ព័ត៌មានជាតិ

ផ្លូវកាត់ថ្មីតភ្ជាប់ពីផ្លូវជាតិលេខ ៤ ទៅភ្នំបូកគោ បញ្ចប់ការឈូសឆាយរួចទាំងស្រុង

បានផុស

១ year មុន

នៅ

ថ្ងៃចន្ទ ៣ មេសា ២០២៣

ដោយ

បើតាមការបញ្ជាក់ពីក្រុមហ៊ុនសុខាអចលនទ្រព្យ ការឈូសឆាយបើកផ្លូវថ្មីតភ្ជាប់ពីផ្លូវជាតិលេខ ៤ ទៅឧទ្យានជាតិព្រះមុនីវង្សបូកគោបានបញ្ចប់រួចទាំងស្រុង។

កាលពីព្រឹកថ្ងៃទី១ ខែមេសា អ្នកឧកញ៉ា សុខ គង់ ប្រធានក្រុមហ៊ុនសូគីម៉ិចគ្រុប បានចុះត្រួតពិនិត្យផ្លូវថ្មី១ខ្សែដែលតភ្ជាប់ឧទ្យានជាតិព្រះមុនីវង្សបូកគោ ឆ្ពោះទៅកាន់ផ្លូវជាតិលេខ៤ មានប្រវែងសរុប ៦១ គីឡូម៉ែត្រ ដែលនៅពេលនេះបានឈូសឆាយរួចរាល់ជាស្ថាពរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្ថាបនាផ្លូវថ្មីតភ្ជាប់ពីផ្លូវជាតិលេខ ៤ កាត់ចំការដូងប្រេងអ្នកឧកញ៉ា ម៉ុង ឫទ្ធី ទៅកាន់ឧទ្យានជាតិភ្នំបូកគោ ជាគម្រោងសហការគ្នារវាងអ្នកឧកញ៉ា ម៉ុង ឫទ្ធី និងអ្នកឧកញ៉ា សុខ គង់ ដែលទទួលបានសិទ្ធិពីរដ្ឋាភិបាលនៅក្នុងការអភិវឌ្ឍន៍ភ្នំបូកគោ ។

គម្រោងស្ថាបនាផ្លូវកាត់ថ្មីនេះ ឧកញ៉ាម៉ុង ឫទ្ធី គឺជាអ្នកសម្បទានដីសម្រាប់គម្រោងសាង់សង់ផ្លូវ ហើយអ្នកឧញ៉ា សុខ គង់ គឺជាអ្នកចំណាយលុយក្នុងការសាងសង់ផ្លូវ។

ការអនុវត្តគម្រោងសាងសង់ហេដ្ឋារចនាសម្ព័ន្ធផ្លូវថ្មី១នេះ ក៏អនុវត្តតាមការណែនាំរបស់ប្រមុខរដ្ឋាភិបាលសម្តេចតេជោ ហ៊ុន សែន ដើម្បីជំរុញការអភិវឌ្ឍលើកកម្ពស់សេដ្ឋកិច្ច និងទាក់ទាញផ្នែកទេសចរណ៍៕