ព័ត៌មានជាតិ
មកដឹងទីតាំងនិងកម្មវិធី ត្រៀមរៀបចំព្រឹត្តិការណ៍ «សង្ក្រាន្តកំពត»
ឆ្នាំនេះកាន់តែអឹកធិក រដ្ឋបាលខេត្តកំពតបានចេញចេញសេចក្តីប្រកាសមួយ ទាក់ទងនឹងការរៀបចំព្រឹត្តិការណ៍ «កំពតសង្ក្រាន្ត» ឆ្នាំ២០២៣ រយៈពេល ៣ថ្ងៃ ពោលគឺចាប់ពីថ្ងៃទី១៤-១៦ ខែមេសា ត្រូវនឹងឱកាសបុណ្យចូលឆ្នាំប្រពៃណីជាតិខ្មែរតែម្តង ដែលមានរៀបចំកម្មវិធីកម្សាន្តមួយចំនួន ដើម្បីទទួលស្វាគមន៍ភ្ញៀវជាតិ-អន្តរជាតិ។
តាមរយៈរដ្ឋបាលខេត្ត ក្នុងព្រឹត្តិការណ៍នោះ នឹងមានកម្មវិធីកម្សាន្តជាច្រើន ដែលនឹងរៀបចំនៅទីតាំងចំនួន៣ ។
១. ឆ្នេរកោះស្មៅ
ជាឆ្នេរបង្កើតថ្មី នៅតាមបណ្តោយមាត់ព្រែកកំពត ដែលមានប្រវែង ២គីឡូម៉ែត្រ មិនឆ្ងាយប៉ុន្មានពីស្ពានកំពត។ រដ្ឋបាលខេត្តនឹងប្រើទីតាំងថ្មីនេះ ជាកន្លែងរៀបចំការលេងល្បែងប្រជាប្រិយ ការសម្តែងសិល្បៈ និងការប្រគុំតន្ត្រី។ ជាមួយឆ្នេរដំបូងរបស់ព្រែកកំពត ទេសចរជាតិ-អន្តរជាតិ មិនត្រឹមតែអាចកម្សាន្តជាមួយនឹងកម្មវិធីដែលរដ្ឋបាលខេត្ត បានរៀបចំនោះទេ លើសពីនេះ នៅអាចរីករាយជាមួយនឹងបរិយាកាសថ្មីមិនធ្លាប់មាននៃទីតាំងនេះទៀតផង។
២. រង្វង់មូលទុរេន
ជារៀងរាល់ឆ្នាំ មិនថាពលរដ្ឋក្នុងតំបន់ ឬទេសចរពីតំបន់ផ្សេងនោះទេ តែងតែជួបជុំគ្នា លេងសាចទឹកដាក់គ្នា និងរាំលេង កម្សាន្តជាដើម នៅទីតាំងនិមិត្តរូបនៃខេត្តមួយនេះ។ មិនខុសពីឆ្នាំមុនៗ ទីតាំងនេះនឹងមានការបាញ់ទឹករាំកម្សាន្ត តែអ្វីដែលពិសេសនោះ គឺការរៀបចំការប្រកួតប្រដាល់ក្បាច់គុនបុរាណខ្មែរ នៅទីតាំងនេះផងដែរ។
៣. ទីតាំងមុខសាលាខេត្តកំពត
ទីតាំងសួនច្បារទល់មុខនឹងសាលាខេត្ត នឹងមានរៀបចំធ្វើពិធីស្រង់ព្រះ ពិពណ៌ភូមិមួយផលិតផលមួយ និងការតាំងបង្ហាញនំខ្មែរថែវប្បធម៌ ដែលអាចឱ្យលោកអ្នកបានទាំងទស្សនា បានទាំងទទួលទានអាហារបែបខ្មែរ។ ម៉្យាងវិញទៀត ក៏អាចទស្សនាការបាញ់កាំជ្រួចនៅទីតាំងមាត់ព្រែក និងនៅតាមដងផ្លូវសាធារណៈសំខាន់ៗក្នុងក្រុងកំពត ក៏មានការតុបតែងលម្អអគ្គិសនីបំភ្លឺព្រោងព្រាតនាពេលរាត្រីថែមទៀតផង។
ក្រៅពីការកម្សាន្តក្នុងក្រុងកំពត ទេសចរក៏អាចទៅកម្សាន្តនៅតាមរមណីយដ្ឋាននានាក្នុងខេត្ត ដែលមានទីតាំងជាច្រើន កន្លែង មិនថាជារមណីយដ្ឋានធម្មជាតិ ឬរមណីយដ្ឋានកែច្នៃ។ ក្នុងនោះ រដ្ឋបាលខេត្តកំពត ក៏អំពាវនាវដល់សាធារណជន ដែលមកកម្សាន្តនៅថ្ងៃបុណ្យចូលឆ្នាំប្រពៃណីជាតិខ្មែរ ឱ្យរួមគ្នាជួយថែរក្សាបរិស្ថានក្នុងខេត្តផង៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»