ព័ត៌មានជាតិ
មន្ត្រីជាន់ខ្ពស់សិង្ហបុរី អបអរសាទរកម្ពុជា ដែលរៀបចំព្រឹត្តិការណ៍ស៊ីហ្គេមបានយ៉ាងអស្ចារ្យ និងមានភាពរលូនល្អ
មន្ត្រីជាន់ខ្ពស់របស់ប្រទេសសិង្ហបុរី បានអបអរសាទរចំពោះប្រទេសកម្ពុជា ដែលបានរៀបចំព្រឹត្តិការណ៍ស៊ីហ្គេមលើកទី ៣២ បានយ៉ាងអស្ចារ្យ និងមានភាពរលូនល្អ។
ការអបអរសាទរនេះ គ្រាដែលសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីព្រឹកថ្ងៃទី ៨ ខែឧសភា ឆ្នាំ ២០២៣នេះ បានអនុញ្ញាតឲ្យលោក Teo Chee Hean ទេសរដ្ឋមន្ត្រី និងជារដ្ឋមន្ត្រីសម្របសម្រួលសន្តិសុខជាតិសិង្ហបុរី ចូលជួបសម្ដែងការគួរសម និងពិភាក្សាការងារ។
ក្នុងជំនួបនេះ លោក Teo Chee Hean បានគោរពអបអរសាទរចំពោះសម្ដេចតេជោ ដែលបានរៀបចំព្រឹត្តិការណ៍ស៊ីហ្គេមលើកទី ៣២ បានយ៉ាងអស្ចារ្យ យ៉ាងជោគជ័យ និងមានភាពរលូនល្អ។ លោកថា កីឡាករ-កីឡាការនី និងអ្នកមកចូលរួមទទួលបាននូវបដិសណ្ឋារកិច្ចយ៉ាងកក់ក្ដៅ ហើយលោកក៏បានសម្ដែងនូវការអបអរសាទរជូនសម្ដេចតេជោផងដែរ ចំពោះការប្រយុទ្ធប្រឆាំងជំងឺកូវីដ-១៩ បានយ៉ាងជោគជ័យ។
ព្រមទាំងបានដឹកនាំ និងរៀបចំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធបានយ៉ាងជោគជ័យ។ លោកទេសរដ្ឋមន្ត្រី Teo Chee Hean ក៏បានគោរពជូនសម្ដេចតេជោថា ក្នុងដំណើរទស្សនកិច្ចរបស់លោកមកកាន់ប្រទេសកម្ពុជានាពេលនេះ គឺដើម្បីជំរុញទំនាក់ទំនងរវាងប្រទេសទាំងពីរ ឲ្យឈានឡើងមួយកម្រិតទៀត។
ជាការឆ្លើយតបសម្ដេចតេជោ ហ៊ុន សែន បានថ្លែងអំណរគុណចំពោះរដ្ឋាភិបាល និងប្រជាជនសិង្ហបុរី ដែលបានបញ្ជូនកីឡាករ-កីឡាការនី មកប្រកួតស៊ីហ្គេមនៅកម្ពុជាដែលញាំឲ្យព្រឹត្តិការណ៍នេះនៅកម្ពុជា កាន់តែអធិកអធម ថែមទៀត។ សម្ដេចតេជោ ហ៊ុន សែន ក៏បានថ្លែងអំណរគុណផងដែរ ចំពោះរដ្ឋាភិបាលសិង្ហបុរីដែលបានគាំទ្រកម្ពុជា ក្នុងឱកាសដែលកម្ពុជារៀបចំ និងដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ កាលពីពេលថ្មីៗកន្លងទៅនេះ។
ពាក់ព័ន្ធនឹងការជំរុញទំនាក់ទំនងរវាងប្រទេសទាំងពីរ ដើម្បីឲ្យឈានឡើងមួយកម្រិតទៀតនោះ សម្ដេចតេជោ ហ៊ុន សែន បានវាយតម្លៃខ្ពស់លើកិច្ចសហប្រតិបត្តិការ និងទំនាក់ទំនងដែលមានស្រាប់រវាងប្រទេសទាំងពីរ។ សម្ដេចតេជោ ហ៊ុន សែន ក៏បានលើកទឹកចិត្តឲ្យភាគីទាំងពីរ ពិនិត្យមើលការជំរុញការអនុវត្តតាមកិច្ចព្រមព្រៀង និងអនុស្សរណៈដែលបានចុះហត្ថលេខាហើយ ជាពិសេសនៅលើវិស័យនៅលើវិស័យថាមពល និងវិស័យទីផ្សារកាបូន។
ជាមួយគ្នានោះដែរ សម្ដេចតេជោ ហ៊ុន សែន ក៏បានលើកទឹកចិត្តឲ្យមានការពិនិត្យមើលលទ្ធភាព ក្នុងការធ្វើកិច្ចសហប្រតិបត្តិការលើវិស័យដទៃទៀត ដែលអាចធ្វើទៅបាន៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង