Connect with us

ព័ត៌មានជាតិ

ប្អូនប្រុសរបស់លោក ស៊ន តារា អះអាងថា នឹងព្យាយាមពន្យល់បងប្រុសឲ្យចាកចេញពីក្រុមឧទ្ទាមក្បត់ជាតិ

បានផុស

នៅ

ប្អូនប្រុសរបស់លោក ស៊ន តារា គឺលោក ស៊ន សារ៉ាត់ បានអះអាងថា លោកនឹងព្យាយាមពន្យល់បងប្រុសឲ្យចាកចេញពីក្រុមឧទ្ទាមក្បត់ជាតិ ​ហើយមករួមរស់ជាមួយក្រុមគ្រួសារ និងប្រទេសជាតិ វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គមតេលេក្រាម នៅព្រឹកថ្ងៃទី ២៥ ខែមេសានេះ សម្ដេចតេជោ ហ៊ុន សែន បានបង្ហាញវីដេអូអមជាមួយលិខិតប្អូនប្រុសរបស់លោក ស៊ន តារា ដែលបានបញ្ជាក់អំពីការផ្ដាច់ទំនាក់ទំនងជាមួយបងប្រុសជាយូរណាស់មកហើយ។

លើសពីនេះទៀត សម្ដេចតេជោ ហ៊ុន សែន ក៏បានបង្ហាញឡើងវិញនូវវីដេអូអំពីសម្ដីរបស់ឪពុក-ម្ដាយរបស់លោក ស៊ន តារា ផងដែរ។ សម្ដេចតេជោ ហ៊ុន សែន បានសរសេរបញ្ជាក់ថា «ខ្ញុំមិនចង់ឲ្យពួកគាត់ក្លាយជាជនរងគ្រោះ ដោយ​សារ​ទង្វើក្មេងពាលនេះទេ ហើយក៏មិនយកពួកគាត់ធ្វើចំណាប់ខ្មាំងនោះដែរ»។

ប្អូនប្រុសរបស់លោក ស៊ន តារា គឺលោក ស៊ន សារ៉ាត់ បានចេញវីដេអូប្រមាណជា ២នាទី ដោយបានបញ្ជាក់ថា លោក បានផ្ដាច់ទំនាក់ទំនងជាមួយបងប្រុស គឺលោក ស៊ន តារា ជាយូរណាស់មកហើយ។

លោក ស៊ន សារ៉ាត់ បាននិយាយថា លោកពិតជាមានការសោកស្ដាយ នៅពេលដែលបងប្រុសរបស់លោកបានធ្វើសកម្មភាពវាយប្រហារ ជេរប្រមាថមកលើព្រះមហាក្សត្រ មកលើរដ្ឋាភិបាល មកលើសម្ដេច និងក្រុមគ្រួសាររបស់សម្ដេច។

លោកនិយាយបែបនេះថា «ខ្ញុំបានផ្ដាច់ទំនាក់ទំនងជាមួយបងប្រុសរបស់ខ្ញុំយូរមកហើយ ដោយសារតែខ្លាចប៉ះពាល់ទៅដល់វិជ្ជាជីវៈការងាររបស់ខ្ញុំ»។

តែយ៉ាងណាក៏ដោយ លោក ស៊ន សារ៉ាត់ បានប្ដេជ្ញាថា នឹងព្យាយាមពន្យល់ណែនាំបងប្រុសរបស់លោក ឲ្យបញ្ឈប់សកម្មភាពជេរប្រមាថព្រះមហាក្សត្រ រដ្ឋាភិបាល សម្ដេច និងក្រុមគ្រួសារ ក្រោយពីមានការផ្ដល់ឱកាសពីសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។

ក្នុងនោះ លោក ស៊ន សារ៉ាត់ នឹងព្យាយាមពន្យល់បងប្រុសឲ្យចាកចេញពីក្រុមឧទ្ទាមក្បត់ជាតិ ​ហើយមករួមរស់ជាមួយក្រុមគ្រួសារ និងប្រទេសជាតិវិញ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៥ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២០ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២០ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង១៧ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ២២ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

Sokha Hotels

ព័ត៌មានពេញនិយម