ព័ត៌មានជាតិ
ពលរដ្ឋខេត្តបន្ទាយមានជ័យ ៩៩ ភាគរយ មានអគ្គិសនីប្រើប្រាស់
ខេត្តបន្ទាយមានជ័យ បានទទួលការផ្គត់ផ្គង់ថាមពលពីខ្សែបញ្ជូនជាតិ ១១៥ គីឡូវ៉ុល ពីប្រទេសថៃ ២៣០ គីឡូវ៉ុល ហើយមានប្រភពថាមពលដើរដោយពន្លឺព្រះអាទិត្យ ដែលមានអានុភាព ៣០ មេហ្កាវ៉ាត់បន្ថែមទៀត ព្រមទាំងមានសេវាករចែកចាយអគ្គិសនីសរុបចំនួន ២៦ អាជ្ញាប័ណ្ណ។
គ្រួសារប្រជាពលរដ្ឋខេត្តមានចំនួន ៩៩ ភាគរយ មានអគ្គិសនីប្រើប្រាស់។ ខេត្តកំពុងតែពង្រីកការតភ្ជាប់បណ្ដាញអគ្គិសនីបន្ថែមទៀតដល់មូលដ្ឋានភូមិ ឃុំ ពិសេសនៅតំបន់ជនបទ។
លោក អ៊ុំ រាត្រី អភិបាលខេត្តបន្ទាយមានជ័យបានថ្លែងនៅក្នុងសន្និសីទសារព័ត៌មានស្ដីពីវឌ្ឍនភាពខេត្តបន្ទាយមានជ័យនៅព្រឹកថ្ងៃទី ២៨ ខែមីនានេះថា ខេត្តបានទទួលការផ្គត់ផ្គង់ថាមពលពីខ្សែបញ្ជូនជាតិ ១១៥ គីឡូវ៉ុល ពីប្រទេសថៃ ២៣០ គីឡូវ៉ុល ហើយមានប្រភពថាមពលដើរដោយពន្លឺព្រះអាទិត្យ ដែលមានអានុភាព ៣០ មេហ្កាវ៉ាត់បន្ថែមទៀត ព្រមទាំងមានសេវាករចែកចាយអគ្គិសនីសរុបចំនួន ២៦ អាជ្ញាប័ណ្ណ។
លោក អ៊ុំ រាត្រី អភិបាលខេត្តបន្ទាយមានជ័យ បានអះអាងថា ពាក់ព័ន្ធនឹងការផ្គត់ផ្គង់វិស័យអគ្គិសនីនៅក្នុងខេត្តនាពេលបច្ចុប្បន្ននេះ គឺនៅសេសសល់តែ ភូមិ ៦ប៉ុណ្ណោះដែលស្ថិតនៅក្នុងស្រុកម៉ាឡៃ ដែលមិនទាន់មានអគ្គិសនីប្រើប្រាស់។
លោក អ៊ុំ រាត្រី បញ្ជាក់ថា តាមការសិក្សាខេត្ត ត្រូវការប្រើប្រាស់ថាមពលអាចគ្រប់គ្រាន់រហូតដល់ ១១៥ គីឡូវ៉ុល តែក្នុងខេត្ត តាមរយៈក្រុមហ៊ុនដែលបានវិនិយោគផលិត ដើរដោយពន្លឺព្រះអាទិត្យមានអនុភាពផលិតបានតែ ៣០ មេហ្កាវ៉ាត់ ប៉ុណ្ណោះ ដែលនៅខ្វះខាតប្រមាណជាង ៨០ មេហ្កាវ៉ាត់ បន្ថែមទៀត ដែលជាហេតុធ្វើឱ្យរាជរដ្ឋាភិបាលសម្រេចចិត្ត សហការជាមួយរដ្ឋបាលខេត្តថៃ ក្នុងការប្រើប្រាស់បន្ថែមនៅថាមពលអគ្គិសនី សម្រាប់ ៣ខេត្ត មានបាត់ដំបង បន្ទាយមានជ័យ និងខេត្តសៀមរាប ហើយក្នុងរដូវវស្សាខេត្ត ទទួលបការផ្គត់ផ្គង់ភ្លើងពីរាជធានីភ្នំពេញ តាមអគ្គិសនីកម្ពុជា។
លោក អ៊ុំ រាត្រី បានបន្ថែមថា នៅក្នុងខេត្តបន្ទាយមានជ័យ ភូមិប្រមាណជា ៦៤៨ មាននូវអគ្គិសនីប្រើប្រាស់បានគ្រប់គ្រាន់ ប៉ុន្តែ មានតែ ៦ភូមិប៉ុណ្ណោះដែលនៅខ្វះខាតមិនទាន់មានការដាក់ពង្រាយបណ្ដាញខ្សែភ្លើងទៅដល់។ ហើយចំពោះភូមិទាំង ៦ នោះ គឺស្ថិតនៅភូមិទួលពង្រ និងឃុំបឹងបេង។
–មានភូមិ ៤ ដែលស្ថិតនៅក្នុង ភូមិទួលពង្រ៖ ភូមិស្រឡៅជ្រុំ ភូមិអភិវឌ្ឍន៍ ភូមិអូកេះ និងភូមិទួលប្រសាទ ដែលភូមិទាំង ៤នេះ មានព្រំប្រទល់ជិតខេត្តបាត់ដំបង
–មានភូមិ២ ដែលស្ថិតនៅក្នុង ឃុំបឹងបេង៖ ភូមិអូ កាច់ និងថ្មបាំង
ត្រង់ចំណុចនេះដែរ លោកអភិបាលខេត្តបន្ទាយមានជ័យ បានពន្យល់ថា ភូមិទាំង ៦ នេះ ដែលកំពុងខ្វះខាតអគ្គិសនីប្រើប្រាស់ សុតតែភូមិដែលមានលក្ខណៈដាច់ស្រយាល និងឆ្ងាយពីគ្នាពីភូមិមួយទៅភូមិមួយ។ ម្យ៉ាងវិញទៀត ពេលនេះ ប្រធានមន្ទីររ៉ែ និងថាមពល បាននឹងកំពុងធ្វើការជាមួយបណ្ដាក្រុមហ៊ុនវិនិយោគធ្វើយ៉ាងណាជំរុញការវិនិយោគ ឱ្យសម្រេចបានអគ្គិសនី ទៅដល់ភូមិទាំង ៦ ខាងលើឱ្យបានក្នុងឆ្នំា២០២៣៕
ដោយ៖ ថារី
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល