ព័ត៌មានជាតិ

ឆ្លងចរន្តអគ្គិសនីឆេះរោងទុកឥវ៉ាន់១ខ្នងទាំងស្រុង

បានផុស

៥ years មុន

នៅ

ថ្ងៃសៅរ៍ ២៣ មករា ២០២១

ដោយ

សេចក្តីរាយការណ៍ពីសមត្ថកិច្ចមកថា រោងសម្រាប់ទុកឥវ៉ាន់១ខ្នងរបស់ប្រជាពលរដ្ឋត្រូវបានចរន្ត អគ្គិសនីបង្កជាអគ្គិភ័យឆាបឆេះទាំងស្រុងរួមនិងសម្ភារមួយចំនួនផងដែរ។

ហេតុការនេះបានកើតឡើងកាលពីវេលាម៉ោង១២និង៥០នាទី រំលងអាធ្រាត្រឈានចូលថ្ងៃទី២២ខែមករា ឆ្នាំ២០២១នេះ ស្ថិតនៅចំណុចក្រុមទី០១ ភូមិសាមគ្គី ឃុំបវេល ស្រុកបវេល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោងទុកដាក់សម្ភារ០១ខ្នងដែលត្រូវបានអគ្គិភ័យឆេះឆាបទាំងស្រុងខាងលើមានទំហំ៣មx៤ម ធ្វើពីឈើប្រក់ស័ង្កសី ជញ្ជាំងស័ង្កសី របស់ម្ចាស់ឈ្មោះឡៅ ស៊ីនួន ភេទប្រុសអាយុ៤០ឆ្នាំរស់នៅភូមិឃុំកើតហេតុខាងលើ។ ក្នុងករណីអគ្គិភ័យនេះធ្វើឲ្យខូចខាតសម្ភារមួយចំនួន ប៉ុន្តែមិនបណ្តាលឲ្យរងរបួសមនុស្សទេ។

ក្រោយសមត្ថកិច្ចបានទទួលពត៌មានករណីនេះភ្លាមៗនោះសមត្ថកិច្ចជំនាញបានចេញរថយន្តពន្លត់អគ្គិភ័យចំនួន០១គ្រឿងនិងប្រើប្រាស់ទឹកអស់ចំនួន០១ឡានអាចគ្រប់គ្រងស្ថានភាពបានមិនបង្ករាលដាលដល់ផ្ទះជិតខាងបន្តទៀត៕

អត្ថបទ ៖ សៅ សារិទ