ព័ត៌មានជាតិ

ម្ហូបថ្មីប្លែក ១០ មុខប្រចាំភូមិភាគឦសាន ចង់សាក ទាល់ទៅខេត្តរតនគិរី

បានផុស

១ year មុន

នៅ

ថ្ងៃសុក្រ ៧ មេសា ២០២៣

ដោយ

ប្រជាជនដែលរស់នៅតាមបណ្ដាខេត្តក្រុង តែងតែមាននៅមុខម្ហូបនៅតាមតំបន់រៀងៗខ្លួន។ បើតាមលោក ង៉ែត ពិទូ ប្រធានមន្ទីរទេសចរណ៍ខេត្តរតនគិរី ខេត្តភូមិភាគឦសាននេះក៏មានមុខម្ហូបមួយចំនួនដែលខុសប្លែកពីតំបន់ទំនាបកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ង៉ែត ពិទូ នៅក្នុងសន្និសីទសារព័ត៌មានកាលពីម្សិលមិញ បានលើកពីមុខម្ហូប ១០ មុខ របស់បងប្អូនភាគតិចនៅក្នុងខេត្តរតនគិរី ដែលមានលក្ខណៈប្លែកពីតំបន់ទំនាបកណ្ដាល។

មុខម្ហូបទាំង ១០ មុខ រួមមាន សម្លប្រូង, ចាណាង, ភីភា, ម៉ាភា, កយ, សម្លកែង, បុកគគ្រីវ, ភ្លាខ្លា, ភីភាត្រីប្រកក់ និងសម្លត្រីប៉ាស៊ីអ៊ីជាដើម។

ក្នុងចំណោមមុខម្ហូបទាំង ១០ មុខ លោកប្រធានមន្ទីរទេសចរណ៍ក៏បានប្រាបពីមុខម្ហូបមួយចំនួនដែលពេញនិយមទាំងបងប្អូនក្នុងខេត្ត និងពលរដ្ឋមកពីចម្ងាយ។

លោកប្រធានមន្ទីរបានលើកពីម្ហូបសម្លកែងដ៏ពេញនិយម។ មុខម្ហូបនេះគឺគេយកស្បែកគោមកស្ល ព្រោះស្បែកមិនអាចទុកមិនអាចបានយូរដូចសាច់ទេ។

ម្ហូបមួយមុខទៀតគឺបុកគគ្រីវ។ លោក ង៉ែត ពិទូ បានពន្យល់ថា មុខម្ហូបនេះគេយកប្រភេទសាច់ងៀតមកធ្វើ មិនថាជាងៀតអ្វីឡើយ។ ម្ហូបមួយនេះពេញនិយមនៅតាមភោជនីយដ្ឋានធំៗក្នុងខេត្ត ហើយសូម្បីតែថ្នាក់ដឹកនាំខេត្តក៏ចូលចិត្តទទួលទានផងដែរ។

លោកបន្តថា ម្ហូបដ៏មានប្រជាប្រិយមួយទៀតគឺម្ហូប «ភ្លាខ្លា»។ មុខម្ហូបនេះគេមិនមែនយកសាច់ខ្លាមកធ្វើនោះទេ ដោយយកសាច់គោហាន់ជាចំណិតស្ដើងៗបរិភោគជាមួយអំបិលម្ទេសដែលមានរសជាតិហិរខ្លាំង ហើយភាគច្រើនសម្រាប់ទទួលទានបែបលក្ខណៈជាប្រភេទសាច់ក្លែមជាដើម។

ចំណែកឯភីភាត្រីប្រកក់ ក៏ពេញនិយមច្រើនដែរ ហើយមុខម្ហូបមួយនេះបើចង់បរិភោគលុះត្រាតែធ្វើការកុម្ម៉ង់ទៅតាមភោជនីយដ្ឋាន។ ម្ហូបនេះរបៀបធ្វើគឺគេយកត្រីដោយមិនវះពោះត្រីនោះទេ ពេលញាំទើបវះពោះត្រី ហើយបរិភោគរួមគ្នាមានជាតិល្វីងៗ ជួយឱ្យត្រជាក់ខ្លួនផងដែរ៕