ឱកាសអាហារូបករណ៍ថ្នាក់បរិញ្ញាបត្រសម្រាប់និស្សិតនារីទៅប្រទេសកូរ៉េខាងត្បូង

សាកលវិទ្យាល័យភូមិន្ទភ្នំពេញ បានប្រកាសពីដំណឹងអាហារូបករណ៍ Scranton Women’s Leadership Center ឆ្នាំសិក្សា២០២៣-២០២៤ សម្រាប់និស្សិតនារីនៃសាកលវិទ្យាល័យ ទៅសិក្សានៅប្រទេសកូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារូបករណ៍ Scranton ជ្រើសរើសដោយមើលទៅលើនិស្សិតស្រីឆ្នាំទី២ ជានិស្សិតថ្នាក់បរិញ្ញាបត្រ ក្នុងឆ្នាំសិក្សាសិក្សា២០២២-២០២៣ ថ្នាក់បង់ថ្លៃ មិនមែនជានិស្សិតដែលទទួលបានអាហារូបករណ៍ ឬ ផ្តល់ការឧបត្ថម្ភពីស្ថាប័នផ្សេង។ និស្សិតត្រូវ មានពិន្ទុសិក្សាល្អ ដោយមាន GPA ចាប់ពី ៣.០០ ឡើងទៅ និងមានអាកប្បកិរិយា អត្តចរិតល្អ។ ចំពោះចំណេះដឹងភាសាអង់គ្លេស អាចប្រើប្រាស់សម្រាប់ធ្វើទំនាក់ទំនងផ្លូវការបាន។

នៅពេលដាក់ពាក្យ និស្សិតត្រូវភ្ជាប់មកជាមួយនូវជីវប្រវត្តិរូបសង្ខេប (Cover letter & CV) ១ច្បាប់។ ព្រឹតិ្តបត្រពិន្ទុច្បាប់ដើម ដែលបញ្ជាក់ពីពិន្ទុរាល់ឆមាស ១ច្បាប់ និងវិញ្ញាបនបត្របញ្ចាក់ការសិក្សាជាភាសាអង់គ្លេស ច្បាប់ដើម ១ច្បាប់ ព្រមទាំងឯកសារបញ្ចាក់ពីកម្រិតភាសាអង់គ្លេសចំនួន១ច្បាប់ផងដែរ។ និស្សិត ក៏តម្រូវឱ្យសរសេរសំណេរពណ៌នាអំពី “ខ្លួនឯងលើការសិក្សាក្នុងសាកលវិទ្យាល័យ រួមទាំងសមិទ្ធផលដែលសម្រេចបាន គម្រោង គោលដៅ និងការងារដែលនិស្សិតប្រាថ្នានាពេលអនាគត”។ ការសរសេរសំណេរនេះនេះ គឺយ៉ាងតិចណាស់៥០០ពាក្យ។

ចំពោះរបៀបដាក់ពាក្យអាហារូបករណ៍វិញ និស្សិតត្រូវយកឯកសារទាំងនោះ ទៅកាន់ការិយាល័យទំនាក់ទំនងអន្តរជាតិ នៅអគារA នៃសាកលវិទ្យាល័យភូមិន្ទភ្នំពេញរៀងរាល់ម៉ោងធ្វើការ។ ផុតកំណត់ទទួលពាក្យថ្ងៃទី០៥ ខែឧសភា ឆ្នាំ២០២៣ (ឬ អាចត្រូវពន្យាពេល)។ សម្រាប់ព័ត៌មានលម្អិតទាក់ទងជាមួយកម្មវិធីនេះ និស្សិតអាចទាក់ទងមកកាន់ ការិយាល័យទំនាក់ទំនងអន្តរជាតិ តាមរយៈហ្វេសប៊ុក International Relations Office-IRO ឬ តាមរយៈតេឡេក្រាម (@iro_rupp) រៀងរាល់ម៉ោងធ្វើការ៕