ព័ត៌មានជាតិ

គ្រឹះស្ថានធនាគារនិងមីក្រូហិរញ្ញវត្ថុ បានរៀបចំឥណទានឡើងវិញ ដល់អតិថិជនជាង៤ពាន់លានដុល្លារ

បានផុស

៦ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

តាមរបាយការណ៍របស់ធនគារជាតិនៃកម្ពុជា បានឲ្យដឹងថា នៅឆ្នាំ២០២០ កន្លងទៅនេះ គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុ បានផ្ដល់ការអនុគ្រោះដល់អ្នកខ្ចីតាមរយៈការរៀបចំឥណទានឡើងវិញ បានចំនួន២៨៥០៧៤គណនីស្នើនឹង១៦៨២៦.៣ប៊ីលានរៀលស្មើ៤១៥៦.៧លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះគ្រឹះស្ថានធនាគារ បានផ្ដល់ការអនុគ្រោះដល់អ្នកខ្ចីប្រាក់តាមរយៈការរៀបចំឥណទានឡើងវិញចំនួន៤៣២៩១គណនីស្មើនឹង១២២១៤,៩ ប៊ីលានរៀលស្មើ៣០១៧,៥លានដុល្លារអាមេរិក ដោយក្នុងនោះវិស័យទេសចរណ៍ ចំនួន៤២៥៨គណនីស្មើនឹង៣២៥២,៨ប៊ីលានរៀលស្មើ៨០៣,៦លានដុល្លារអាមេរិក។ វិស័យកាត់ដេរ ចំនួន២៣៩២គណនីស្មើនឹង១៧៤,៦ប៊ីលានរៀលស្មើ៤៣,១លានដុល្លារ ។វិស័យសំណង់ ចំនួន៧៥៧០គណនីស្មើនឹង១៩៣០,៧ប៊ីលានរៀលស្មើ៤៧៧លានដុល្លារ។ វិស័យដឹកជញ្ជូននិងឡីជីស្ទីក ចំនួន២៨៩៣គណនីស្មើនឹង៤៨៨,២គណនីស្មើ១២០,៦លានដុល្លារ និងវិស័យផ្សេងៗចំនួន២២៦១៧៨គណនីស្មើនឹង៦៣៦៨,៦ប៊ីលានរៀលស្មើ១៥៧៣,៣លានដុល្លារ។

តាមរបាយការណ៍របស់ធនាគារជាតិ ដដែលបានបង្ហាញទៀតថា ដោយឡែកសម្រាប់គ្រឹះស្ថានមីក្រូហិរញ្ញវត្ថុវិញនៅឆ្នាំ២០២០ បានផ្ដល់ការអនុគ្រោះដល់អ្នកខ្ចីប្រាក់តាមរយៈការរៀបចំឥណទានឡើងវិញចំនួន២៤១៧៨៣គណនីស្មើនឹង៤៦១១,៤ប៊ីលានរៀលស្មើ១១៣៩,២លានដុល្លារ ក្នុងនោះវិស័យទេសចរណ៍ចំនួន២១៥០៨ គណនីស្មើនឹង៤៨៣,៥ប៊ីលានរៀលស្មើ១១២លានដុល្លារអាមេរិក។ វិស័យកាត់ដេរ ចំនួន៧២៩៩៥គណនីស្មើនឹង៧២១,៦ប៊ីលានរៀលស្មើ១៧៨,៣លានដុល្លារ។វិ ស័យសំណង់ ចំនួន១៤០៥គណនីស្មើនឹង៤៧៥,១ប៊ីលានរៀលស្មើ១១៧,៤លានដុល្លារ។ វិស័យដឹកជញ្ជូននិងឡីជីស្ទីក ចំនួន១១១៩៤គណនីស្មើនឹង៣៧០,៣ប៊ីលានរៀលស្មើ៩១,៥លានដុល្លារ និងវិស័យផ្សេងៗចំនួន១២២០៣៥គណនីស្មើនឹង២៥៩០,៨ប៊ី លានរៀលស្មើ៦៤០លានដុល្លារ៕

អត្ថបទ៖ សំអឿន

សូមចុចអាន៖ កំពង់ផែទេសចរណ៍អន្តរជាតិ ខេត្តកំពត នឹងបើកដំណើរការនៅចុងឆ្នាំ២០២១

Related Topics:វិស័យធនាគារ