ព័ត៌មានជាតិ
ព្រះអគ្គិជ័យកីឡា នឹងតម្កល់ទុកមួយយប់នៅទីរួមខេត្តស្ទឹងត្រែង លុះដល់ព្រឹកថ្ងៃទី២៨និងបន្តដង្ហែទៅកាន់ខេត្តក្រចេះ
ស្ទឹងត្រែង ៖ នៅថ្ងៃទី២៦ ខែមេសានេះ អភិបាលខេត្តស្ទឹងត្រែងដឹកនាំកម្លាំងពាក់ព័ន្ធចុះពិនិត្យទីតាំងត្រៀមធ្វើពិធីប្រគល់ទទួលភ្លើងគប់ព្រះអគ្គិជ័យកីឡា នៅច្រកទ្វារព្រំដែនអន្តរជាតិ ត្រពាំងក្រៀល និងដង្ហែមកវត្តស្រះកែវមុន្នីវណ្ណ ដើម្បីត្រៀមទទួលនិងតម្កល់ភ្លើងគប់ព្រះអគ្គិជ័យកីឡាមួយយប់នៅខេត្តស្ទឹងត្រែង។
លោកស្វាយ សំអ៊ាង អភិបាលខេត្តមានប្រសាសន៍ថា នេះជាព្រឹត្តិការណ៍ជាប្រវត្តិសាស្ត្រដែលប្រជាពលរដ្ឋខ្មែរយើង ដោយឡែកប្រជាជននៅខេត្តស្ទឹងត្រែង បាននាំគ្នាត្រៀមលក្ខណទទួលភ្លើងគប់ព្រះអគ្គិជ័យកីឡា ព្រោះខេត្តស្ទឹងត្រែងមានមោទនភាពត្រូវបានតម្កល់ភ្លើងគប់ព្រះអគ្គិជ័យកីឡាមួយយប់។
លោកអភិបាលខេត្តមានប្រសាសន៍បន្តថា ខេត្តបានរៀបចំឱ្យមានភាពអធិកអធមដើម្បីបង្ហាញពីកត្តាជោគជ័យនិងសន្តិភាពរបស់ប្រទេសកម្ពុជាយើងក្រោមការដឹកនាំប្រកបដោយគតិបណ្ឌិតដ៏ខ្ពង់ខ្ពស់និងឈ្លាសវៃ របស់សម្តេចអគ្គមហាសេនាបតីតេជោ ហ៊ុន សែន ដែលមានប្រសាសន៍ថា កម្ពុជាតូចតែបេះដូងធំ។
លោក នីផល្លី រដ្ឋលេខាធិការ ក្រសួងទេសចរណ៍មានប្រសាសន៍ថា ព្រឹត្តិការណ៍ស៊ីហ្គេមលើកទី៣២និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះនេះ ពិតជាមានមោទនភាពបានបង្ហាញពីគោលការណ៍បីយ៉ាង ទី១-បានផ្តល់អាទិភាពឱ្យកម្ពុជាយើងបានធ្វើការផ្សព្វផ្សាយព្រឹត្តិការកីឡាទៅភ្ញៀវទេសចរនៅលើកពិភពលោកឱ្យបានដឹងថា ប្រទេសកម្ពុជាសមានសុខសន្តិភាពពេញលេញ ។
ទី២-បានទាក់ទាញនិងធ្វើឱ្យមានលំហូរភ្ញៀវទេសចរមកកាន់កម្ពុជាឱ្យកាន់តែមានបរិមាណច្រើន។ ទី៣-បានបង្ហាញការចូលរួម ពីមហាជនពីគ្រប់មជ្ឈដ្ឋាននៅក្នុងតំបន់នៃប្រទេសកម្ពុជាយើង និងបណ្តាប្រទេសផ្សេងៗទៀត បានគាំទ្រទៅដល់ប្រមុខរាជរដ្ឋាភិបាលកម្ពុជាយើង ធ្វើបានសម្រេចស្នាដៃជូនជាតិនិងប្រជាជន។
សូមបញ្ជាក់ថា ពិធីប្រគល់ និងទទួល ព្រះអគ្គិជ័យកីឡា ធ្វើឡើងនៅច្រកព្រំដែនអន្តរជាតិណងណុកឃៀន-ឡាវ និង ច្រកព្រំដែនអន្តរជាតិត្រពាំងក្រៀលខេត្តស្ទឹងត្រែង និង ដង្ហែចូលទៅកាន់ ទីរួមខេត្ត តម្កល់ទុកមួយយប់លុះដល់ព្រឹកថ្ងៃទី២៨និងបន្តដង្ហែទៅកាន់ខេត្តក្រចេះ ត្បូងឃ្មុំ កំពង់ចាម និងខេត្តកណ្តាល នាថ្ងៃបន្ទាប់។
គួររំលឹកថា ភ្លើងគប់ព្រះអគ្គិជ័យកីឡា នឹង បានដង្ហែទៅកាន់ទៅបណ្តាប្រទេសនានា ក្នុងតំបន់អាស៊ី -អាគ្នេយ៍ រួចមកទើបដង្ហែចូលមក ប្រទេសកម្ពុជាវិញ នៅថ្ងៃព្រហស្បតិ៍ ទី២៧ ខែមេសា ឆ្នាំ២០២៣ នេះ ហើយបន្តបន្ទាប់នៅ ថ្ងៃទី២៩ ខែមេសា ភ្លើងគប់ព្រះអគ្គិជ័យកីឡា នឹងដង្ហែទៅតាមបណ្តាខេត្ត ជុំវិញបឹងទន្លេសាប រួមមាន ខេត្តកំពង់ឆ្នាំង ខេត្តពោធិ៍សាត់ បាត់ដំបង បន្ទាយមានជ័យ សៀមរាប និងកំពង់ធំ ទើបឆ្ពោះទៅរាជធានីភ្នំពេញ ចូលទៅកាន់ពហុកីឡដ្ឋាន មរតកតេជោ៕
ដោយ ៖ ងិនលីម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ