ព័ត៌មានជាតិ
អតីតព្រះសង្ឃ សាន សុជា៖ «បើអ្នកគាំទ្រ ស្រលាញ់ប្រជាធិបតេយ្យ សូមកុំម៉ៃគ្រាន់តែជួបជាមួយនរណាម្នាក់»
អតីតព្រះសង្ឃ សាន សុជា តាមរយៈវីដេអូ Zoom មួយកាលពីពេលថ្មីៗនេះបានគូសបញ្ជាក់ថា បន្ទាប់ពីលោកបានលាចាកសិក្ខាបទក្នុងភេទបព្វជិតនៃព្រះពុទ្ធសាសនា មកដល់ពេលនេះមិនមានការរាំងស្ទះ រងគំនាប ឬការបង្ខិតបង្ខំឱ្យទៅទទួលយកមុខដំណែង ឬចុះចូលទៅក្នុងគណបក្សនយោបាយណាទេ។
នៅក្នុងវីដេអូ Zoom លោកបានបកស្រាយថា បើទោះបីជារូបលោកបានលាចាកសិក្ខាបទក៏ពិតមែន ប៉ុន្តែនៅតែបន្តផ្លូវរស់នៅក្នុងធម្មទាន ធ្វើអ្វីដែលជារបស់ខ្លួនឯង ជឿជាក់លើអ្វីដែលកំពុងធ្វើនាពេលបច្ចុប្បន្ននេះ។
ដោយអះអាងបន្ថែម «ខ្ញុំនៅតែបន្តផ្លូវរបស់ខ្ញុំ រស់នៅក្នុងធម្មទាន ហើយខ្ញុំជឿជាក់លើអ្នកគាំទ្រ ជឿជាក់លើផល និងអ្វីដែលខ្ញុំកំពុងតែធ្វើ ព្រោះខ្ញុំជាអ្នកផ្សព្វផ្សាយព្រះធម៌ ខ្ញុំមិនមែនផ្សាយអំពីបក្សទេ»។
លើសពីនេះទៀត លោកក៏បានគូសបញ្ជាក់ថា «ប្រសិនបើអ្នកគាំទ្រ និងស្រលាញ់ចំពោះលទ្ធិប្រជាធិបតេយ្យ សូមកុំម៉ៃព្រោះតែការជួប ព្រោះការជួបជាមួយនរណាម្នាក់ វាគឺជាសិទ្ធរបស់មនុស្សម្នាក់ៗ។ ការជួបជាមួយនរណាម្នាក់ក៏មិនមែនសុទ្ធតែជាការចុះចូល ហើយការចុះចូលក៏មិនប្រាកដថាចិត្តកខ្វក់ដែរ»។
«ដំណើររឿងបន្តទៅមុខរបស់ខ្ញុំមិនមែនជារឿងនយោបាយនោះទេ តែដំណើរជីវិតរបស់ជារឿងផ្សព្វផ្សាយអំពីព្រះធម៌»។ លោកបន្ថែម។
ទាក់ទងការលើកឡើងពីមុខតំណែង បើតាមអតីតព្រះសង្ឃរូបនេះបានអះអាងថា រដ្ឋាភិបាលក៏បានមិនបង្ខំឱ្យលោកទៅកាន់តំណែងណានោះដែរ។ លើសពីនេះទៅទៀត រដ្ឋាភិបាលមានតែសាទរដល់រូបលោក ដែលបានបង្កើតកន្លែងថ្មី ដូចសម្តីដែលបាននិយាយកាលនៅជាព្រះភិក្ខុ។ មួយទៀតគឺ ឯកឧត្ដម ហ៊ុន ម៉ាណែត ក៏បានមានប្រសាសន៍ដែរថា ឯកឧត្ដមគាំទ្រនូវអ្វីដែលរូបលោកកំពុងធ្វើ ធ្វើអ្វីដែលជារបស់ខ្មែរ ហើយពេលខាងមុខឯកឧត្ដម ហ៊ុន ម៉ាណែត បានអះអាងថា ឯកឧត្ដម ក៏មិនយកផ្លាកគណបក្សប្រជាជនមកដាក់នៅកន្លែងរបស់លោកផងដែរ។
គួររំលឹកដែរថា អតីតព្រះសង្ឃ សាន សុជា បានលាចាកសិក្ខាបទកាលពីថ្ងៃទី២២ ខែឧសភា ឆ្នាំ២០២៣កន្លងទៅ ក្រោយប្រើពេលវេលាជាង ៣០ ឆ្នាំជាភេទបព្វជិតនៃព្រះពុទ្ធសាសនា៕
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ