ទេស A ចំនួន ១៧នាក់ ទទួលបានម៉ូតូ និងថវិកាពីអភិបាលខេត្តស្វាយរៀង
លោក ម៉ែន វិបុល អភិបាលខេត្តស្វាយរៀង បានជួបសំណេះសំណាល និងប្រគល់រង្វាន់ម៉ូតូជូនដល់សិស្សប្រឡងជាប់និទ្ទេសA ចំនួន១៧រូប នៅថ្ងៃទី២៥ ខែមករា ឆ្នាំ២០២៣។
![](https://www.kampucheathmey.com/wp-content/uploads/2023/01/photo_2023-01-25_17-23-50-1024x682.jpg)
លោកអភិបាលខេត្ត បានថ្លែងកោតសរសើរ និងមានមោទកភាពចំពោះសិស្សដែលជាប់និទ្ទេសA ទាំងអស់ ដែលបានខំប្រឹងប្រែងសិក្សា និងជាការលើកមុខមាត់ខេត្តផងដែរ។
លោកបន្តដូច្នេះថា« បើទោះកំឡុងពេលសិក្សាបានជួបនឹងបញ្ហាប្រឈមដោយសាវិបត្តិនៃជំងឺកូវីដ១៩ ក៏យើងសង្កេតឃើញថា តាមរយៈលទ្ធផលប្រឡង ខេត្តរបស់យើង នៅតែទទួលបានលទ្ធផលយ៉ាងល្អប្រសើរ ដោយមានអត្រាសិស្សប្រឡងជាប់សរុបប្រមាណជាង ៧០% និងទទួលបាននិទ្ទេស A ចំនួន ១៧នាក់»
![](https://www.kampucheathmey.com/wp-content/uploads/2023/01/photo_2023-01-25_17-24-06-1024x682.jpg)
នាឱកាសនេះ លោក ម៉ែន វិបុល បានផ្តល់ជាទស្សនទានដល់សិស្សជាប់និទេ្ទសA ទាំងអស់ ចំនួន ៨ចំណុច ដូចខាងក្រោម៖
1. ត្រូវចេះតស៊ូអំណត់ព្យាយាម ដោយយកចិត្តទុកដាក់រៀនសូត្រឲ្យបានពូកែថែមទៀត
2. ត្រូវធ្វើអំពើណាដែលល្អ និងមានផលប្រយោជន៍ដល់សង្គម
3. ត្រូវចៀសឲ្យឆ្ងាយពីគ្រឿងញៀន និងគ្រឿងស្រវឹងគ្រប់ប្រភេទ។
4. ចៀសវាងឲ្យបាននូវអំពើអបាយមុខផ្សេងៗ ជាពិសេសល្បែងស៊ីសង។
5. ត្រូវបន្តប្រតិបត្តិខ្លួនជាកូនល្អ សិស្សនិស្សិតល្អ និងមិត្តភក្ដិល្អ ។
6. ត្រូវអភិវឌ្ឍន៍ខ្លួនឲ្យក្លាយជាយុវជន ដែលប្រកបដោយគុណសម្បត្តិបួនយ៉ាង គឺបញ្ញា សីលធម៌ សុជីវធម៌ និងកាយសម្បទាមាំមួន។
7. មិនត្រូវមានមោទកភាពភ្លេចខ្លួន និងមិនត្រូវធ្វេសប្រហែសជាដាច់ខាត ត្រូវបន្តខិតខំដើម្បីសម្រេចនូវគោលដៅ និងគោលបំណងរបស់ខ្លួន។
8. ត្រូវចូលរួមគោរពប្រតិបត្តិច្បាប់ចរាចរណ៍ឲ្យបានខ្ជាប់ខ្ជួនដើម្បីសុវត្ថិភាពខ្លួនឯងផង និងអ្នកដទៃផង “បើធ្វើដំណើរតាមម៉ូតូ ត្រូវពាក់មួកសុវត្ថិភាព បើធ្វើដំណើរតាមរថយន្តត្រូវពាក់ខ្សែក្រវ៉ាត់ឲ្យបានត្រឹមត្រូវ” ។
ចំពោះរង្វាន់ដែលប្រគល់ជូនសិស្សពូកែទាំង ១៧រូបនាពេលនេះ រួមមាន៖ ម៉ូតូហុងដា Wave ស៊េរីឆ្នាំ២០២២ ចំនួន ០១គ្រឿង និងថវិកា ១០ម៉ឺនរៀល ។ ដោយឡែក ប្រធានការិយាល័យអប់រំក្រុងស្រុក ទាំង៦ ក្នុងម្នាក់ៗទទួលបានថវិកា ១០ម៉ឺនរៀល,លោកនាយកវិទ្យាល័យ ទាំង១១ ក្នុងម្នាក់ៗទទួលបានថវិកា ១០ម៉ឺនរៀល៕ ដោយ:ភក្ដី
![](https://www.kampucheathmey.com/wp-content/uploads/2023/01/photo_2023-01-25_17-24-03-1024x682.jpg)
![](https://www.kampucheathmey.com/wp-content/uploads/2023/01/photo_2023-01-25_17-24-21-1024x682.jpg)
![](https://www.kampucheathmey.com/wp-content/uploads/2023/01/photo_2023-01-25_17-24-38.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ