ព័ត៌មានជាតិ
សម្តេច ហ៊ុន សែន ឆ្លើយតបទៅ ស៊ន ដារ៉ា ថា អ្នកបង្រ្កាប ហ៊ុន សែន បានមិនទាន់កើតពីផ្ទៃម្តាយនៅឡើយទេ
សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា តាមរយៈបណ្តាញសង្គមតេឡេក្រាមនៅមុននេះបន្តិចបានឆ្លើយតបទៅ ស៊ន ដារ៉ា ដែលគេដឹងថា ជាសកម្មជនគាំទ្រទណ្ឌិត សម រង្ស៊ី ថា អ្នកបង្រ្កាប ហ៊ុន សែន បានមិនទាន់កើតពីផ្ទៃម្តាយនៅឡើយទេ។
សម្តេចបានសរសេរថា “ភ្ញាក់ពីដេកមកឃើញនាគទេពបញ្ជូនវីដេអូដែល ស៊ន ដារ៉ា និយាយ។ ក្នុងការនិយាយនោះ ស៊ន ដារ៉ា បានបញ្ជាក់ពីការគាំទ្ររបស់ឪពុកម្តាយខ្លួនចំពោះខ្ញុំ ដែលខ្ញុំសូមអរគុណចំពោះប្អូនប្រុសប្អូនស្រីដែលជាឪពុកម្តាយ ស៊ន ដារ៉ា សម្រាប់ការគាំទ្រកន្លងមក”។
សម្តេចបានបន្ថែមថា អ្វីដែលគួរឲ្យហួសចិត្ត ស៊ន ដារ៉ា បានលើក ជាយោបល់បើកការចរចាជាមួយសម្តេច ដោយ
ភ្ជាប់មកជាមួយលក្ខខណ្ឌ៤ ក្នុងនោះ លក្ខខណ្ឌទីមួយ គឺ ស៊ន ដារ៉ា ត្រូវតែធ្វើជាបេក្ខជននាយករដ្ឋមន្ត្រីរបស់គណបក្ស
ប្រជាជនទើប ស៊ន ដារ៉ា ព្រមចូលរួមជាមួយគណបក្សប្រជាជន។ សន ដារ៉ា បាននិយាយថា ខ្លួនជាសត្វ ឥន្ទ្រីដែលពេលមុន ថា ឯកឧត្តម ហ៊ុន ម៉ាណែត ជាសត្វគីង្គក់។ ដែលត្រង់ចំណុចនេះសម្តេចបាន ចាត់ទុកជាការប្រៀបធៀបបែបប្រមាថ។
សម្តេចបានសរសេរទៀតថា “គាត់បានបន្ថែមថាព្រហ្មលិខិតបានបង្កើត ហ៊ុន សែន មកសម្រាប់បង្រ្កាបប៉ុល ពត
ឯព្រះបានបង្កើតស៊ន ដារ៉ា មកដើម្បីបង្រ្កាប ហ៊ុន សែន។ពូសូមផ្តាំទៅក្មួយ ស៊ន ដារ៉ា វិញថា កុំថាឡើយក្មួយចង់ក្លាយជាបេក្ខជននាយករដ្ឋមន្ត្រីរបស់គណបក្យប្រជាជនសូម្បីតែចង់ក្លាយជាសមាជិកគណបក្យប្រជាជនក៏មិនបានផងព្រោះក្មួយកំពុងមានរឿងនៅតុលាការ។ក្មួយលើកខ្លួនឯងហួសជ្រុលហើយ។ ឯពាក្យក្មួយថា ព្រះបង្កើតក្មួយមកដើម្បី បង្រ្កាប ហ៊ុន សែន តាមការគិតរបស់ពូអ្នកដែលបង្រ្កាប ហ៊ុន សែន បានមកដល់ ពេលនេះមិនទាន់កើតចេញពីផ្ទៃម្តាយនៅឡើយទេ។ក្មួយកំពុងចាត់ទុកខ្លួនឯងជាសត្វឥន្ទ្រីជាអ្នកមានបុណ្យ តើក្មួយចេះខ្មាសអៀនទេនៅពេលនិយាយដល់រឿងរបៀបនេះ”។
ចុងក្រោយសម្តេចបានសរសេរថា “ឈប់បានឈប់ទៅក្មួយអាណិតឪពុកម្តាយ ដែលខំដង្ហើយហៅកូន។សព្វថ្ងៃក្មួយជួយ
ខ្លួនឯងមិនបានផងចង់ក្លាយខ្លួនជានាយករដ្ឋមន្ត្រីឬចង់មកបង្ក្រាបហ៊ុន សែនគឺរឿងយលសប្តិទាំងថ្ងៃ”៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ