ព័ត៌មានជាតិ
រោងចក្រដំឡើងរថយន្ដរបស់ក្រុមហ៊ុនធំៗណាខ្លះ កំពុងមានវត្តមាន នឹងគ្រោងធ្វើនៅកម្ពុជា?
បច្ចុប្បន្ន កម្ពុជាបានទាក់ទាញការវិនិយោគពីក្រុមហ៊ុនផលិតរថយន្តម៉ាកល្បីៗរបស់ពិភពលោកមួយចំនួន ដូចជាក្រុមហ៊ុនរថយន្តតូយ៉ូតា (ម៉ាកល្បីរបស់ជប៉ុន) រថយន្ត Ford (ម៉ាកដ៏ល្បីរបស់អាមេរិក) រួមនឹងក្រុមហ៊ុនផលិតរថយន្តដ៏ល្បីរបស់កូរ៉េខាងត្បូងចំនួនពីរ គឺ Hyundai និង Daehan ដែលបានបង្កើតរោងចក្រដំឡើងរថយន្ត នៅតំបន់សេដ្ឋកិច្ចពិសេស ក្នុងទឹកដីខេត្តកោះកុង និងនៅក្រុងបាវិតខេត្តស្វាយរៀងជាដើម។ នេះបើតាមការបញ្ជាក់របស់ ក្រសួងសាធារណការ និងដឹកជញ្ជូន បានចេញផ្សាយកាលពីពេលកន្លងទៅ។
ដោយមានការលើកទឹកចិត្ដដល់អ្នកវិនិយោគនៅក្នុងប្រទេសកម្ពុជា ពីរាជរដ្ឋាភិបាល គិតមកដល់ពេលនេះ កម្ពុជាមានគម្រោងរោងចក្រដំឡើងរថយន្ដថ្មីសរុបចំនួនប្រមាណជា ១០ ក្រុមហ៊ុន ដែលកំពុងដំណើរការអាជីវម្មផ្គត់ផ្គង់ និងកំពុងដំណើរការ សាងសង់រោងចក្រ។ ប៉ុន្តែ កម្ពុជាថ្មី សូមលើកយកតែក្រុមហ៊ុនដំឡើងរថយន្ត របស់ក្រុមហ៊ុនចំនួន ៦ ប៉ុណ្ណោះ។
១. ក្រុមហ៊ុន Hyundai Camko Motor
Hyundai ជាក្រុមហ៊ុន បង្កើតរោងចក្រដំឡើងរថយន្តដំបូងគេនៅកម្ពុជា ពោលគឺអំឡុងឆ្នាំ២០១១ ដែលជាការវិនិយោគ រួមគ្នារវាងក្រុមហ៊ុន KH Motors និងក្រុមហ៊ុនលីយ៉ុងផាត់ (ខេមបូឌា) ហើយក្រុមហ៊ុននេះ បានជ្រើសយកតំបន់ សេដ្ឋកិច្ចពិសេសក្នុងទឹកដីនៃខេត្តកោះកុង ធ្វើជាទីតាំងដំឡើង។
២. ក្រុមហ៊ុន Daehan Auto
ក្រុមហ៊ុន DAEHAN Auto (Cambodia) Co., Ltd ជាក្រុមហ៊ុនដំឡើងរថយន្តម៉ាក Ssangyong, Daehan, Sino ជាដើម និងជាក្រុមហ៊ុនដំឡើងរថយន្តទីពីរ បន្ទាប់ពី Hyundai ។ ក្រុមហ៊ុននេះ បានចាប់ផ្ដើមបើករោងចក្រ ដំឡើងរថយន្តរបស់ខ្លួន ក្នុងឆ្នាំ២០១៨ នៅក្រុងបាវិត ខេត្តស្វាយរៀង និងអាចដំឡើងរថយន្តបានច្រើនប្រភេទ សម្រាប់ផ្គត់ផ្គង់ទីផ្សារក្នុងស្រុក និងនាំចេញទៅក្រៅប្រទេស។
៣. ក្រុមហ៊ុន RMA Cambodia (Ford)
នៅថ្ងៃទី ១៤ ខែកញ្ញាឆ្នាំ ២០២១ រោងចក្រដំឡើងរថយន្ត Ford ដោយបោះទុនវិនិយោគប្រមាណ ២១លានដុល្លារ អាមេរិក ដោយជ្រើសយកទីតាំងសម្រាប់រោងចក្រដំឡើងនៅ ឃុំស្នាអន្សា ស្រុកក្រគរ ខេត្តពោធិ៍សាត់។
៤. ក្រុមហ៊ុន HGB Motors Assembly
ក្រុមហ៊ុន HGB Motors Assembly Co.,Ltd ជាក្រុមហ៊ុនដំឡើងរថយន្តម៉ាក KIA ។ ក្នុងឆ្នាំ២០២១ ក្រុមហ៊ុន នេះ ត្រូវបានក្រុមប្រឹក្សាអភិវឌ្ឍន៍កម្ពុជា យល់ព្រមសំណើសុំវិនិយោគគម្រោងបង្កើតរោងចក្រផ្គុំ និងដំឡើងរថយន្តរបស់ខ្លួន ដោយបានជ្រើសយកទីតាំងវិនិយោគក្នុងតំបន់សេដ្ឋកិច្ចពិសេស ប៉ោយប៉ែត ភីភី ក្រុងប៉ោយប៉ែត ខេត្តបន្ទាយមានជ័យ។
៥. ក្រុមហ៊ុន K Cambodia (Isuzu)
គម្រោងវិនិយោគបង្កើតរោងចក្រដំឡើងរថយន្ត ISUZU របស់ក្រុមហ៊ុន K (Cambodia).,LTD ដែលមានទុនវិនិយោគប្រមាណ ៧,៣លានដុល្លារអាមេរិកនេះ ទទួលបានការអនុម័តពីក្រុមប្រឹក្សាអភិវឌ្ឍន៍កម្ពុជា កាលពីខែកុម្ភៈ ឆ្នាំ២០២២ វិនិយោគនៅទីតាំងក្នុងស្រុកសំរោងទង ខេត្តកំពង់ស្ពឺ ។
៦. ក្រុមហ៊ុន Toyota Tsusho Manufacturing
រោងចក្រដំឡើងរថយន្តឈ្មោះ Toyota Tsusho Manufacturing (Cambodia) Co., Ltd., (TTMC) ជាគម្រោងវិនិយោគរបស់ក្រុមហ៊ុន Toyota Tsusho ជាមួយទឹកប្រាក់វិនិយោគចំនួនប្រមាណជាង ៣៦ លានដុល្លារ អាមេរិក គ្រោងធ្វើនៅទីតាំងតំបន់សេដ្ឋកិច្ចពិសេសភ្នំពេញ (PPSEZ) ។
ការដំឡើងរោងចក្ររថយន្ដថ្មីនៅកម្ពុជា នឹងជួយបង្កើនចំណូលជូនប្រជាពលរដ្ឋ ដោយបានបង្កើតការងារ និងជំនួសឱ្យ ការនាំចូលរថយន្ដថ្មីទាំងស្រុងពីក្រៅប្រទេស និងចូលរួមចំណែកក្នុងសេដ្ឋកិច្ចជាតិ ជាមួយនឹងចំណូលពន្ធផ្សេងៗ និងជួយឱ្យតម្លៃរថយន្ដថ្មីមានភាពល្អប្រសើរជាងមុន៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង