ព័ត៌មានជាតិ
លោកជំទាវ ម៉ែន សំអន៖ មន្រ្តីអធិការកិច្ចគ្រប់ស្ថាប័នត្រូវបន្តរួមគ្នាពង្រឹងការអនុវត្តច្បាប់ និងលើកកម្ពស់នូវអភិបាលកិច្ចល្អ
លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងនូវការជម្រុញដល់មន្រ្តីអធិការកិច្ចគ្រប់ស្ថាប័នត្រូវបន្តរួមគ្នាពង្រឹងការអនុវត្តច្បាប់ និងលើកកម្ពស់នូវអភិបាលកិច្ចល្អ។
លោកជំទាវកិត្តិសង្គហបណ្ឌិត ម៉ែន សំអន ថ្លែងបែបនេះ ខណៈពេលអញ្ជេីញជាអធិបតីក្នុងពិធីបិទវគ្គបណ្តុះបណ្តាលជំនាញវិជ្ជាជីវៈអធិការកិច្ចបឋម ជំនាន់៥ វគ្គ ១+២ នៅទីស្តីការក្រសួង នាព្រឹកថ្ងៃចន្ទ ៦កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៧ ខែមីនា ឆ្នាំ២០២៣។
លោកជំទាវ បានថ្លែងនូវការកោតសរសើរ និងវាយតម្លៃខ្ពស់ចំពោះវិទ្យាស្ថានជាតិអធិការកិច្ច ដែលបានប្រឹងប្រែងរៀបចំវគ្គបណ្តុះបណ្តាលដោយសម្រេចបានលទ្ធផលផ្លែផ្កាគួរជាទីមោទនៈ និងអបអរសារទរចំពោះជ័យលាភីទាំងអស់ ដែលបានបញ្ចប់វគ្គបណ្តុះបណ្តាលដោយជោគជ័យ និងសង្ឃឹមថាសិក្ខាកាមទាំងអស់នឹងនាំយកនូវចំណេះដឹងថ្មីៗដែលទទួលបានពីវគ្គសិក្សានេះ ទៅបំរើស្ថាប័នសាម៉ីឱ្យបានកាន់តែល្អប្រសើរ ដើម្បីរួមចំណែកដល់ការអភិវឌ្ឍន៍ជាតិ និងការលើកកម្ពស់អភិបាលកិច្ចល្អ ដែលជាស្នូលនៃយុទ្ធសាស្រ្ត ចតុកោណរបស់រាជរដ្ឋាភិបាល។
លោកជំទាវបានបន្តទៀតថា ការបណ្តុះបណ្តាលជំនាញអធិការកិច្ច គឺពិតជាមានសារៈសំខាន់ដែលមិនត្រឹមតែផ្តល់ចំណេះដឹង និងលើកកម្ពស់ជំនាញមួយកម្រិតថែមទៀត ដល់មន្រ្តីរាជការអធិការកិច្ច ដើម្បីយកទៅបំពេញការងារឲ្យកាន់តែមានគុណភាព ប្រសិទ្ធភាព គណនេយ្យភាព និងសុចរិតភាព ស្របតាមក្រមសីលធម៌វិជ្ជាជីវៈអធិការកិច្ច ដើម្បីរួមចំណែកលើកកម្ពស់អភិបាលកិច្ចល្អនៅកម្ពុជាប៉ុណ្ណោះទ ប៉ុន្តែវាជាការផ្សាភ្ជាប់នូវទំនាក់ទំនងយ៉ាងជិតស្និទ្ធរវាងមន្រ្តី រាជការអធិការកិច្ចគ្រប់កម្រិត និងគ្រប់លំដាប់ថ្នាក់ ទាំងនៅថ្នាក់ជាតិ និងថ្នាក់ក្រោមជាតិ។ លើសពីនេះ ការបណ្តុះបណ្តាលជំនាញអធិការកិច្ច នឹងបង្កើននូវការទទួលស្គាល់ពីមជ្ឈដ្ឋាននានា អំពីការចូលរួមរបស់វិស័យអធិការកិច្ចក្នុងការបង្ការទប់ស្កាត់ កែលម្អ និងមានវិធានការ ដើម្បីប្រឆាំងនឹង អំពើពុករលួយ ការរំលោភដោយអំណាច និងបាតុភាព អសកម្មនានា ក៏ដូចជា ការរួមចំណែកពង្រឹងការអនុវត្តច្បាប់ និងលើកកម្ពស់ អភិបាលកិច្ចល្អនៅកម្ពុជាផងដែរ៕
អត្ថបទ៖ វិមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង