ព័ត៌មានជាតិ
យុវជនស្ម័គ្រចិត្ត ចាប់ផ្តើមចេញដំណើរទៅចូលរួមព្រឹត្តិការណ៍អង្គរសង្ក្រាន្តនៅខេត្តសៀមរាប
ម៉ោងជាង ៧ ព្រឹកមិញនេះ យុវជនប្រមាណ ៥០០ នាក់ បានចាប់ផ្តើមចេញដំណើរដើម្បីទៅចួលរួមក្នុងព្រឹត្តិការណ៍អង្គរសង្ក្រាន្តនៅខេត្តសៀមរាប។
ស្ថិតនៅក្នុងចំណោមយុវជនស្ម័គ្រចិត្តដែលត្រូវចេញដំណើរនៅព្រឹកនេះ កញ្ញា ឃ្លាំង គីមហួយ បានឲ្យកម្ពុជាថ្មីដឹងថា មានក្រុមយុវជនស្ម័គ្រចិត្តប្រមាណជាង ៥០០ នាក់ ត្រូវចេញដំណើរនៅព្រឹកនេះ និងមួយចំនួនធំទៀតនឹងបន្តចេញដំណើរនៅថ្ងៃបន្តបន្ទាប់។
បើតាមយុវតីរូបនេះ ក្នុងព្រឹត្តិការណ៍អង្គរសង្រ្កាន្ត កញ្ញាត្រូវបំពេញការងារទៅតាមផ្នែកទទួលខុសត្រូវ និងត្រូវបន្តស្នាក់នៅរហូតដល់ចប់កម្មវិធី។
ព្រឹត្តិការណ៍អង្គរសង្រ្កាន្តនឹងចាប់ផ្តើមពីថ្ងៃទី១៤ រហូតដល់ ថ្ងៃទី ១៦ ខែមេសា ឆ្នាំ២០២៣។ កម្មវិធីរយៈពេល ០៣ ថ្ងៃ មានការតាំងបង្ហាញមរតកវប្បធម៌ដូនតា ក៏ដូចជាកម្មវិធីកម្សាន្តជាច្រើននៅតាម ០៦ ទីតាំងធំៗគឺ បរិវេណប្រាសាទអង្គរវត្ត ព្រះលានជល់ដំរី តំបន់អង្គរ-ឃ្យុងយូ សួនច្បារព្រះរាជដំណាក់ ដងស្ទឹងសៀមរាប និងតំបន់ផាប់ស្រ្ទីត។
ក្នុងឱកាសចូលរួមជូនដំណើរដល់យុវជនស្ម័គ្រចិត្តរាប់រយនាក់នៅព្រឹកនេះ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងប្រធានដឹកនាំរៀបចំព្រឹត្តិការណ៍អង្គរសង្រ្កាន្តបានបញ្ជាក់ថា ព្រឹត្តិការណ៍អង្គរសង្រ្កាន្តដែលរៀបចំនៅឆ្នាំនេះគឺធំជាងលើកមុន ដោយមានកម្មវិធីច្រើនជាងមុន។
កម្មវិធីដែលអាចនឹងមានមនុស្សណែនណាន់តាន់តាប់ ឯកឧត្តមក៏រំលឹកដល់ក្រុមការងារត្រូវយកចិត្តទុកដាក់ថែរក្សាសុខភាពឲ្យបានល្អ ហើយបើមានបញ្ហាអីត្រូវរាយការណ៍ប្រាប់គ្នាទៅវិញទៅមក។
ឯកឧត្តមបន្តទៀតថា ព្រឹត្តិការណ៍អង្គរសង្រ្កាន្តបង្ហាញមោទកភាពសម្រាប់ជាតិខ្មែរទាំងមូល ក្នុងការចូលរួមថែរក្សាលើកស្ទួយវប្បធម៌ប្រពៃណីជាតិ និងជាផ្នែកមួយចូលរួមផ្សព្វផ្សាយពីសក្តានុពលទេសចររបស់ខេត្តសៀមរាបដល់ភ្ញៀវទេសចរជាតិនិងអន្តរជាតិមកកម្សាន្ត។
បើតាមឯកឧត្តម ហ៊ុន ម៉ានី មកដល់ពេលនេះបន្ទប់សណ្ឋាគារជាង ៩០ ភាគរយនៅក្រុងសៀមរាបត្រូវបានភ្ញៀវកក់អស់ រួមទាំងផ្ទះសំណាក់ជាង ៨០ ភាគរយក៏ត្រូវបានភ្ញៀវកក់រួចហើយដែរ។
ព្រឹត្តិការណ៍អង្គរសង្ក្រាន្តឆ្នាំ២០២៣ ក៏មានកម្មវិធីបំបែកឯកត្តកម្មពិភពលោកចំនួន ០២ គឺទី១ បត់ក្រដាសបេះដូង និងទី២ ចង្វាក់ម៉ាឌីសុន។ ព្រឹត្តិការណ៍អង្គរសង្ក្រាន្តឆ្នាំ២០២៣ មានកម្មវិធីចំនួន ៤៤ នៅ ៦ ទីតាំង មាននៅខាងមុខអង្គរ ទីលានជល់ដំរី អង្គរឃ្យូងយូ តំបន់ដងស្ទឹងសៀមរាប សួនច្បារព្រះរាជដំណាក់ និងនៅតំបន់មួយចំនួនទៀត។
ក្នុងកម្មវិធីក៏មានការបង្ហាញពីផលិតផលរបស់ខ្មែរ ដែលមានរយៈពេល ៣ ថ្ងៃ ចាប់ពីព្រឹកថ្ងៃទី១៤ ដល់ថ្ងៃទី១៦ ខែមេសា៕
-
កីឡា២២ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៧ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៧ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ
-
កីឡា១ សប្តាហ៍ agoWorld Cup 2026 រកឃើញវគ្គ ៨ ក្រុម ខណៈ អាហ្សង់ទីន ហាក់ដូចសំណាងជាងគេ