ព័ត៌មានជាតិ
មកស្គាល់មុខជំនួញកូនៗរបស់អ្នកឧកញ៉ា សុខ គង់ មហាសេដ្ឋីពហុជំនួញនៅកម្ពុជា
អ្នកឧកញ៉ា សុខ គង់ ដែលគេស្គាល់ថា ជាមហាសេដ្ឋីពហុជំនួញ បច្ចុប្បន្នគ្រប់គ្រងអាជីវកម្មជាច្រើននៅក្នុងស្រុក មានដូចជា ក្រុមហ៊ុនសូគីម៉ិច អាជីវកម្មសណ្ឋាគារលំដាប់ផ្កាយប្រាំ ៦កន្លែង ក្រុមហ៊ុនអចលនទ្រព្យ វិស័យសុខាភិបាល ផ្គត់ផ្គង់ប្រេងឥន្ធនៈ និងទទួលបានគម្រោងអភិវឌ្ឍធំៗពីរាជរដ្ឋាភិបាល ដូចជា ការអភិវឌ្ឍលើភ្នំបូកគោ ជាដើម។

សព្វថ្ងៃនេះ ការងារមួយចំនួនធំ អ្នកឧកញ៉ា សុខ គង់ បានប្រគល់ឱ្យកូនៗរបស់លោក ដើម្បីសម្រាលបន្ទុកផង និងដើម្បីជាការបណ្តុះបណ្តាលកូន លើការគ្រប់គ្រង ដឹកនាំមុខជំនួញធំៗផង។ អំឡុងពេលនេះ លោកក៏កំពុងតែសម្លឹងមើលទាយាទដ៏មានថាមវន្តរបស់លោកផងដែរ។

តាមរយៈសៀវភៅអាថ៌កំបាំងនៅពីក្រោយភាពជោគជ័យរបស់អ្នកឧកញ៉ាបណ្ឌិត សុខ គង់ ដឹកនាំរៀបចំចងក្រងដោយឧត្តមសេនីយ៍ឯកបណ្ឌិត ងិន បាណាល់ និងក្រុមការងារសហនិពន្ធ រួមមានលោក យិប ឆេង លាប និងលោក រស់ គង់ បានបង្ហាញថា កូនៗរបស់អ្នកឧកញ៉ា សុខ គង់ ទាំងអស់មានចំនួន ៦នាក់ ក្នុងនោះ ប្រុសចំនួន ៣នាក់(កូនទី១,ទី២,ទី៣) និងស្រី ៣នាក់(កូនទី៤,ទី៥ និងទី៦)។
កូនៗទាំង៦នាក់របស់អ្នកឧកញ៉ា ភាគច្រើនមានងារជាឧញ៉ា និងមានតួនាទីជាប្រធានអនុប្រធាន នៅក្នុងក្រុមហ៊ុនសូគីម៉ិចគ្រុប របស់អ្នកឧកញ៉ា សុខ គង់។
កម្ពុជាថ្មី នឹងបង្ហាញឈ្មោះ និងតួនាទីកូនៗរបស់អ្នកឧកញ៉ា សុខ គង់ តាមលំដាប់លំដោយ ដូចខាងក្រោម៖
១. ឧកញ៉ា សុខ យាក ជាកូនប្រុសច្បង សព្វថ្ងៃមានតួនាទីជាអនុប្រធានក្រុមហ៊ុនសូគីម៉ិច អ៊ិនវេសមេន គ្រុប, ប្រធានក្រុមហ៊ុនសូគីម៉ិច(ផ្នែកប្រេង), និងជាប្រធានក្រុមហ៊ុនបូកគោហ្វាម ឯ.ក។

២. ឧកញ៉ា សុខ ហុង ជាកូនប្រុសទី២ បច្ចុប្បន្នជាម្ចាស់ក្រុមហ៊ុន HSC Group ដែលជាក្រុមហ៊ុនមានបុត្រសម្ព័ន្ធច្រើន ធ្វើអាជីវកម្មលើវិស័យនានា។ កូនប្រុសទី២របស់អ្នកឧកញ៉ា សុខ គង់ រូបនេះ មិនបានធ្វើការងារពាក់ព័ន្ធជាមួយក្រុមហ៊ុន សូគីម៉ិច នោះឡើយ។

៣. លោក សុខ សុវណ្ណនិត គឺជាកូនប្រុសទី៣ ដែលលោកគឺជាអគ្គនាយកក្រុមហ៊ុន គង់ ហុង កាត់ដេរ។

៤. ឧកញ៉ា សុខ ចន្ថា ជាកូនស្រីទី៤ បានសិក្សានៅប្រទេសសិង្ហបុរី និងបន្តការសិក្សានៅប្រទេសអូស្ត្រាលី ផ្នែកគ្រប់គ្រង។ ឧកញ៉ា សុខ ចន្ថា មានតួនាទីជា អនុប្រធានក្រុមហ៊ុនសូគីម៉ិច, ប្រធានក្រុមហ៊ុនសុខារៀលអេស្តេត, អនុប្រធានក្រុមហ៊ុនសុខាអូតែល និងជានាយកប្រតិបត្តិក្រុមហ៊ុនបូកគោហ្វាម។

៥. ឧកញ៉ា សុខ ចន្ធី ជាកូនទី៥ ទទួលបានសិក្សានៅប្រទេសសិង្ហបុរី និងអូស្ត្រាលី។ ឧកញ៉ា បានបញ្ចប់ផ្នែកទីផ្សារ ពីប្រទេសអូស្ត្រាលី។ បច្ចុប្បន្ននេះ ឧកញ៉ា សុខ ចន្ធី បានបម្រើការងារនៅក្នុងក្រុមហ៊ុនសូគីម៉ិច និងមានតួនាទីជាអនុប្រធានក្រុមហ៊ុនសុខារៀលអេស្តេត។

៦. ឧកញ៉ា សុខ ចន្ធូ ជាកូនទី៦ បានបញ្ចប់ការសិក្សាពីប្រទេសអូស្រ្តាលី ផ្នែកគណនេយ្យ និងហិរញ្ញវត្ថុ។ ឧកញ៉ា សុខ ចន្ធូ មានតួនាទី ជាអនុប្រធានក្រុមហ៊ុនសូគីម៉ិច ទទួលកិច្ចការផ្នែកហិរញ្ញវត្ថុ។

អាជីវកម្មជាច្រើនមុខរបស់អ្នកឧកញ៉ា សុខ គង់ កំពុងដំណើរការទៅមុខប្រកបដោយជោគជ័យ។ គិតត្រឹមឆ្នាំ ២០២២ អ្នកឧកញ៉ា សុខ គង់ មានវ័យជិត ៧០ឆ្នាំហើយ។ ក្នុងនាមជាអ្នកជំនួញដ៏ជោគជ័យម្នាក់ អ្នកឧកញ៉ា សុខ គង់ បានផ្តាំផ្ញើដល់ពលរដ្ឋខ្មែរទូទៅ ពិសេសយុវជនជំនាន់ក្រោយ ឱ្យខិតខំធ្វើការតស៊ូព្យាយាម និងចេះសន្សំសំច័យ កុំស៊ីចាយហួសចំណូល ពិសេសកុំចាយលើការផឹកស៊ីច្រើនពេក៕





-
ព័ត៌មានអន្ដរជាតិ៦ ថ្ងៃ ago
Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ ago
ថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៩ ម៉ោង ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ១ ថ្ងៃ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៧ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ៣ ថ្ងៃ ago
កាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច១ ថ្ងៃ ago
បណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក