ព័ត៌មានជាតិ

ខេត្តតាកែវមានច្រកព្រំដែនផ្លូវការ ០៣ កន្លែងសម្រាប់ធ្វើពាណិជ្ជកម្មជាមួយប្រទេសវៀតណាម

បានផុស

៣ years មុន

នៅ

ថ្ងៃព្រហស្បតិ៍ ២ មីនា ២០២៣

ដោយ

ខេត្តតាកែវមានច្រកព្រំដែនចំនួន ០៣ កន្លែង សម្រាប់ធ្វើទំនាក់ទំនងនិងពាណិជ្ជកម្មជាមួយប្រទេសវៀតណាម។

លោក អ៊ូច ភា អភិបាលនៃគណៈអភិបាលខេត្តតាកែវបានថ្លែងនៅក្នុងសន្និសីទនៅព្រឹកនេះថា ខណៈដែលខេត្តតាកែវមានភូមិសាស្រ្តជាប់ព្រំដែនប្រទេសវៀតណាម ខេត្តភាគនិរតីនេះមានច្រកព្រំដែនចំនួន ០៣ កន្លែង សម្រាប់ធ្វើទំនាក់ទំនងសេដ្ឋកិច្ច និងពាណិជ្ជកម្មជាមួយប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ច្រកទ្វារព្រំដែនទាំង ០៣ កន្លែង មានច្រកទ្វារព្រំដែនអន្តរជាតិភ្នំដិន ច្រកទ្វារព្រំដែនទ្វេភាគីកំពង់ក្រសាំង និងច្រកទ្វារតំបន់ព្រំដែនបាក់ដៃ។ តាមរយៈច្រកព្រំដែនផ្លូវការទាំង ៣ បានបង្កលក្ខណៈងាយស្រួលដល់ការធ្វើដំណើរ ការដឹកជញ្ជូនទំនិញ និងការធ្វើពាណិជ្ជកម្មឆ្លងកាត់ព្រំដែនប្រទេសទាំងពីរ។

ខេត្តតាកែវស្ថិតនៅភាគខាងត្បូងមានចម្ងាយជាង ៧៧ គីឡូម៉ែត្រពីរាជធានីភ្នំពេញ។ ខណៈដែលពលរដ្ឋភាគច្រើនពឹងផ្អែកលើវិស័យកសិកម្ម ចំណូលជាមធ្យមសម្រាប់មនុស្សម្នាក់ (GDP) បានកើនឡើងពី ១.៣៦៤ ដុល្លារ នៅឆ្នាំ ២០១៨ ទៅដល់ ១.៥២៦ ដុល្លារសម្រាប់ម្នាក់ នៅឆ្នាំ ២០២១។ ទំហំសេដ្ឋកិច្ចខេត្តមានប្រមាណ ១.៦៧១,៨ លានដុល្លារ ស្មើប្រហែល ៦,២% នៃសេដ្ឋកិច្ចជាតិ។

បើតាមទិន្នន័យរបស់រដ្ឋបាលខេត្តតាកែវ ពលរដ្ឋទូទាំងខេត្តបានកើនដល់ចំនួន ១.០៥៣.៩៩៧ នាក់ ជាមួយដង់ស៊ីតេ ២៧០នាក់/គ.ម២៕