ខេត្ត​រតនគីរី កសាង​ពុទ្ធបដិមា​ដ៏​ធំ​នៅលើកំពូលភ្នំដ៏ខ្ពស់មួយ ទុក​ទាក់ទាញ​ភ្ញៀវ​ទេសចរ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ខេត្ត​រតនគីរី កសាង​ពុទ្ធបដិមា​ដ៏​ធំ​នៅលើកំពូលភ្នំដ៏ខ្ពស់មួយ ទុក​ទាក់ទាញ​ភ្ញៀវ​ទេសចរ

Published

on

រតនគីរី៖ លោកព្រឹទ្ធាចារ្យ ប៊ូ ឡាំ បានដឹកនាំមន្ត្រីក្រោមឧិវាទ រួមទាំងមន្ត្រីរាជការក្នុងខេត្ត បានអញ្ជើញនៅក្នុងពិធីសែនក្រុងពាលី បួងសួងសុំសេចក្តីសុខ និងការលើកព្រះកេស តភ្ជាប់ជាមួយតួព្រះកាយ ព្រះពុទ្ធបដិមាកម្ពស់១៥ម៉ែត្រ តម្កល់នៅលើកំពូលភ្នំ ឥសីបតមៈ ហៅ ភ្នំស្វាយ ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង កាលពីថ្ងៃទី៩ កញ្ញា ឆ្នាំ២០២០ ក្រោមការរៀបចំ របស់រដ្ឋបាលខេត្តរតនគិរី។

ពិធីតភ្ជាប់ព្រះកេស ជាមួយតួព្រះកាយ ព្រះពុទ្ធបដិមាដ៏ធំមួយព្រះអង្គនេះ បានប្រព្រឹត្តទៅតាមបែប ព្រហ្មញ្ញសាសនា។ នេះបើតាមការបញ្ជាក់របស់ ប្រធានមន្ទីរធម្មការ និងសានាខេត្តរតនគិរី លោក ទេព ណារ៉ា ។

ព្រះពុទ្ធប្បដិមាដ៏ធំស្កឹមស្កៃមួយព្រះអង្គនេះ បានកសាងឡើងក្រោមគំនិត ផ្តួចផ្តើមរបស់ អភិបាលខេត្តរតនគិរី លោក ថង សាវុន រួមនឹងភរិយា ដើម្បីទុកជាកេរ្តិ៍ដំណែល សម្រាប់ប្រជាពុទ្ធបរិស័ទគោរពបូជា។

លោកថា ព្រះពុទ្ធប្បដិមាដ៏ធំមួយអង្គនេះ បានសាងសង់ឡើងពីថ្មភក់ មានកម្ពស់ ១៥ ម៉ែត្រកន្លះ ហើយបើគិតទាំងព្រះភ្នែន មានទម្ងន់ប្រមាណ ៣០០តោន ដែលបានជៀវពីខេត្តកំពង់ធំ ដង្ហែរយកមកតម្កល់ នៅលើកំពូលភ្នំឥសីបតមៈ ហៅ ភ្នំស្វាយ គ្រោងចំណាយថវិកាសាងសង់ អស់ប្រមាណជាង ២០ ម៉ឺនដុល្លារអាមេរិក និងត្រូវបញ្ចប់នៅក្នុងការសាងសង់ នៅបំណាច់ឆ្នាំ ២០២០។

អ្នកតំណាងរាស្ត្រមណ្ឌលរតនគិរី លោកព្រឹទ្ធាចារ្យ ប៊ូ ឡាំ មានប្រសាសន៍ ក្រើនរំលឹកដល់ក្រុមអ្នកស្ថាបនា ពន្លឿនលើការកសាងឲ្យបានឆាប់ និងប្រកបដោយការយកចិត្តទុកដាក់ ដើម្បីផ្តល់ឧិកាសដល់ប្រជាពុទ្ធបរិស័ទ និងប្រជាពលរដ្ឋទូទៅ បានជាទីគោរពបូជា ធ្វើបុណ្យធ្វើទាន ទៅតាមកម្លាំងសទ្ធា ជ្រះថ្លារៀងៗខ្លួន និងទៅតាមលំអាននៃព្រះពុទ្ធសាសនា ។ លោកព្រឹទ្ធាចារ្យ បានបញ្ជាក់ថា ក្រោយបញ្ចប់ នៅក្នុងការសាងសង់ ព្រះពុទ្ធបដិមាដ៏ធំមួយព្រះអង្គនេះ នឹងក្លាយជាទីសក្ការៈបូជា នៃប្រជាពុទ្ធបរិស័ទ និងក៏អាចជាទីទាក់ទាញ ឲ្យចូលមកទស្សនាកម្សាន្ត ពីអ្នកទេសចរជាតិ និងអន្តរជាតិ ហើយអ្វីដែលពិសេស ជាងនេះទៀតនោះ គឺអ្នកដែលនាំយកធូបទៀនផ្កា ឡើងភ្នំមកបូជាព្រះពុទ្ធរូប ក៏អាចឆ្លៀតគយគន់ទេសភាព ធម្មជាតិ និងព្រះសូរិយាហៀបអស្តង្គតដ៏ស្រស់ស្អាត នៅលើកំពូលភ្នំនេះបានថែមទៀតផង ។

គួរបញ្ជាក់ថា ភ្នំឥសីបតមៈ ឬហៅភ្នំស្វាយ ត្រូវបានរាប់បញ្ចូលជាតំបន់រមណីយដ្ឋាន ទេសចរណ៍ វប្បធម៌ និងធម្មជាតិដ៏ស្រស់បំព្រង ដែលស្ថិតក្នុងខេត្តរតនគិរី ភាគឥសាន្តប្រទេសកម្ពុជា ៕

អត្ថបទ ៖ អ៊ុច សាវុទ្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ7 hours ago

ថ្ងៃស្អែក​សូម​គ្រួសារ​ក្រីក្រ​និង​ជន​ងាយ​រងគ្រោះ​ដែលមាន​ប័ណ្ណ​សមធម៌ អញ្ជើញ​ទៅ​បើកប្រាក់​ឧបត្ថម្ភ​ទាំងអស់គ្នា

ព័ត៌មានជាតិ8 hours ago

លំអិត​ទីតាំង​ដែល​ត្រូវ​ជាប់​ពាក់ព័ន្ធនឹង​ព្រឹត្តិការណ៍​សហគមន៍២០កុម្ភៈ​ ចំនួន៦២កន្លែង​

ព័ត៌មានជាតិ9 hours ago

បន្ទាន់!! រក​ឃើញ​ទីតាំង​ពាក់​ព័ន្ធនឹង​ព្រឹត្តិការណ៍​សហគមន៍​២០កុម្ភៈ រហូតដល់​៦២កន្លែង​ឯណោះ

ព័ត៌មានជាតិ9 hours ago

ខេត្តកណ្តាល ​មាន​អ្នក​ឆ្លង​កូ​វីដ​១៩​ ពាក់ព័ន្ធ​នឹង​ព្រឹត្តិការណ៍​២០​កុម្ភៈ​ចំនួន​១៨​នាក់

ព័ត៌មានជាតិ10 hours ago

អភិបាល​រាជធានី សួរសុខទុក្ខ​ក្រុម​គ្រូពេទ្យ នៅ​មណ្ឌល​សុខភាព​ចាក់អង្រែ​ក្រោម និង​មន្ទីរ​ពេទ្យរុស្ស៊ី​

Sokha Hotels

ព័ត៌មានពេញនិយម

Helistar Cambodia - Helicopter Charter Services