ព័ត៌មានជាតិ
ផុតថ្ងៃទី ៦ កុម្ភៈ រដ្ឋបាលខេត្តកោះកុង នឹងមានវិធានការចំពោះម្ចាស់ខ្ទម ៧៣ កន្លែង ដែលលួចសង់លើដីរដ្ឋ
រដ្ឋបាលខេត្តកោះកុង កាលពីថ្ងៃទី ២ ខែកុម្ភៈ បានជូនដំណឹងដល់ពលរដ្ឋម្ចាស់ខ្ទមបែបអនាធិបតេយ្យ ចំនួន ៧៣ ខ្ទម ដែលលួចសង់លើដីរដ្ឋ និងដីក្រុមហ៊ុនឯកជនខុសច្បាប់ ដោយតម្រូវឲ្យរុះរើចេញជាបន្ទាន់ត្រឹមថ្ងៃទី ៦ ខែកុម្ភៈខាងមុខ។
លោក សុខ សុទ្ធី អភិបាលរងខេត្តកោះកុង លើកឡើងថា អាជ្ញាធរស្រុកកោះកុង ឃុំជ្រោយប្រស់ និងឃុំត្រពាំងរូង ធ្លាប់ចុះណែនាំឲ្យមានការរុះរើជាច្រើនលើកច្រើនសាមកហើយ តែពលរដ្ឋម្ចាស់ខ្ទមមិនអនុវត្តតាមការណែនាំនោះទេ។ ដូច្នេះទើបរដ្ឋបាលខេត្ត និងមន្ទីរជំនាញ តម្រូវឲ្យរុះរើជាបន្ទាន់ដោយខ្លួនឯង ពុំដូច្នេះនឹងរងទោសទណ្ឌតាមច្បាប់ហើយ។
បើតាមលោកអភិបាលរងខេត្ត ខ្ទមប្រមាណជា ៧៣ ខ្ទម សង់លើដីរដ្ឋ និងដីក្រុមហ៊ុនហ្គ្រីនរិចគ្រុប ធ្វើឡើងតាមការញុះញង់របស់ក្រុមដឹកនាំច្បាស់លាស់ដែលចង់បានដីធ្លីរបស់រដ្ឋធ្វើជាកម្មសិទ្ធិ។ ភាគច្រើនពួកគាត់មានទីលំនៅនៅឃុំត្រពាំងរូង ឃុំព្រែកខ្សាច់ និងខេត្តកំពង់ចាម ជាដើម។
ទោះយ៉ាងណា លោក សុខ សុទ្ធី ប្រជាពលរដ្ឋដែលទន្ទ្រានកាន់កាប់ដីរដ្ឋ និងដីក្រុមហ៊ុនហ្គ្រីនរិចគ្រុប រុះរើដោយខ្លួនឯង និងចាកចេញពីដីរដ្ឋ ត្រឹមថ្ងៃទី ០៦ ខែកុម្ភៈ ឆ្នាំ ២០២៣ ជាកំហិត។ ហើយរដ្ឋបាលខេត្ត នឹងចុះអនុវត្តវិធានរដ្ឋបាលរុះរើ នៅថ្ងៃទី ០៧ ខែកុម្ភៈ ឆ្នាំ ២០២៣ និងចាត់វិធានការផ្លូវច្បាប់ចំពោះម្ចាស់ខ្ទមទាំងនោះដោយគ្មានការលើកលែង។
ខ្ទមដែលសង់លើដីរដ្ឋមួយភាគធំជាដីដែលត្រូវបានកាត់ឆ្វៀលពីរាជរដ្ឋាភិបាលប្រគល់មកឲ្យរដ្ឋបាលខេត្តជាអ្នកគ្រប់គ្រង និងមួយផ្នែកទៀតជាដីក្រសួងកសិកម្ម ផ្ដល់កិច្ចសន្យាជួលរយៈពេលវែងជាមួយក្រុមហ៊ុន ហ្គ្រីនរិចគ្រុប ទទួលសិទ្ធិវិនិយោគកន្លងមក។
លោក ជា សូវី អភិបាលស្រុកកោះកុង មិនទាន់អាចសុំការបកស្រាយបន្ថែមបានទេជុំវិញករណីខាងលើនេះ ដោយលោកមិនលើកទូរស័ព្ទនិយាយតបឆ្លើយជាមួយអ្នកសារព័ត៌មាន។
គួរជម្រាបថា ការរំលោភកាន់កាប់ទ្រព្យសម្បត្តិរដ្ឋ ការទន្ទ្រានកាន់កាប់ដីរដ្ឋ គឺជាទង្វើខុសច្បាប់។ យោងតាមច្បាប់ស្ដីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរដ្ឋ ត្រង់មាត្រា ៨១ ចែងថា ៖ រាល់អំពើរំលោភកាន់កាប់ទ្រព្យសម្បត្តិរដ្ឋ ជាអចលនទ្រព្យដោយខុសច្បាប់ដូចមានចែងក្នុងមាត្រា ៧១ ត្រូវផ្ដន្ទាទោសដាក់ពន្ធនាគារពី ២(ពីរ)ឆ្នាំ ដល់ ៥(ប្រាំ)ឆ្នាំ និងពិន័យជាប្រាក់ពី ៤ ០០០ ០០០ (បួនលាន) រៀល ដល់ ១០ ០០០ ០០០ (ដប់លាន) រៀល៕
អត្ថបទ ៖ សិរីវឌ្ឍនៈ
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?