ព័ត៌មានជាតិ

ឆេះឃ្លាំងស្តុកសម្ភារៈសំណង់ និងខ្សែភ្លើង សំណាងមិនមានគ្រោះថ្នាក់ដល់មនុស្ស

បានផុស

៥ years មុន

នៅ

ថ្ងៃចន្ទ ១៨ មករា ២០២១

ដោយ

ព្រះសីហនុ ៖ អគ្គិភ័យបានឆាបឆេះឃ្លាំងស្តុកដាក់សម្ភារៈសំណង់ និងខ្សែភ្លើង សំណាងមិនបណ្ដាលឲ្យមនុស្សរងគ្រោះ ចំពោះមូលហេតុនៅពុំទាន់មានការបញ្ជាក់ថាមកពីអ្វីនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ កើតឡើងនាវេលាម៉ោង១៤និង០០នាទីរសៀលថ្ងៃទី១៨ ខែមករា ឆ្នាំ២០២១ នៅចំណុចម្តុំវត្តអូរត្រេះ ភូមិ០៦ សង្កាត់លេខ៤ ក្រុង-ខេត្តព្រះសីហនុ។

បើតាមប្រភពព័ត៌មានបានឲ្យដឹងថា អគ្គិភ័យឆាបឆេះឃ្លាំងខាងលើនេះ ត្រូវបានកម្លាំងជំនាញ នៃការិយាល័យជំនួយមនុស្សធម៌ និងសង្គ្រោះគ្រោះមហន្តរាយ កងរាជអាវុធហត្ថខេត្ត ចំនួន០៧នាក់ សហការជាមួយកម្លាំងស្នងការនគរបាល ចុះជួយអន្តរាគមន៍ភ្លាមៗនៅទីតាំងកន្លែងកើតហេតុ ដោយក្នុងនោះសមត្ថកិច្ចបានប្រើប្រាស់រថយន្តពន្លត់អគ្គីភ័យ រថយន្ត អ.ហ ខេត្ត ចំនួន០១គ្រឿង ប្រើប្រាស់ទឹក អស់០១ឡាន, រថយន្ត ន.ប ០២គ្រឿង ប្រើប្រាស់ទឹក អស់០២ឡាន។

បន្ទាប់ពីសមត្ថកិច្ចអន្តរាគមន៍ អគ្គិភ័យត្រូវបានរលត់ទាំងស្រុង វេលាម៉ោង១៤និង៤៥នាទី អគ្គិភ័យនេះ មិនបណ្តាលឲ្យមានគ្រោះថ្នាក់ដល់មនុស្សឡើយ រីឯមូលហេតុមិនទាន់ដឹងច្បាស់នោះទេ៕

កែសម្រួលដោយ ៖ នាគព័ន្ធ