ព័ត៌មានជាតិ

៤ ខែឆ្នាំ ២០២៣ កម្ពុជានាំចេញមានទំហំទឹកប្រាក់ជាង ៧ ពាន់លានដុល្លារ

បានផុស

៤ ខែ មុន

នៅ

ថ្ងៃសៅរ៍ ២៧ ឧសភា ២០២៣

ដោយ

រយៈពេល ៤ ខែ ឆ្នាំ២០២៣ ទំហំនៃការនាំចេញរបស់កម្ពុជាមានទឹកប្រាក់ជាង៧ ពាន់លានដុល្លារ។ នេះបើតាមការគូសបញ្ជាក់ពីប្រមុខរដ្ឋាភិបាល បើយោងតាមរបាយការណ៍របស់ក្រសួងពាណិជ្ជកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែន នៅក្នុងពិធីជួបសំណេះសំណាលជាមួយបងប្អូនកម្មករកម្មការិនីប្រមាណ ១៩ ០០០នាក់ នៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញនៅព្រឹកមិញនេះបានបង្ហាញតួលេខការនាំចេញរបស់កម្ពុជាបើយោងតាមទិន្នន័យពីក្រសួងពាណិជ្ជកម្មរ ក្នុងរយៈពេល ៤ ខែ ឆ្នាំ២០២៣ ទំហំនៃការនាំចេញរបស់កម្ពុជាមានទឹកប្រាក់ចំនួន ៧ ពាន់ ៣៣១លានដុល្លារ ខណៈខែមេសាទំហំនាំចេញមានទឹកប្រាក់ ១,៨៤២លានដុល្លារ។

ដើម្បីជំរុញកំណើនសេដ្ឋកចិ្ចជាតិ ប្រមុខដឹកនាំកម្ពុជាបានបញ្ជាក់ថា កម្ពុជាមិនអាចពឹងផ្អែកលើការធ្វើកសិកម្មតែមួយមុខ ដើម្បីឲ្យប្រទេសក្លាយជាអ្នកមាន។ ដោយសារតែមើលឃើញបែបនេះ ទើបរដ្ឋាភិបាលបានប្រឹងប្រែងទាក់ទាញការវិនិយោគពីខាងក្រៅប្រទេសជំរុញវិស័យឧស្សាហកម្ម។

សម្តេចតេជោក៏បានរំលឹកពីការដាក់ចេញគោលការណ៍ជាប្រយោជន៍សម្រាប់កម្មករនិយោជិត។ សម្តេចតេជោបានមានប្រសាសន៍ថា ដើម្បីសុខដុមក្នុងរោងចក្រត្រូវតែមានការរួមគ្នារវាងថៅកែរោងចក្រ និងកម្មករឲ្យបាន ជាពិសេសដោះស្រាយទំនាស់រវាងកម្មករ និងម្ចាស់រោងចក្រ។

សម្តេចតេជោ ហ៊ុន សែន ក៏ជំរុញឲ្យថ្នាក់ដឹកនាំខេត្តនីមួយៗត្រូវប្រឹងប្រែងទាក់ទាញការវិនិយោគបន្ថែមទៀត ខណៈដែលរាជរដ្ឋាភិបាលបានសាងសង់ហេដ្ឋារចនាសម្ព័ន្ធតភ្ជាប់រួចរាល់ហើយ៕

Related Topics:សម្តេចតេជោ ហ៊ុន សែន