ព័ត៌មានជាតិ

ខេត្តក្រចេះបញ្ចប់ការបោះបង្គោលព្រំដែនជាមួយប្រទេសវៀតណាម

បានផុស

៣ ខែ មុន

នៅ

ថ្ងៃអង្គារ ៣១ មករា ២០២៣

ដោយ

Dy Bunnara

លោក វ៉ា ថន អភិបាលខេត្តក្រចេះបានបញ្ជាក់ថា ខេត្តក្រចេះបានបញ្ចប់ការបោះបង្គោលព្រំដែនជាមួយប្រទេសវៀតណាម ១០០ភាគរយ។

ខេត្តក្រចេះ មានព្រំប្រទល់ជាប់ជាមួយខេត្តប៊ិញភឿនៃសាធារណរដ្ឋសង្គមនិយមវៀតណាម ប្រវែង ១០៣,៧គីឡូម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកទាក់ទងការបោះបង្គោលព្រំដែន ខេត្តបានបញ្ចប់ការបោះបង្គោលព្រំដែនជាមួយប្រទេសវៀតណាមដែលជាប់ខេត្តប៊ិញភឿដែលមានចំនួន ១៥៦បង្គោល ក្នុងនោះបង្គោលធំចំនួន ១២បង្គោល និងបង្គោលតូចចំនួន ១៤៤បង្គោល។

លោកវ៉ា ថន អះអាងថា បង្គោលព្រំដែនដែលបោះរួចមានបំពាក់ឈីប ងាយស្រួលក្នុងការកំណត់ទីតាំងករណីមានការរំកិលឬខូចខាតណាមួយ។

ក្នុងកិច្ចសហប្រតិបត្តិការលើវិស័យសេដ្ឋកិច្ច សង្គមកិច្ច វប្បធម៌ខេត្តក្រចេះ និងខេត្តប៊ិញភឿក លោក វ៉ា ថនបានឲ្យដឹងថា អាជ្ញាធរខេត្តតែងតែបង្កលក្ខណៈងាយស្រួលដល់ប្រជាពលរដ្ឋនៅតាមតំបន់ព្រំដែន អាជីវករ ពាណិជ្ជករ បណ្ដាវិនិយោគិនឆ្លងកាត់ក្នុងការទិញ លក់ដូរទំនិញរវាងប្រទេសទាំងពីរ រួមទាំងសហការល្បាតរួមគ្នានៅតាមខ្សែបន្ទាត់ព្រំដែនជាទៀងទាត់ ក្នុងគោលបំណងថែរក្សាការពារបង្គោលព្រំដែនឲ្យបានស្ថិតស្ថេរ៕