ព័ត៌មានជាតិ

រូបសំណាកសត្វតូច ធំ ផ្សេងៗគ្នា ត្រូវបានរដ្ឋបាលខេត្ត យកដាក់បង្ហាញ ក្នុងតំបន់រមណីយដ្ឋានទឹកធ្លាក់ភ្នំខៀវ

បានផុស

២ years មុន

នៅ

ថ្ងៃពុធ ១ មីនា ២០២៣

ដោយ

ប៉ៃលិន ៖ រូបសំណាកសត្វតូចធំ ផ្សេងៗគ្នា ត្រូវបានរដ្ឋបាលខេត្តប៉ៃលិន យកមកដាក់តាំងបង្ហាញក្នុងតំបន់រមណីយដ្ឋានទឹកធ្លាក់ភ្នំខៀវ ដើម្បីទាក់ទាញភ្ញៀវទេសចរណ៍ជាតិនិងអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមការដឹកនាំរបស់លោកស្រី បាន ស្រីមុំ អភិបាល នៃគណៈអភិបាលខេត្តប៉ៃលិន ចាត់តាំងណែនាំ ចង្អុលបង្ហាញ ដោយយកចិត្តទុកដាក់ ដើម្បីភាពរីកចំរើន របស់ខេត្តប៉ៃលិន ។ ជាក់ស្តែងកាលពីចុងសប្តាហ៍កន្លងទៅ លោក ហុក សុផល និងលោក គោ ស៊ុំប៊ុនសឿត អភិបាលរងខេត្តប៉ៃលិន តំណាងដ៏ខ្ពង់ខ្ពស់លោកស្រី បាន ស្រីមុំ អភិបាលនៃគណៈអភិបាលខេត្តប៉ៃលិន បានដឹកនាំក្រុមការងាររដ្ឋបាលខេត្ត រដ្ឋបាលក្រុងប៉ៃលិន និងក្រុមការងារតាមបណ្តាមន្ទីរ ស្ថាប័នជុំវិញខេត្ត អញ្ជើញចុះរៀបចំការដាក់តាំងរូបសំណាកសត្វផ្សេងៗគ្នា នៅតាមបណ្តាទីតាំងជាន់ទី២ និងជាន់ទី៣ នៃតំបន់រមណីយដ្ឋានទឹកធ្លាក់ភ្នំខៀវ ស្ថិតក្នុងភូមិខ្លុង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។

លោក ហុក សុផល អភិបាលរងខេត្ត តំណាងដ៏ខ្ពង់ខ្ពស់លោកស្រី បាន ស្រីមុំ អភិបាលនៃគណៈអភិបាលខេត្តប៉ៃលិន បានមានប្រសាសន៍ឲ្យដឹងថា ក្រោមការដឹកនាំ និងចង្អុលបង្ហាញពីលោកស្រី បាន ស្រីមុំ អភិបាលនៃគណៈអភិបាលខេត្តប៉ៃលិន និងដើម្បីចូលរួមក្នុងការអភិវឌ្ឍន៍តំបន់ទេសចរណ៍ រដ្ឋបាលខេត្តប៉ៃលិន បានខិតខំកែលម្អ ហេដ្ឋារចនាសម័ន្ធសាធារណ:នានាជាច្រើន ជាពិសេសឣភិវឌ្ឍន៍តំបន់រមណីយដ្ឋានទេសចរណ៍ នៅក្នុងខេត្ត ឱ្យមានភាពស្រស់ស្អាត និងដើម្បីទាក់ទាញភ្ញៀវជាតិ និងឣន្តរជាតិ ចូលមកលេងកំសាន្ត ក្នុងខេត្តប៉ៃលិនយើង ជាពិសេសធ្វើឱ្យជីវភាពបងប្អូនប្រជាពលរដ្ឋនៅខេត្តប៉ៃលិន មានការរីកចំរើន ធូរធារជាងមុនបន្ថែមទៀត។

លោក ហុក សុផល មានប្រសាសន៍បន្តថា ជាក់ស្តែងនៅថ្ងៃនេះ រូបសំណាក់សត្វផ្សេងៗគ្នា ជាច្រើន ត្រូវនាំយកមកដាក់តាំងបង្ហាញ ក្នុងតំបន់ទេសចរណ៍ទឹកធ្លាក់ភ្នំខៀវ ដើម្បីឲ្យតំបន់ទេសចរណ៍ ដែលល្បីល្បាញខេត្តប៉ៃលិនមួយនេះ មានភាពស្រស់ស្អាតជាងមុន ជាមួយនេះរដ្ឋបាលខេត្តប៉ៃលិន ក៏បានក្រើនរំលឹក ដល់មន្ត្រីជំនាញ និងអាជ្ញាធរមូលដ្ឋានគ្រប់ជាន់ថ្នាក់ បន្តយកចិត្តទុកដាក់ និងទទួលខុសត្រូវខ្ពស់ ព្រមទាំងសហការគ្នា ចុះធ្វើការអប់រំផ្សព្វផ្សាយ និងណែនាំដល់បងប្អូនប្រជាពលរដ្ឋ ឲ្យយល់ដឹងពីតម្លៃ នៃធន់ធានធម្មជាតិនាំគ្នាថែរក្សាព្រៃឈើ និងសត្វព្រៃ ជាពិសេសគឺតំបន់អភិរក្សនៅជុំវិញរមណីយដ្ឋានទឹកធ្លាក់ភ្នំខៀវនេះផងដែរ៕

អត្ថបទ ៖ សេង សុវណ្ណារិទ្ធ