Connect with us

ព័ត៌មានជាតិ

គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ ចេញសេចក្ដីប្រកាសព័ត៌មាន បន្ទាប់ពីមានមតិរិះគន់ និងគាំទ្រ

បានផុស

នៅ

គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ នៅថ្ងៃទី២៧ ខែមេសា ឆ្នាំ២០២៣នេះ បានចេញសេចក្ដីប្រកាសព័ត៌មានមួយបន្ទាប់ពីបានឃើញការផ្តល់មតិ “Comments” ក្នុងបណ្ដាញព័ត៌មានសង្គម ដោយមានបុគ្គលខ្លះគាំទ្របញ្ចេញមតិក្នុងន័យស្ថាបនា និងបុគ្គលខ្លះទៀតបានបញ្ចេញមតិក្នុងន័យចំអក រិះគន់ និងចោទប្រកាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យគណៈកម្មការជាតិ បានបញ្ជាក់ថា កិច្ចប្រតិបត្តិការនេះ បានបង្ក្រាប និងរឹបអូសឈើប្រភេទលេខ១សរុបចំនួន ៧៣ម៉ែត្រត្រីគុណ៦៧២, ឈើហ៊ុបមូលចំនួន៤រថយន្ត (មិនទាន់វាស់វែង) និងឃាត់រថយន្តសណ្ដោងរ៉ឺម៉កចំនួន​០៧​គ្រឿង​ គោយន្តកន្ត្រៃចំនួន១៣គ្រឿង ម៉ូតូចំនួន០១គ្រឿង កៅឡាក់១៤គ្រាប់។ ជាមួយគ្នានេះដែរបានឃាត់ខ្លួនជនដែលពាក់ព័ន្ធចំនួន១២នាក់ ប្រគល់ជូនមន្ត្រីរដ្ឋបាលព្រៃឈើបន្តនីតិវិធី។

គណៈកម្មការជាតិបញ្ជាក់ថា កិច្ចការងារជាប្រចាំក្នុងការក្តាប់ព័ត៌មានស្រាវជ្រាវទប់ស្កាត់ និងបង្ក្រាបរាល់បទល្មើសព្រៃឈើ គឺថ្នាក់រាជធានី ខេត្ត ក្រុង ស្រុក ខណ្ឌ ទទួលខុសត្រូវក្នុងនាមជាសមាជិកនៃគណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិ និងជាប្រធានគណៈបញ្ជាការឯកភាពរដ្ឋបាលគ្រប់ជាន់ថ្នាក់។ ក្នុងករណីខ្វះកម្លាំង ខ្វះមធ្យោបាយ ថ្នាក់ខេត្តអាចស្នើសុំមកគណៈកម្មការជាតិ គឺថ្នាក់ជាតិ នឹងផ្តល់កម្លាំងមធ្យោបាយចុះទៅសហការបង្ក្រាបភ្លាម។ ប៉ុន្តែករណីបទល្មើសជាក់ស្តែង កាលពីយប់ថ្ងៃទី២៤ ខែមេសា មិនមានសេចក្តីរាយការណ៍ ឬការស្នើសុំកម្លាំង មធ្យោបាយពីថ្នាក់ខេត្ត ក្រុង ស្រុក មកថ្នាក់ជាតិនោះទេ គឺថ្នាក់ជាតិទទួលព័ត៌មានច្បាស់ការណ៍ពីជំនាញស្រាវជ្រាវព័ត៌មាន ទើបឯកឧត្តម នាយឧត្តមសេនីយ៍ សៅ សុខា ក្នុងនាមជាមេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ទទួលភារកិច្ចពីប្រមុខរាជរដ្ឋាភិបាល សម្រេចបញ្ជាកម្លាំងកងអន្តរាគមន៍ កងរាជអាវុធហត្ថលើផ្ទៃប្រទេស ចុះបង្ក្រាបភ្លាមដោយផ្ទាល់ ដោយមិនចាំបាច់ជូនដំណឹងទៅថ្នាក់ខេត្ត ក្រុង ស្រុក ដើម្បីរក្សាការសម្ងាត់ក្នុងការបង្ក្រាបឱ្យមានប្រសិទ្ធភាព។

គណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិ ក៏សូមថ្លែងអំណរគុណយ៉ាងជ្រាលជ្រៅចំពោះការចូលរួមយ៉ាងសកម្មពីសំណាក់ពលរដ្ឋល្អ និងអ្នកសារព័ត៌មាន ហើយក៏សូមអំពាវនាវបន្តផ្តល់ព័ត៌មានអំពីបទល្មើសព្រៃឈើនេះ ទៅដល់អាជ្ញាធរដែនដី ជំនាញរដ្ឋបាលព្រៃឈើ ជំនាញបរិស្ថាន ជាពិសេសគណៈបញ្ជាការឯកភាពរដ្ឋបាលគ្រប់ជាន់ថ្នាក់ដើម្បីរក្សាការពារព្រៃឈើឱ្យបានគង់វង្ស៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

សហគ្រាស ហូមថេសហ្វូត នៅខេត្តសៀមរាប ក្លាយជាសហគ្រាសគំរូលើការកែច្នៃផលិតផលជលផល

ព័ត៌មានជាតិ១ ម៉ោង មុន

អាជ្ញាធរ​នាំ​ខ្លួន​មនុស្ស​២៣​នាក់​ទៅ​មន្ទីរ​សង្គមកិច្ច​រាជធានី​ភ្នំពេញ ដែល​តែងតែ​បង្ក​អសន្តិសុខ​ក្នុង​មូលដ្ឋាន

ជីវិតកម្សាន្ដ៤ ម៉ោង មុន

សម្រស់បរកញ្ញា Engfa ប្រែប្រួល ១៨០ដឺក្រេ ក្រោយប្ដូរពណ៌សក់

ព័ត៌មានជាតិ៤ ម៉ោង មុន

កម្ពុជារងឥទ្ធិពលពីប្រព័ន្ធសម្ពាធទាបអូសបន្លាយកាត់លើពាក់កណ្តាលអាងមេគង្គជាមួយខ្យល់មូសុងនិរតីខ្សោយ

ព័ត៌មានជាតិ៤ ម៉ោង មុន

លោក វង្សី វិសុទ្ធ ៖ យើងធ្វើការបានល្អហើយ តែបើយឺតពេល វាអាចបាត់បង់នូវតម្លៃ និងលទ្ធផលការងារនោះវិញ

Sokha Hotels

ព័ត៌មានពេញនិយម